Mavhesi emuBhaibheri Ane Mukurumbira kubva kuna Juan 19

Pakurirana nevamwe

Pagkataꞌman ni Jesus it iti ngayti, miyampang kanya nga magꞌaat, “Natuman nay muꞌsa!” Pagkaꞌampang ya kayti, rimnungguk na kanya ka piyapalagsik ya nay kiyarurwa ya.

Naꞌrutan na ni Jesus nga natuman nay muꞌsang bagay nga itiyaꞌeg it kanya. Bawnga, isaꞌun matuman i magbebtang duꞌut kasuratan, miyaat kanya, “Kuꞌinum aku.”

Pagkalteg ni Jesus it inaꞌ ya ngayti, baw pagmaꞌalen ya ngayting alagad ya nga magtitindeg duꞌun it umi-umid it inaꞌ ya, maat ya, “Iyan nay ipabetang mu nga anak mu.” Baw maat ya sit alagad ya ngayti, “Pakuꞌinaꞌen mu na kanya.” Aypaꞌ gimnaring duꞌun kayti, piyataꞌid nat alagad ngayti duꞌun it sadili yang balay.

Temed pagꞌabut nira duꞌut ki Jesus, naltegan nira nga patay na, aypaꞌ ega na biyariꞌan nirat aꞌay. Yan nayan lamang i binwat it esang sundaluꞌ, sininduꞌrak yat besak i sang baling kilid ni Jesus. Magkagabut i besak, magburwak i duguꞌ baw danum.

Nagꞌabut tuy mga itu isaꞌun nga matuman i magbebtang duꞌun it kasuratan nga magꞌaat, “Egay mabariꞌ nga maski sangbat nga tuꞌlang ya.” Baw magꞌaat pay duꞌut sang bagiꞌ nga kasuratan, “Letganan nira kanya nga siyudyuk nira.”

Manliꞌwan si Jesus duꞌut siyudad ngayti, pagpapasaꞌnen ya nay krus ya. Tabanen na kanya duꞌun it rugar nga pagpangaranat Rugar it Barungutan. (Golgota in kat Hinebreo.)

Bawnga buwat it mga sundaluꞌ, naglikaw sirat dudugiyen, ka binwat nga kuruna. Bawnga ipiyakuruna it ki Jesus. Piyapakayan kanya it madarag nga gulamen nga subuk pakayan it adiꞌ.