Mavhesi emuBhaibheri Ane Mukurumbira kubva kuna Jeremiya 23

Pakurirana nevamwe

Ko munhu uripo ungavanda panzvimbo dzisingazikanwi, ini ndikasamuona here? Ndizvo zvinotaura Jehovha. Ko ini handizadzi denga nenyika here? Ndizvo zvinotaura Jehovha.

“Tarirai,” ndizvo zvinotaura Jehovha, “Mazuva achauya, andichamutsira Dhavhidhi bukira rakarurama, iye uchabata ushe ari mambo, uchaita nohuchenjeri nokururama achiita zvakarurama panyika. “Pamazuva ake Judha vachaponeswa, naIsiraeri vachagara vakachengetwa; zita rake raachatumidzwa ndireri, ‘Jehovha ndiye kururama kwedu.’

Vane nhamo vafudzi vanoparadza nokuparadzira makwai amafuro angu! Ndizvo zvinotaura Jehovha.

Ndichaunganidza vakasara vamakwai angu kunyika dzose kwandakanga ndaadzingira, ndichaadzosera kumafuro awo; achaberekana nokuwanda. Ndichaagadzira vafudzi vanoafudza; haangazotyi kana kuvhunduswa, hakuna nerimwe ringashaikwa ndizvo zvinotaura Jehovha.”

Zvanzi naJehovha wehondo, “Regai kuterera mashoko avaporofita vanokuporofiterai; vanokudzidzisai zvisina maturo, vanotaura zvavakaona pamwoyo yavo, zvisati zviri izvo zvinobuda mumuromo waJehovha.”