Mathiu 8
8
1An neteratite le touar, an nahuto puk min kairoupen in.
2An ahm ru, neterua ton ierem rakamis le leprosi, neteramohwak kam in meni, moma, Ieremera, takama nakolkeikei nakasanen to nolutan io.
3An neterhwatuin nelimin miap in meni, moma Iakolkeikei, kenol ut ik. An ihwe am leprosi tahan kenol ut.
4An Iesu neterenipen ton, Ahm ru, tenesenian to ieremim ker, mero uan mhin nubalakam to ierem le nuhwasigenan, mofen nofenan ka Moses rameni, mol hninatinan to ilar.
5An neteruan Kaperneam, an sentiurion ker neterua ton.
6Neteramehrapuk ton meni, moma, Ieremera, iolatkokun nar tahak rakamel imwa makamis le palsi, ramero asul nahmean.
7Netereni ton, tiapuna mol ut in.
8Mero sentiurion neteraram meni, Ieremera, iesavitan moma tenekua le mimwa tahak, mero ani am nakaran an iolatkokun nar tahak kapol ut.
9Mero in ka io mun ierem kamol nowak, soldier min kamarol nowak, an tiakani to ker, moma, Uan, an teruan; an to ker mun, Ua, an in terua; an to iolatkokun nar tahak, Ol nar uk, an in terol.
10An Iesu neterero neteramasak, neterameni to nerem kamairoupen in, Nuparhien tiakani to kamiar, iesahman nuparhienan ribor mok lan le nerem Israel.
11An tiakani to kamiar, neremim ribor tepasipen ibat mene paha an tepaiwata ilar Ebraham mene Aisak mene Jekob le niko le neai.
12Mero nereri niko tefhaliatou ilua le napinapan, iken nasaken mene nikisan nelutil.
13An Iesu netereni to Sentiurion, Uan, rolkoma nemeni nuparhienan lan kenol kam ik. An iolatkokun nar kenol ut le aur ka.
14An Iesu neterua le nimwa te Piter, neterahm inen nuain rakamel makamis le nelen.
15An neteriap nelimin an nelen neterapas in, an neterermig mamol atkokun nar ton.
16An lehnaiu reknua an netakarpuk marua ton nerem nanumun tat remarik le ilar, an neterhaliatou nanumun le nakaran, an mol ut petum nerem kamaremis.
17Mero in ka moma reknet le nar kameni le Aisea profeta, moma, In ramos netetan min tetar mamos nemisan min tetar.
18An Iesu neterahm nahuto ribor rauseluin in, an rameni moma takaruan le ten levinpen.
19An ietikun ker neterua meni ton, moma, Ieremera, tiakaroupena ik le noanverin min petum ik tenekuan iken.
20An Iesu netereni ton, moma, Nihmawa te natipun rarik, an nemenuk le neai karol nimwan ilar, mero Neri Ieremim nihmawa tahan rika terehlaupen tenkapa iken.
21An tan ieremim min ker netereni ton, moma, Ieremera, pas iakaupan muan merenum Tata.
22Mero Iesu netereni pen ton, Aroupa io; pas nerem kamaremis takarenum nerem takaremis tenilar.
23An neteruan le bot an tan ieremim min netakamairoupen in.
24An ahm ru, nemetag asul neterermig le tehe, an bot remet le tehe, mero in ramamapul.
25An netakarua ton masig in mamani, mama, Ieremera, os miuh, tiakaimunum.
26An netereni to ilar, Retol nakamarigin, kamiar nuparhienan temiar resuas? An neterermig menhiau nemetag mene tehe, an neteremelinu asul.
27An neremim netakamaisak, mama, Ieremim etol an uk, ierem nemetag mene tehe kiaol nowan.
28An neteruan le neutai tehe le ten te nerem i Kadara, netikiava muail tosig in ieremim mil kiu nanumun tat ramarik le ilau, netikiaier iken kamrenumar iken, kamuabakaru aken, an ieremim ker to resaliwakan le suatu ka.
29An ahm ru, netikuasak apam, muoma, Netiakuatol ik, Neri Wuhgin? Neknua ietuk moma tenakofa nahmean kam kamlau paupan le nepenian?
30An isou to ilar numani nepukas ribor kamemarugan.
31An nanumun tat min netakaihrapuk ton mamani, mama, Takama tenakhaliatou kamar, halipen kamar to numani nepukas.
32An netereni to ilar, Aruan. An netakarier maruan to nepukas, an ahm ru, numani nepukas petum netakari etuatu to nikilhi nar maruan le tehe, maimunum le tehe.
33An nerem kamemaiugin ilar netakaikam maruan lauanu, netakani naremnar mene nar kenol le wus mil ka nanumun tat min kamemairik le ilau.
34An ahm ru, ilar min le nauanu netakarier maivan tosig in Iesu, netakaihm in, netakaihrapuk ton mama terier le ten tenilar.
Currently Selected:
Mathiu 8: LEN1902
Označeno
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1902, reprinted in 1935.