Aswamisio 17
17
1 #
1 Ses 2:2. Nakedauniata aitor Amipipoli ka Apolonia, kodoloto Sesalonika, nekejai atukos naka Iyudayan, 2Kosodi koloma Paul mama ejaas, kwape kejaar ekepone, kopeta kakes nukiwadikatai asabaton auni. 3#Luk 24:26,27,45,46. Kikujok kitogogoŋ da ebe ebusakinit Kristo aiticanio ka ajarun kotoma okatwak, ebe da, “Yesu ŋol lokalimonokini yes, ŋes Kristo.” 4Kiyuut ice kakesi, kimorikikinos ka Paul ka Sila; ka Iyonanin lukiyaparito luipu noi, ka aŋor da nukapolok numam ikidioko, 5Konye kilelebun Iyudayan ekolo, koyaŋas ituŋa lueroko luutai, kotukokis ekodet, kigurut ere, kosurokis etogo loka Yason, kokotos aitolomun kes otuŋa, 6#Asw 16:20. Nakekurwokis adumun kes, kiriasi Yason ka ice koinacan mama ejaas ikapolokitok ere, kiworoto ebe, “Ituŋa lu luabuburiasi akwap adolutu ne da, 7#Luk 23:2; Yok 19:12; Rom 16:21. esukunyiki Yason kes; iswamaete ŋul kere nuesurokinete ikisila luka Kaisar, kobalas ebe, ejai ekabaka ece, loenyaritai Yesu.” 8Kiyaloŋoŋoto ekodet ka ikapolokitok ere nakiirariata ŋun, 9Kosodete nakedauniata aitelemun Yason ka ikepaup aititiŋet, koosikis kes alosit.
10Atipet kijukasi iinacan Paul ka Sila Beroea kuare; nakedolioto ŋina kolomasi atukos naka lyudayan. 11#Yok 5:39. Konye kejokuka lu aitelekarit luko Sesalonika, naarai apotu kocamut akirot kitauon luekapakina, koŋicenenata nuiwadikatai ŋinipaaran ajenun arai ikote akiro ŋun nen, 12Kanuka ŋun kiyuut luipu kakesi, ka aŋor nuYonanin nusotia ka ikiliok da lumam ikidioko. 13#1 Ses 2:14. Konye kejenut Iyudayan luko Sesalonika ebe elimonokini Paul akirot naka Edeke koBeroea da, kopotu nen da kisidikoto kigurut ikodeta. 14#Asw 16:1. Kosodi atipet kijukasi iinacan Paul alosit adolore aŋolol, konye kosalata Sila ka Timoteo nen. 15Konye lukinyamakinete Paul koyaŋaasi kiton Asene; kosodete kicorakinai alimokin Sila ka Timoteo abunore mama ejai atipet kwape epedoriata, koloto.
16Kosodi nakejaar Paul Asene idaret kes, koriebakin eketau nakeanyunia ere ileleba aputosia. 17Kwaŋin kopetanak lyudayan ka Iukeyoŋito Edeke akiro kotoma atukos, ido ŋinipaaran kagwelanaret kaŋul lukiriamununos kaŋes. 18#1 Kor 4:12. Ice luka ikaminak acoa luka Ipikurean ka Isitoikin kiriamunos kaŋes, Kobalas ice ebe, “Ekoto kereka ekenerat lo einer anyoika?” Kobalas ice ebe, “Etakani bala elimonokini akiro nuka idekesio lumo.” Naarai kelimonokini Yesu ka ajarun. 19Kikamut ŋes koyaŋaasi Areopago, kobalas ebe, “Kipedori kereka isio ajenun anyoin aisisianakin na nakitetet nainera ijo? 20Naarai iyaŋaut akiro numo akiikosi; asa do kikoto ajenun apolou naka akiro kanu,” 21Naarai kemameete luka Asene ka imo lukiboienenete kanen aceswam dimarai aitatam arai aiirar akiro nukitetiak.
22Kobwo Paul kokidiŋ Areopago, kobala ebe, “Yes ituŋa luka Asene, amisiiki ebe iraas luka edini kakiro kere. 23Naarai naketoritor, ka aanyun iboro luimaete, abu kadum etem lokiwadikatai akiro nu ebe, ‘LOKA EDEKE LOMAM EJENA.’ Aso kalimonokini yes ŋol loimaete komam ijenete. 24#1 Ika 8:27; Isa 42:5; Asw 7:48; Mat 11:25. Edeke lokesubi akwapisinei ka iboro kere luejaas toma, naarai erai ŋesi Ejakait loka akuj ka akwap, mam iboie kabilai nuedukio kakanin, 25#Sab 50:12. kwabo mam ijaanakinio kakanin nuka ituŋa, bala ipuda idiobore; naarai ŋes elopet einakini kere aijar ka eiyeŋane ka iboro da kere, 26#Ikis 32:8. Kojautene ediopet kosub atekerin kere nuka ituŋa aiboi kakwapin kere, nakedaunia aibwaikin apakio ka iikorun luka aiboisiokec, 27#Isa 55:6. tetere emoete Edeke, moto erarapete ka adumun ŋes; karaida mam elwana kaneejai ŋinidiopet kaoni, 28#Sab 145:18; Yer 23:23. ‘Naarai kotomakeŋ, kijari, kilosi, kijai da’; kwape abalatar ice kokapwakunakakus ebe,
‘Naarai kirai oni aurike.’
29 #
Age 1:27; Isa 40:18; Asw 19:26; 1 Kor 12:2. Aso naarai kirai oni aur naka Edeke, mam kibusakinit aomit ebe eput Edeke ka esabu, karaida epuesa, karaida amor, iboro luegerio kanuka apirianut ka acoa naka ituŋa. 30#Asw 14:16; 17:23; Luk 24:27. Mam abu Edeke kosesenenei apakio nuka aolit, konye kwana icorakini ituŋa kere luejaas aiboisio kere aisilar: 31#Sab 9:8; 96:13; Asw 10:42; Rom 10:14. naarai abu kibwaik apaaran naebunio atubokin akwapin kadolit, kotuŋanan loaseunit; ido itogogoŋit ŋun mama ejaas ituŋa kere, kanuka aitajarun ŋes kokatwak.”
32Kosodi nakiirariata nuka ajarun naka ikatwak, kokienatar ice; konye kobalas ice ebe, “Kiirari bobo jo kakiro kaŋun.” 33Kosodi konyou Paul kinye kes. 34Konye kimorikikinos icetuŋa kaŋes, kiyuut; kotomakec kojai Dionusio Eareopagot, ka aberu naenyaritai Damaris, ka icetuŋa da nepepe kaŋul.
Currently Selected:
Aswamisio 17: AOV1961
Označeno
Deli
Kopiraj
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.