Aswamisio 13
13
1 #
Asw 11:27. Ko Antiokia, kokanisa lokejai kanen koiaas inabin ka ikesisianakinak, kes Baranaba, ka Simeon loenyaritai Niger, ka Lukio loko Kurene, ka Manaen Lokitanakio nepepe ka Kerode ekabaka, ka Saul da. 2#Asw 9:15. Kosodi napijaanakinete Ejakait, ka ailuŋ, kotema Emoyo Lokalaunan atiar, “Kogitakinai Baranaba ka Saul kanuka aswam naanyarakinit kes.” 3#Asw 6:6; 14:23; 1 Tim 4:14; 5:22. Kosodi kedaut ailuŋ ka ailip, kidokokis kes akecekanin kotwarata.
4 #
Asw 15:39. Kosodi kijuka Emoyo Lokalaunan kijesaros Seleukia; kenyoutu kanen kikwaŋaros kiton Kupuro. 5#Asw 12:12,25; 13:13. Nakedolioto Salamis, kolimonokis akirot naka Edeke katukosia nuka Iyudayan. Kojaas ka Yokana ijaanakini kes. 6Nakedauniata aitor apujan kere kiton Papo, kodumut ekacudan, enabi lokeŋalan, Eyudayat, ekekiror Bar-Yesu; 7kejaas etuŋanan ŋol nepepe ka ekayaiton, Serugio Paul, etuŋanan loka acoa. Konyara ekayaiton Baranaba ka Saul, kokoto aiirar akirot naka Edeke. 8#2 Tim 3:8. Konye Elumayo ekacudan (ŋes apolou naka ekekiror) kopegata kakes, kokoto aitapaar ekayaiton ainyein aiyuun. 9Konye Saul, ŋes Paul, kilelebun Emoyo Lokalaunan, koŋanyak ŋes akonye, 10#Kos 14:9. kobala ebe, “Ijo loileleba aimod ka aronis kere, ijo okoku loka Satan, lokasurup loka adolit kere, mam kereka inyeini aitapaar irotin luitenara luka Ejakait? 11#Asw 9:8; Yok 9:39. Kwana da, koany, ejai akan naka Ejakait mamakon, imudukanar ijo, komam ianyuni akoloŋ adaun apak.” Atipet kodoik ŋes elisina ka amuton, koturiaitoi ka amoot luerikete kakan. 12Kosodi kiyu ekayaiton, nakeanyunia nukiswamao, naarai koumok aisisianakin naka Ejakait.
13 #
Asw 12:12,25; 15:38. Kosodete kikwaŋaros Paul ka ikepaup anyoun koPapo, kodoloto Peruga toma Pampulia. Kinye kes Yokana kanen koboŋo Yerusalem. 14Konye kes, konyout koPeruga kitoroto akwap kodoloto Antiokia ere loka Pisidia. Kolomas atukos kapaaran nakasabato, kiboikinos. 15#Asw 15:21. Kedaut asoman ikisila ka inabin, kiyakiasi ikayaitok luka atukos mamakec ebe, “Iinacan, arai ijaas kakirot nakaicor ituŋa, kolimut.” 16Kobwo Paul kokwet kakan kobala ebe,
“Ikiliok luka Isirael, ka yes da luiyoŋito Edeke, kiirasi. 17#Any 1:7; 12:51; Isa 1:2; Any 6:1,6; 12:37,41; 14:8. Edeke loka ituŋa kalu luka Isirael abu koseu lukapapaawok, kitopoloo ituŋa nakiboiororoto kakwap nako Misiri, kitolom kakan naerioro. 18#Mar 14:34; Ikis 1:31; Any 16:35. Apak bala naka ikar akaisaoŋon kotitiŋik kes kamodiŋ, 19#Ikis 7:1; Yos 14:1. Nakedaunia amudiar atekerin akanykaarei kotoma akwap nako Kanaan, koinak kes akecekwap araut airumet, apak naka ikar bala akwat aoŋon ka akaisakany. 20#Tub 2:16; 1 Sam 3:20. Akaulo kaŋun koinak kes ikatubok kiton Samuel enabi. 21#1 Sam 8:5; 10:21,24. Kosodete kilipa ekabaka; koinak Edeke Saul okoku loka Kis, lokateker naka Benyamin, apak naka ikar akaisaoŋon, 22#1 Sam 13:14; 16:12,13; Sab 89:20; Isa 44:28; Bur 1:5; 5:5. Nakelemaria ŋol, kodakak Daudi araut ekabakakec; lokitejenuni ŋesi ebe, ‘Adum Daudi okoku loka Yese etuŋanan loitalakarit ekatau, loebuni aswam nuakoto eoŋ kere.’ 23#2 Sam 7:12; Isa 11:1. Kotoma aur naka etuŋanan kaŋol ainu Edeke Isirael Eketaiaran, ŋes Yesu, kwape esumunitor. 24#Mk 1:4; Luk 3:3. Eriŋa ŋesi ebuno abu Yokana koliŋak alimonokin ituŋa kere luka Isirael aibatis naka aitoronikin, 25#Mat 3:11; Mk 1:7; Luk 3:16; Yok 1:20,27. Napedauni Yokana akelosit, kobala ebe, ‘Kiwomito eoŋ araut iŋai? Mam arai ŋol. Konye koany, ebunit kokaukaŋ lomam kebusakinit eoŋ alacar amuk nuka akejeke.’
