Mavhesi emuBhaibheri Ane Mukurumbira kubva kuna San Juan 6

Pakurirana nevamwe

Magbaa Jesuu, —Wajapcharan mʉchpai khabahab ajim, mag pan õor iiupiejem. Mʉig eegarin par pãar thach pom biwaau khowiajã deeu jãsooju. Biwaau do dowiajã deeu obisi aju. Mamʉ chi mʉ iek ʉkhanaa mʉʉta au sim chan tag deeum igbajugui ajim, ich peerdʉ aumkhĩir.

Magnaa warre amag, Mua mag mʉch mod khopi jaau chirʉm chan mʉch mod chaarta jaauba chirʉmgui ajim. Mʉ modon chadcha pãrau khowiajã jãgua chan bʉ̃ʉrjã pãar peerdʉ aubajugui ajim, Ẽwandam Akharauta õor iiupiejeewai. Mag mʉ mod chaarta khoju khĩirjuju khãai, cha mua pãach kõit ʉdʉraa mʉch thõopiju jaau chirʉmta ʉkhapi chirʉmgui ajim, chi mag ʉkha nʉm khʉʉnauta Ẽwandam Akhaar õor iiupiejem wai nʉisiju aawai.

Jãg sĩi biwaau thach khom khõchgaupai mʉ ẽudee ẽkha wenʉrraju khãyau, tag bʉ̃ʉrjã jãsoo apiba ich mag pãach iiupiejem pan khĩirta athat ajim amag. Mʉch chi Emkhooi Iewaauta mag pan pãar athee wai chirʉm. Mʉch Aai Ẽwandamau pãrau ag na mag nem ooba aajem waumkhĩir juapá deetarrauta nem waaujeewai pãrau mʉ iek ʉkhanaa ichdeuta mʉ pʉitarrjã khaphʉ aju aai nʉmgui ajim.

Mʉ Ayaun, ar mʉ igwia “Jãata chadcha i Iewaau” anaa mʉ iek ʉkha nʉm khʉʉnta mʉg atag pawiajã ich mag ichjo iiu wenʉrrapim khõsi sim. Pari magaagan mʉg atag mʉg durr o nʉm edjã mʉchdeuta am phiriutkha aujugui ajim ich Jesuu.

Magbaawai Jesuu amag magjim: —Ẽwandamau pãrag waupim khõsi simʉn, mʉʉta warrgarwe ichdeu pʉiju a jaaujerr aawai mua nem jaau chitʉmta pãrag ʉkhapim khõsi simgui ajim.

Thum mʉ Ayau mʉ iek ʉkhapi nʉm khʉʉnaun mʉ ig nʉm. Mag mʉch ig nʉm khʉʉnan mua aub khaba aujugui ajim.

Magbaawai Simón Pedroou irig, —Señor, mag wetwiajã, ¿khai aar maar ereubaadeju? Ãba pʉchdeupaita õor iiupiejem iek wai sĩebahab ajim.

Mʉchta mag pan ʉ̃gtharmua beetarr õor iiupiejem khabahab ajim. Mag panta kho simʉn ich magta iiu sĩsiju. Mamʉ mag panjo mua pãrag deeju a chirʉmʉn, thumaam khʉʉn iiu wenʉrraju aai amkhĩir am kõit ʉdʉraa mʉch thõopijuuta jaau chirʉmgui ajim.

Chadcha ich mʉ Ayauta mʉ pʉitarr aawai ichdeuta mua õrag jaau chitʉmjã ʉkhapibam chan ni ãbmuajã pod mʉ iek ʉkhabamgui ajim. Ichdeu ʉkhapibaawai ʉkhabarm khʉʉnan chadau mʉg durr o nʉm edjã deeu mua am phiriutkha aujugui ajim.

Magnaa ichdeupai ich igwi, Pari mag pan ich Ẽwandamauta dee sĩewai ʉ̃gtharmuachata beejimgui ajim, õor iiupi awaag.

Mʉʉta chadcha õor ich mag iiu wenʉrrapiejem Panaugui ajim deeu Jesuu, ich igwia.

Maimua Jesuu makhʉʉn pandam ich jua ee phe auwia, Ẽwandamag ʉu ajim anaa, jũrr marag ʉapʉimajim, jũrr õor pom mag ohood wejomʉg jigmamkhĩir. Maimua jũrr chi ãwarrdam paarjã ich agjo Ẽwandamag ʉu ajim anaa agjo jigpijim, amachdeu khom aig khomkhĩir. Maimua ya thumaam khʉʉn biwaauwia tag khomapha aphobaadeewai, sĩi barpʉiju khãai, Jesuu marag phepi jaaujim.

Ya maagwai maar dojãrr naajim. Cinco khabamʉn seis kilómetros khãijã naajim, dohi aigmua chi warphag. Mag nʉm eeta marau oowai, Jesuuta dojã ʉ̃r durramjo dʉdʉrg urum oophobaadejim. Mag oophobaadeewai maar jãphierr phobaadejim. Pari mag maar jãphierr phobaadeewai ichdeu marag, —Oob jãphierrmiet, mʉ khabahab ajim.