Mavhesi emuBhaibheri Ane Mukurumbira kubva kuna Ɀakazarurwa 13

Pakurirana nevamwe

Ndipo panokucenjera. Unoziʋa, ŋgaaʋereŋge ciʋereŋgo cecikara; nokuti ciʋereŋgo ndecomunhu; ciʋereŋgo caco ndimazana matanhatu namakumi matanhatu nenhanhatu.

Ʋose ʋanogara panyika ʋacacinamata, iʋo ʋasinakunyorerwa zita raʋo mubuku yeGwaiana rakaɓayiwa kubva pakusikwa kwenyika.

Cinomanikidza ʋose, ʋaɗuku naʋakuru, ʋafumi naʋarombo, ʋakasunuŋguka naʋaranda, kuti ʋapiwe ciratidzo muruʋoko rwaʋo rworudyi, kana pahuma yaʋo; kuti munhu arege kuʋa’po unogona kuteŋga nokuteŋgesa, asi iye uneciratidzo, iro zita recikara kana ciʋereŋgo cezita raco.

Kana munhu acitapa, ucatapxa; kana munhu aciʋuraya nomunondo unofanira kuʋurawa nomunondo. Ndipo panokutsuŋgirira nokutenda kwaʋatȿene.

Ɀino ndakaʋona cikara cicikwira cicibva muguŋgwa, cinenyaŋga dzinegumi nemisoro minomŋe; napamsoro penyaŋga dzaco pakaŋga panekorona dzinegumi, napamsoro pemisoro yaco mazita okumhura Mŋari.

Cikapiwa masimba ʋo kuti cirwe naʋatȿene, nokuʋakunda; cikapiwa masimba ʋo pamsoro pamarudzi ose, naʋanhu ʋose, nendimi dzose, nendudzi dzose.

cinonyeŋgera ʋanogara panyika neɀiratidzo ɀacakapiwa kuti ciɀiite pamberi pecikara; ciciti kunaʋanogara panyika kuti ʋaitire cikara mufananidzo, ciya cakaŋga cineʋaŋga romunondo cikararama. Cikapiwa masimba okupa mufananidzo wecikara mŋeya, kuti mufananidzo wecikara utaure, ciraire kuti ʋose ʋasiŋganamati mufananidzo wecikara ʋaʋurawe.

Cikara ici candakaʋona, cakaŋga cakaita seŋgwe; netsoka dzaco sedzeɓere, nomuromo waco somuromo weshumba; shato ikacipa simba rayo, necigaro cayo coʋushe, namasimba makuru.

Ipapo cakapiwa muromo unotaura mashoko makuru neɀokumhura; cikapiwa simba kuti ciɀiite mŋedzi inamakumi manna nemiʋiri.

Mumŋe musoro waco wakaŋga wakaita sowakakuʋadzwa kuȿikira parufu; asi ʋaŋga, raifanira kuʋuraya, rakaŋga rapora; nyika yose ikashamiswa ikateʋera cikara.

Ɀino ndakaʋona cimŋe cikara cicikwira, cicibva panyika; cakaŋga cinenyaŋga mbiri segwaiana, cikataura seshato. Cinoɓata namasimba ose ecikara cokutaŋga pamberi paco. Cinomanikidza nyika naʋagere mukati mayo kuti ʋanamate cikara cokutaŋga, ciya cakapora ʋaŋga rokuʋuraya raco.