Nikumoona 31
31
Nikumoon XXXI.
1Keya, ke ke̔ mumisseetotatin, O Tāpāye̔chekāyun: ākaweya we̔kach ne ga nunāpāwehikowin, natumowin kwiusk ket itatissewini̔k.
2Pā natiskwānoostowin: keyepe natumowin.
3Mena ne ga ookistapiskoomin keya, mena kitta uspāyimooyan: kitta pimacheheyun.
4Weya ā ookistapiskoomimitan, mena ā natamoostatan: kiskinoo̔tahin mena ke We̔yoowin o̔che.
5Otinin a̔yupee̔k o̔che, ka we̔ o̔che nukwasitchik kemooch: weya keya ā meeyeyun muskowisseewin.
6Ke chee̔chee̔k ke kunowisko̔tinitin net a̔cha̔k: mena maka ke ke̔ pimachehin, O Tāpāye̔chekāyun, keya Muneto ka tapwāyun.
7Ne ke̔ pukwatawuk unekee ka mitchiminu̔kik muche kākwia: mena ne ke̔ mumisseetotowaw Muneto.
8Ne ga muma̔takoosin, mena ne ga muma̔takoohikoon ke kissāwatisseewin: weya ā ke̔ nakutowāye̔tumun ka mikooskachehikooyan, mena ā ke̔ kiskāyimut net a̔cha̔k ayimissewini̔k.
9Numoweya k’o̔che kipahoon kitta ayawit ka pukwasit: maka itta ā mu̔ketowak ke ke̔ a̔yin.
10Kissāwatotowin, O Tāpāye̔chekāyun, ā wawanāye̔tuman: mena ne’ skesikoo̔k net ayakoon naspitch kewatāyimoowin; mena net a̔cha̔koo̔k ussitche ne’ yowik.
11Weya peyis ā kissāyineweyan kewatāyimoowin o̔che: mena nunā̔katāyimoowin o̔che.
12Ne muskowisseewin ne noo̔tāpuyehikoon, ne muche̔tewin o̔che: mena ne’ skuna nissewunatunwa.
13Ne ke̔ kitootikwuk ka̔keyow ka pakwasitchik, maka osam unekee ka weetuppimukik, mena unekee ka kiskāyimukik ne ke̔ koostikwuk; mena ā wapumitchik ne ke̔ kasoostakwuk.
14Ne wunekiskissetotakowin, tapiskooch oweyuk ā nippit: ā peekopuyik ooyakun net issenakoo̔chekan.
15Ne ke̔ pā̔tān ā muche itwātchik ā me̔chātitchik ayiseyinewuk: mena koostachewin missewā itta ayaw, weya ā we̔ mamowe nissewunachehitchik, mena ā ooyussowātchik kitta otinu̔kik ne pimatissewin.
16Maka keya ke ke̔ uspāyimoototatin, O Tāpāye̔chekāyun: Keya neya ne Munetoom, ne ke̔ itwan.
17Ne pimatissewin ayaw ke chee̔chee̔k; natumowin ka pukwasitchik o̔che: mena unekee ka pupamamoo̔kasitchik.
18Wapu̔te ket utoo̔skāyakun kissāwātisseewe ke’ skesik: mena pimachehin ke kissāwatisseewin o̔che.
19Ākaweya ne ga wawanāye̔tān, O Tāpāye̔chekāyun, weya ā ke̔ mowimoostatan: keyam oomuchatissew kitta nunāpāwehoo, mena kitta kipi̔toowāo nikwa̔uskani̔k.
20Keyam ka keyaskit kitta kipi̔toowāo: ka nunā̔kache, kistāyimoowe, mena atowāye̔chekāwe, ayāspimat oo meywatissewa.
21O taneyekoo̔k peyeesakwu̔k ke meyo totakāwin, ka ustwowutchik unekee ka koosikwāyimiskik: mena ka ke̔ kwyache̔tumowutchik unekee ka mumisseetotaskik, mākwach ayiseyineeska̔k!
22Ke ga katawuk ket e̔tawini̔k āka ayiseyinewa kitta nayā̔tawe totakootchik: ke ga kunowāyimawuk ket e̔tawini̔k āka nantow kitta muche itee̔tchik.
23Kitta nunaskoomaw ka Tipāye̔chekāt: weya ā ke̔ wapu̔teyit oo ke̔che meyo totakāwin ā soo̔kuneyik waskahikuni̔k.
24Ākose ā we̔ keyepeyan, omisse ne ke̔ itwan: ke wāpinin numma ke we̔ kunowapumin.
25Maka sakooch ke ke̔ pā̔tān net ayumehawin: ispe ā mowimoostatan.
26O sakehee̔k ka Tipāye̔chekāt, ka̔keyow keyawaw oo kunachehooma: ka Tipāye̔chekāt kunowāyimāo unehee ka tapwā̔tu̔kik, mena mistahā tipa̔humowāo ka kistāyimooyit.
27Soo̔kustwak, ākose kitta ooyustaw ke’ tā̔ewawa: ka̔keyow keyawaw ka mumisseetotowāk ka Tipāye̔chekāt.
Currently Selected:
Nikumoona 31: CSW
Označeno
Deli
Kopiraj
Want to have your highlights saved across all your devices? Sign up or sign in
First published by the British and Foreign Bible Society 1876-1877.