26 #
Sab 107:20; Asw 13:46. “Iinacan, idwe luka aur naka Aburaam, ka luiyoŋito Edeke da kotomakus, ejukun akirot naka aitaiario mamawok. 27#Asw 3:17; Yok 16:3. Naarai luiboiete koYerusalem, ka ikayaitokokec, kanu mam ajenuniata ŋes, karaida akiro nuka inabin nuesiomenenoo ŋinisabato, etodolikis kanuka atubokin ŋes, 28#Mat 27:22-23; Mk 15:13-14; Luk 23:21-23; Yok 19:15. Karaida mam eanyunitos akirot naibusakinitor atwanare, konye kilipata Pilato koarai, 29#Mat 27:57-61; Mk 15:42-47; Luk 23:50-56; Yok 19:38-42. Nakedauniata aitodolikin kere nukiwadikatai kanukeŋ, kijesut kokitoi, kibwaikis ates, 30#Asw 3:15. Konye kitajaru ŋes Edeke kokatwak. 31#Asw 1:3. Apaarasia nuipu kitakanikin ŋul lukedokarete nepepe kaŋes anyoun koGalilaya kiton Yerusalem, lueraas kwana ikajenakake mama ejaas ituŋa. 32#Asw 13:23. Kiinunit isio yes akiro nukajokak nuka aisumunet nakeinakinio lukapapaawok, 33#Sab 2:7. ebe etodolik Edeke oni ikecedwe aisumunet ŋin, kanuka aitajarun Yesu; kwape iwadikatere kotoma osabuli lokiareit ebe,
‘Irai ijo Okokuka, Lolo kawuru jo.’
34 #
Isa 55:3. Ido kanuka akirot kaŋin ebe etajaru ŋes kokatwak, kinye bobo aboŋor aibos, inera kwanata ebe,
‘Kainakini yes arereŋesio nukalaunak ka nuicasito nuka Daudi.’
35 #
Sab 16:10; Asw 2:27. Kanuka ŋun inera kosabuli ece ebe,
‘Mam icamuni Ekalaunanikon aibos.’
36 #
1 Ika 2:10; Tub 2:10; Asw 2:29. Naarai Daudi, kedau aijaanakin ainerun naka Edeke katurike, abu kojotoor, kibwaikinai nepepe ka lukapapaake, kobos; 37konye ŋol lokitajaruni Edeke mam abu kobos, 38#Asw 10:43; Mar 15:30; Bur 9:9; 13:20. Aso do iinacan, kojenutu ebe, kotoma otuŋanan kaŋol elimonokinio yes aisionio naka adiakanareta; 39#Rom 10:4. ido kotomakeŋ ŋin yeniyuuni imarakinio adolit kakiro kere, numam epedorere aimarakin adolit kokisila luka Musa, 40#Kbk 1:5. Aso kocoito, kinye akirot adoikin yes, nainerito inabin ebe:
41 #
Kbk 1:5. ‘Koanyutu, yes ikamenak, koumokis, kooliosi;
Naarai eswamai eoŋ aswam kapaarasiakus,
Aswam namam iyuunete cut, karaida kiilimonok ituŋanan yes.’ ”
42Napelomarete, kiŋaiŋaata alimokin akiro ŋun kasabato naatupakini. 43#Asw 11:23. Nakisiarakinor atukokin naka atukos, apotu Iyudayan luipu ka ikebelokinok lueyoŋito Edeke kotupasi Paul ka Baranaba, lukinerasi kakes, kisicerededata aiyatakin kotoma asianut naka Edeke.
44Kosodi kasabato naatupakini kotukokinos ituŋa luipu, aapie ere kere, aiirar akirot naka Edeke. 45#Asw 13:50; 14:2. Konye nakeanyuniata Iyudayan ikodeta, kilelebun ekolo, kitepega nuenera Paul, komoromoroto da. 46#Asw 3:26; 18:6; Mat 10:6; Luk 7:30. Kinerata Paul ka Baranaba katitiŋikin ebe, “Ibusakinit akirot naka Edeke ainerio ber kamakus. Konye naarai igaguarete kamakus, itubokinos bonik araut lumam ibusakinito aijar namam edaun, koany, kibelokin do mama ejaas Imo, 47#Isa 42:6; 49:6. Naarai abu Ejakait kicorak sio kwaŋin ebe,
‘Kebwaik jo araut aica naka Imo,
Tetere iyauni aitajario kiton osaŋeta luka akwapin.’ ”
48 #
Asw 11:18; Rom 8:29. Nakiirariata Imo ŋun, kiyalamikinos, kitopoloos akirot naka Ejakait; ŋul da lukelosikinito aijar namam edaun kiyuut do. 49Kisiarakin akirot naka Ejakait akwap ŋin kere. 50Konye kicecemoto Iyudayan aŋor nueyoŋito nukapolou ka ikeŋarenikinok luka ere, kisidikoto aimanit Paul ka Baranaba, kireŋeasi koikorunokec. 51#Mat 10:14; Mk 6:11; Luk 9:5; 10:11; Asw 18:6. Konye kilakilakata adai nuka akejekec, koloto Ikonium. 52Kilelebunos ikesisiak aiyalama ka Emoyo Lokalaunan.
Currently Selected:
Aswamisio 13: AOV1961
Označeno
Deli
Kopiraj
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.