Keriekitho 7
7
Dzüdi
1Jihovae Noah ki, “No mu n kikru pete rouu nu leliecie, ae thephou hau nu n rübei a mhodzüki miatho bakecü ngulieketa la. 2Khunuo kemesako puokrü thenie mu puochü thenie icü, siro khunuo mesa kemoko puokrü puochü puopuo icü ze salie. 3Siro pera rei puokrüpuodzü thenienie ze salie, kijüu pete nu pera mu khunuo kekreikreicüko bu puoyie nyilieketuo la hau chülie. 4Kekreilamonyü zha thenie sie ae teisozha hiedia mu teizeizha hiedia tei perüpie a thuo chükeshü kijüu gei lhouketuo pete peka lotsowaketuo la.” 5Sitse Noah-e Jihova puo ki pukeshü pete chülie.
6Siro Noah-e cie krie sorouketa ki dzüdiu kijü nu vor. 7Süla Noah-e puo kimia, puo nuonuoko mu uko nupfünuoko ze dzüdiu nunu talieketuo la rouu nu leta. 8Khunuoko mu perako rei, mesa rei mesa morei, kenienie icü, puokrü puochü. 9Ukepenuopfü pukeshü mhiei, Noah ze rouu nu lelie. 10Zha thenieko sie kijüu gei dzüdi vorta.
11Noah cie krie sorouketa ki, khrü kenieu khrü zha kerethenie nhie dzüluo kesou kezhako pete rüluo parta mu teigei dzü kharuko khrüshüta. 12Sidi teisozha hiedia mu teizeizha hiedia kijü nu teirü bata. 13Sünhie Noah mu puo kimia unie, unie nuo thepfu Shem, Ham mu Jafet tsiu uko nupfünuo seko ze di rouu nu leta. 14Uko ze di nhachüko, perinuo neiüko pete rei mu kijü gou ketuo khe, tsiu pera mu puochü chükepfü khunuo puoyie neiünei kekreikreicü pete rouu nu leta. 15Kijüu nu u keha kenyi khe, puokrü puochü kenienie Noah ze di rouu nu leta, 16Ukepenuopfüe pukeshü tuoi di; süsie Jihovae puo thuo kikhau khawata.
17Zha hiedia dzüdi sei zo tha dzü kra miemieta mu rouu toupfüsieta di puo bu kijü mho se rüdza tuota. 18Kijü nu dzüu rükrie miemieta mu rouu dzüko mho rüdza tuota. 19Siro kijü nu dzüu kra phi sier di kijüthou kerükrieko rei vupfülieta. 20Dzüko rükrie miemie vo kijüthouko mho thu kerepengou sieta. 21Kijü nu lhouketuo pete siata, pera, kiri, nhachü, kijü nu gou ketuo pete mu themia pete. 22Kijüu gei u keha kerheiro kenyi khesiata. 23Puoe puo thuo kijüu gei lhouketuo pete pekawa. Themia, khunuo, kijü nu gou ketuoko mu pera icü pete. Noah mu puo ze rou nu ketuoko rübei lhiekelie zo. 24Siro zha krie puo di hiepengou dzüdi bata.
Currently Selected:
Keriekitho 7: ANBRBSI
Označeno
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More