Mavhesi emuBhaibheri Ane Mukurumbira kubva kuna Isaya 55

Pakurirana nevamwe

Nokuti ndaŋgariro dzaŋgu hadzizi ndaŋgariro dzenyu, nenzira dzenyu hadzizi nzira dzaŋgu — ndiɀo ɀinotaura Jehova.

Nokuti ɗeŋga seɀarakakwirira kupfuʋura nyika, saiɀoɀo nzira dzaŋgu dzakakwirira kupfuʋura nzira dzenyu, nendaŋgariro dzaŋgu kupfuʋura ndaŋgariro dzenyu.

Tȿakai Jehova acawanikwa, ɗanai kwaari aciri pedyo.

Wakaipa ŋgaasiye nzira yake, nomunhu usakarurama miraŋgariro yake; ŋgaadzokere kunaJehova, iye ucamunzwira nyasha, nokunaMŋari weɗu, nokuti ucakaŋganwira ɀikuru.

Nhai, imi mose munenyota, ʋuyai kumvura zhinji, nousinemari, ʋuyai, muteŋge mudye; ɀirokwaɀo, ʋuyai muteŋge waini nomukaka, musinemari, pasinomuteŋgo.

Nokuti mvura necando seɀaɀinoɓuruka ɀicibva kuɗeŋga, ɀisiŋgazodzokeri’ko, asi ɀinoɗiridza nyika, ɀiciiɓerekesa nokuituŋgisa maruʋa, icipa mudɀari mbeu, nomudyi ɀokudya; ndiɀo ɀicaita shoko raŋgu rinoɓuɗa mumuromo maŋgu; hariŋgadzokeri kwandiri risina, asi ricaita ɀandinoɗa, riciendika paneɀandakaritumira.

Nokuti mucaɓuɗa nomufaro, nokufambiswa norugare; makomo neɀikomo ɀicaimba nomufaro pamberi penyu; miti yose yokuɗondo icaʋucira.

Rerekai nzeʋe yenyu, muʋuye kwandiri; inzwai, mŋeya yenyu igorarama; ndicaita nemi suŋgano isiŋgaperi, nyasha dzaɀokwaɗi dzakapikirwa Davidi.