San Juan 6:11-12

Maimua Jesuu makhʉʉn pandam ich jua ee phe auwia, Ẽwandamag ʉu ajim anaa, jũrr marag ʉapʉimajim, jũrr õor pom mag ohood wejomʉg jigmamkhĩir. Maimua jũrr chi ãwarrdam paarjã ich agjo Ẽwandamag ʉu ajim anaa agjo jigpijim, amachdeu khom aig khomkhĩir. Maimua ya thumaam khʉʉn biwaauwia tag khomapha aphobaadeewai, sĩi barpʉiju khãai, Jesuu marag phepi jaaujim.