मत्ती परिचय
परिचय
मत्ती रचित साजरा बारता उन चार किताब मा लक सेत। जोन यीसु को जिंदगानी को बारेमा सांगा से। उनमा लक हरेक ला गाँसपल कव्हा सेत। गाँसपल को मजे साजरा बारता होवा सेत। यीसु को मरनो को मघा मत्ती, मरकुस अखीन योहन, को इन किताब लिख्यो गयो से। मत्ती रचित साजरा बारता को यो किताब कबा लिख्यो गयो से? यो पक्को रुप लक मालुम नाहत। लेकिन यीसु को जलम को साठ साल मघा यो लिख्यो गयो होयेती। योच परकार यो किताब कहाँन लिख्यो गयो से अमीला मालुम नाहत? परा काही लोक हुन को माननो से का यो किताब इसरायल देस मा साईद येरुसलेम नगर मा लिख्यो होहेत।
यो किताब को लेखक मत्ती से, जोन यीसु को हाकलनो को पयले जमा लेवन वालो होतो, उ लेवी नाव लक भी जानो जावा से। मत्ती 12 पेरीत लक एक होतो। यहूदी बाचन वालो को लाय यो किताब लिख्यो गयो से, असा यो गोस्टी लक अमीला पता चला से का, 60 लक जादा सन्दर्भ जोन यो किताब मा पायो जावासे, उ यहूदी गिनको जूनो करार लक सेत। उ सांगनो चाव्हासेत, का यीसु परमेस्वर को निवाड़ो गयो अभिसिक्त, अना सूटकारा देवन वालो से, जोन को बारे मा पयलो लक च भविस्यवानी कियो गयो होतो। मत्ती ना परमेस्वर को राज को बारेमा च लगत सो गोस्टी लिख्यो से। यहुदी गिनको असो मानता होतो का, अभिसिक्त एक राजनैतिक राज को राजा होयेत। लेकिन मत्ती यो बिचार ला चुनौती देवासेत, अना परमेस्वर को आत्मिक राज मा जोर देवासेत। परमेस्वर हजारो साल पुढ़ा आपरो लोकगीन लक कियो गयो वादा ला पूरो कियो। यो साजरा बारता केवल यहूदी जात मा यीसु पैदा भयो, यो काजी उनको च नाहती, पर सारो संसार को से।
मत्ती रचित साजरा बारता ला गजब सावधानी लक जमायो गयो से। एको सुरुवात यीसु मसीह को जलम को बखान लक होवासे। अना गलील छेतर मा मुनादी, सिक्सा, बीमार ला साजरा करनो, को सेवा को बारेमा सांगा से। एको मघा यो साजरा बारता मा, यीसु की गलील लक, यरुसलेम नगर तकन की यातरा अना यीसु को जीवन को आखीर हफ्ता को, बखान से; जेनको आखीर हद ओकी कूरूस पर टँगाव जावनो, अना मरके जित्तो उचलनो को बारेमा सांगयो गयो से। यो साजरो बारता मा यीसु ला एक महान गुरू को रुप मा सांगयो गयो से। ओला परमेस्वर को बिधान ला समझावन को हक से, यो किताब जूनो अवर नवा करार दुई ला जोड़ा सेत वोको नमूना पहाड़ी उपदेस मा सेत अध्याय 5—7 तकन परमेस्वर ना मोसे ला जोन नेम गीरथ मा दियो से एको तुना अमी वोको ला करबीन नेम को किताब 19:3—23:25
रुपरेखा
1. यीसु को खानदान अना यीसु को जलम योहन बप्तिस्मा देवनवारा को सेवा काम। 1—4
2. यीसु को बप्तिस्मा अना परिक्सा गलील मा यीसु को जनसेवा गलील लक येरुसलेम नगर तकन सपर। 5—25
3. येरुसलेम मा आखीर हफ्ता पिरभू यीसु को मरो लक जिवनो अना चोवनो। 26—28
Trenutno izbrano:
मत्ती परिचय: NTPSP23
Označeno
Deli
Kopiraj
Želiš, da so tvoji poudarki shranjeni v vseh tvojih napravah? Registriraj se ali se prijavi
The New Testament in Powari Language © The Word for the World International and Powari Madhya Pradesh, 2023.