Mavhesi emuBhaibheri Ane Mukurumbira kubva kuna Dhanieri 5

Pakurirana nevamwe

Asi iwe wakatozvitutumadza zvako uchikanganisira Tenzi Wedenga. Ukatoraka iwe midziyo yomumba make ikaunzwa pauri, iwewe namadzishe ako navakadzi vako navarongo vako ukanwira mairi uchitorumbidza hako vamwari vesirivha nevendarama nevendarira nevesimbi nevezvimiti navamabwe, vasina chavanoona kana kunzwa vasina nechavanoziva. Asi Mwari, iye akabata upenyu hwako mumaoko make, iye anoti kwaanenge ati unoenda ndiko kwaunoenda hauna kumuremekedza.

“Zvakanyorwa apa zvacho ndezvizvi izvi. MENE MENE TEKERI UYE PARISINI. Zvazvinoreva ndezvizvi: MENE, zvinoreva kuti; Mwari averenga mazuva oumambo hwenyu akahusvitsa kumagumo. TEKERI zvinoreva kuti imi pachenyu maerwa pachikero mukawanikwa musina kukwana, PERESI, zvichireva kuti umambo hwenyu hwakakamuraniswa hukapiwa kuvaMidhi nevaPezhia.”