Mavhesi emuBhaibheri Ane Mukurumbira kubva kuna Dhuteronomi 10

Pakurirana nevamwe

“Zvino, Isiraeri, Jehovha Mwari wako unotsvakeiko kwauri, asi kuti utye Jehovha Mwari wako, ufambe munzira dzake dzose, nokumuda, nomwoyo wako wose uye nomweya wako wose, nokuchengeta mirairo yaJehovha, nezvaakatema, zvandinokuraira nhasi kuti ufare zvakanaka.

Nokuti Jehovha Mwari wenyu ndiMwari wavamwari, naShe wamadzishe, Mwari mukuru, unotyisa, usingatsauri vanhu, kana kugamuchira mubayiro.

Naizvozvo dzingisai mwoyo yenyu, murege kuva nemitsipa mikukutu.

Iye unoruramisira nherera nechirikadzi, unoda mutorwa, achimupa zvokudya nenguo.

Ndiye waunofanira kurumbidza, ndiye Mwari wako, wakakuitira zvinhu izvi zvikuru zvinotyisa, zvawakaona nameso ako.

Unofanira kutya Jehovha Mwari wako; unofanira kumushumira iye, nokumunamatira, nokupika nezita rake.

Tarira, denga nedenga ramatenga, nenyika nezvose zviri mukati mayo, ndezvaJehovha Mwari wako.

Naizvozvo munofanira kuda mutorwa, nokuti imi makanga muri vatorwa panyika yeIjipiti.