M. Mattayo 3
3
1LOMBA mmasiku ŵala echiza Yohana Mbatizi, enzoŵirizya mmalambo mwa Yudaya 2enzekuti, Yarukani mitima; chikomo ufumu wa kumulu wafwindikizya. 3Pakuti uyu ni wechinena Isaya muŵirizi kuti,
Lizu la wokuwa mmalambo,
Wamizyani futira njira ya Asikuru,
Lungamikani miseo yake.
4Lomba Yohana mwine enze na chovwala chake cha masako a ngamila, na chikoŵe cha nkanda muluunda mwake; na chilyo chake chenze vipaso na uchi wa ku sanga. 5Pamene apo emfumila Yerusalemi na mu Yudaya monse na chitwa chonse chofwindikizyana na Yordani; 6naŵo ebatiziwa na yeve mkamana Yordani kovundulula viipa vyaŵo. 7Lomba yeve poŵona Afarisayo na Asaduki anyinji akuza ku ubatizo wake eŵanenera, Mwe luko lwa njoka, ni ŵani emsokani kuutuka pokalipa uko kukuza? 8Twalani mweo vyotwala vyowamila kuyaruka mitima: 9msayezya kunena mweka kuti, Ausu wasu tiri naye Abrahamu: pakuti numuuzyani kuti Mlungu mmyala iyi angampanamikire Abrahamu ŵana. 10Lomba pano katemo kaikiwira futira mnsinde mwa vimiti: chimuti chiri chonse chisatwala vyotwala viweme chutendewa nopozewa pa mulilo. 11Neo numbatizani na manzi koyaruka: sembe uyo akuza pavuli pangu onipula mpamvu, wamene unisawamila neo kuimya nkwaŵilo zyake: uyo azambatizeni na Mzimu Mtuŵa na mmulilo; 12msanso wake uli mkwanja kwake, naye apyeresyepo posansila pake; azalongere mapira ŵake mntumba, sembe masunga azaŵashoke na mulilo wosazima.
13Pamene apo Yesu efumila ku Galilaya echiza ku Yordani kwa Yohana kuti abatiziwe na yeve. 14Lomba Yohana esakomlesya echiti, Neo nuwamila kubatiziwa na mweo; nga mweo muzilanji kuli neo? 15Sembe Yesu poyasuka echiti kwa yeve, Zomera tyala: pakuti teti kutiwamila tisilizye chilungamo chonse. Pamene apo emzomezya. 16Nipo Yesu akaperobatiziwa etumpuka mmanzi: nipo, ŵonani, mikumbi izulika kwake, naye emuŵona Mzimu wa Mlungu osika nga ni nkunda nomzila; 17nipo, ŵonani, lizu lifumila ku mikumbi lakuti, Uyu ni Mwana wangu wotemweka, yeve ni unutemwa naye.
Currently Selected:
M. Mattayo 3: MA23
Označeno
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.