Mavhesi emuBhaibheri Ane Mukurumbira kubva kuna Mapisarema 91

Pakurirana nevamwe

Ndichati pamusoro paJehovha, “Ndiye utiziro hwangu nenhare yangu, Iye Mwari wangu, wandinovimba naye.”

Uyo agere panzvimbo yokuvanda yoWokumusorosoro Acharambira pamumvuri wowaMasimbaose.

Iye achadana kwandiri, ndichamupindura; Ini ndichava naye pakutambudzika; Ndichamurwira, nokumukudza.

Nokuti iye acharaira vatumwa vake pamusoro pako, Kuti vakuchengete panzira dzako dzose.

Iye achakufukidza nemhinenga yake, Uchatizira pasi pamapapiro ake; Zvokwadi yake inhoo huru neduku.

Nokuti imi Jehovha, muri utiziro hwangu! Iwe wakaita Wokumusorosoro ugaro hwako. Hapana chakaipa chingakuwira, Uye hapana hosha ichaswedera patende rako.

Nokuti iye achakurwira parugombe rwomuteyi weshiri, Napahosha inouraya zvikuru.

Kurutivi rwako kuchawa vane gumi ramazana, Nezana ramazana paruoko rwako rworudyi; Asi hazvingaswederi kwauri.

Haungatyi chinhu chinovhundusa usiku, Kana museve unofurwa masikati; Kana hosha inofamba murima, Kana kuparadza kunouraya masikati.