SAAM HLABU 148
148
Ziang Hmuahhmuah In Bawipa Thangṭhat Ding
1 Bawipa cu thangṭhat uh!
Bawipa cu vancung in
thangṭhat uh!
Tlun hmun saang ah thangṭhat uh.
2A vancungmi hmuahhmuah in amah
thangṭhat uh;
A van ralkap hmuahhmuah tla in!
3Ni le thlapi tla, amah
thangṭhat uh!
A tleumi arsi pawl tla, amah
thangṭhat uh!
4Vancung saang bik pawl le,
Van tlunih tidai pawl khal in
amah thangṭhat uh!
5An zate in Bawipa hmin
thangṭhat hai seh;
Amah in thu a pek ih seemsuah
an si.
6A thupeknak in an hmun ciar ah,
Kumkhua in an hmun;
A thu an el thei lo.
7Leilung ihsin Bawipa cu
thangṭhat uh!
Tipi sungih ramsa tumpipi,
tipi thuuk in,
8Nimthlakau, rial, vur,
Khawdur le thlisia pawl,
A thu a ngaitu hmuahhmuah in
thangṭhat uh!
9Tlangniam le tlangsaang in amah
thangṭhat uh!
Rah a rahmi thingkung le tupi
thingkung pawl in;
10Inn zuat ṭilva, hramlak ramsa,
Vate pawl le a bokvakmi ramsa
pawl khal in,
Bawipa cu thangṭhat uh!
11Siangpahrang pawl le miphun kip,
Bawipa cu thangṭhat uh!
Bawi le uktu pawl hmuahhmuah in,
12Fala le tlangval pawl khal in,
Nutar patar le nauhak pawl tla in,
Bawipa cu thangṭhat uh.
13An zate in Bawipa ih hmin cu
thangṭhat hai seh.
A hmin cu hmin dang hmuahhmuah
hnakin a nasa sawn a si.
A sunlawinak cu lei le van tlun
ah a thang.
14A minung pawl ih ram cu a cakter,
Cuticun a ngainatmi Israel miphun,
Amah ih minung hmuahhmuah cun an
thangṭhat ding.
Bawipa cu thangṭhat uh!
Currently Selected:
SAAM HLABU 148: FCL
Označeno
Share
Copy
Want to have your highlights saved across all your devices? Sign up or sign in
Falam Bible Revision © Bible Society of Myanmar, 2002.