Mashora 26
26
Paulo akureeka mmbee ya Agripa
1Agripa kavia Paulo, “Ulaalu kutiri muumu wa yaamba marero afo.” Naasa Paulo kaorwa woko lwakwe, kakureeka-u kyakwe indi,
2“Nriminy wakwa shikwiitye shitiri ngoma, Mangyi Agripa mmbee, mashika elyi shikukureekyaa shimuni mmbee yafo inu, kya fyoose fyilya Vayuda vakeeshikumba nafyo. 3Mmwasi deny mashika elyi yewe kwiishi nnu mukee na fiveso fyoose fya Vayuda; kimmba niindo shikutereve kushaaranyi na usisiryo. 4Mashika Vayuda woose veeshi mbony ta muu wakwa ukya ukoo lwaka shaasa muu wakwa wekai ukya mapookyony shikee na vandu vakwa kulya Yerusalemu, 5vakashimanya nnu uka mmbee, kwakooya vakundaa iirikya sheelyi shikee Mfarisayo kwa isora miloshye yeeru ilatiri ivara. 6Naasany ulaalu mmbo shasalala yaa shaanduyo kimaruma kya ivika nsia kya kyaasa kilya kya vande veru valeniingwa ni Iruva, 7ekyo ngyufyari teru ikumi na ivii vavikye nsia ishekiwarya, veshiindyaa Iruva na usau kio na nsanyiny. Neeny mmbo nkeeringyo ni Vayuda kimaruma kya vayo, woi Mangyi. 8A dede nkikyi elyi kwany kyilollyo ni kindo kilavaa iirikya, sheelyi Iruva aruta vafu? 9Dede lyo yeny shimuni shilelollya nkuti shitani findo fiingyi fikapanaa na Irina lya Yesu wa Nasareti; 10shatana indo kulya Yerusalemu; shafinga veele veengyi shivavikaa kifingyony, kyeeri shileningwa ivavaso ni vakohani vaniini, na kyeeri valewaawa ni yeny shilekureekyany. 11Na keengyi nnu shevakapye efo mmba ta Vayuda teeterevya, shavaitikya yaarara Iruva, shavatirya unyafi sha nndu asukwaa, shavavavisa shafika miriny ya kwaasha.”
Paulo aamba ndesa alekirwa
(Mav 9:1-19; 22:6-16)
12“Naasa ishoreny elyi nkonu umwi shishendaa Dameski, shitiri wiidimi na ivavaso lya vaniini va makuhani; 13Woi Mangyi, lyo kyeeri mwi usimbiki shikee efo shieny ya Dameski shalollya saa niini yuuka iruveeu, iilanyi sa ya mwi, ikashimikya, ando amwi na valya sheriani nawo. 14Loose lukawa si, sheeta unyanga lureraa neeny na kishomu kya Kiebrania, ‘Saulo, Saulo, nkikyi elyi kukeeshivavisa? Ni kyuumu ikapa mwiisi wafo inanga.’ 15Neeny shaamba, ‘A ni yewe vi Nndumi.’ Nndumi kashivia, ‘Yeny ni Yesu yeu yewe kukemmbavisa. 16Llo kwipoo kusalale na marende afo, mashika mmbo shakusheya kwa kimaruma eki, shikuvike kuve nkureeki wa findo efyo fyoose kulelollya, na kwa findo fyoose efyo nshekusukuyaa numa. 17Shikukire na vandu vafo, na vandu va masanga, yewo nshekurumaa kwawo; 18kuvatarammbwe miso, na ivaalasha vauke ireeminy na iindukya sa, vare finya ya mmbishwa nayiindukya Iruva; naambo vaonise ifwaayo ulyamari lwawo, na iwonisa ding'u ya yewo vailyise kimaruma kya kikusiryo ekyo kyakwa.’ ”
Paulo aamba kya urundi lwakwe
19“Naasany, woi mangyi Agripa, nshilekarya imina moorya yoo a iruveeu-fo. 20Nkyo mbele shandeongoya valya va Dameski na Yerusalemu, na uruka loose lwa Uyuda, na vandu va masanga, sheelyi vakurye vaindukye Iruva, vatani findo fiinani na ikurya lyawo. 21Kimaruma kya efyo Vayuda vakashitira shikee mmba ya Iruva vakaesa ishiwaa. 22Naasa kimmba shilewonisa ngarami yuukye kwa Iruva nkyo shiselelyi-u fika inu, shikureekye woose vaniini na vadu, nta nshishambaa-u kindo-fo kuuta efyo filererwa ni vakisuku na Mose, kyeyaamba fisheshaa; 23sheelyi Kristo nkuti nalyiswa ukiva nafwe mbele naruke auka kwa vafu naambe mbony ta sa kwa vandu vakwe woose na kwa vandu va masanga.” 24Kyeeri ekerera indi, Festo kammbia, na unyanga uniini, “Paulo mmbo kutirwa ni ukwale? Isoma lyafo nnu mmbo lyilekufullwa nrwe.” 25Kyaindi Paulo kaamba, “Nta nshitirwa nuukwale-fo Festo mmbee, mmbo shikeerera marero a dede deny na a urango tukula. 26Mashika mangyi eeshi mbony yeti, neeny mmbo nshidimaa irera nawe nookaari, mashika shiishi deny sheelyi nnang'ani ya marero yaa nkwiiyo irero kulalyiishi-fo, mashika kindo eki nkiletanyikya kwaasha-fo. 27Mangyi Agripa, a nkwiirikye vakisuku? Yee shiishi shamanya kuvairikye.” 28Agripa kavia Paulo, “Akwa, na kyaangu indo mmbo kushallwaa Nkristo-ro?” 29Paulo kammbia, “Mmbo nkeetereva Iruva, kwakooya nkwa kyaangu eki ao nkwa kyaasha, nta nshi yewe da-fo, lyo na yewo woose vakeshaarannya inu vave sheeny, kuuta minyororo yei.”
30Mangyi na nshilyi ulya na Bernike na valya vekee nawo vakasalala, 31llya valeukau vakaumburana veni na veni vakaamba, Nndu yeu nnyatanyi kindo kisumani ufu-fo nta ifingwa-fo. 32Agripa kavia Festo, “Nndu yeto eshidimaa yeekeyo, kukooye kulaore ekundaa yeenda mmbee kwa Kaisari.”
Currently Selected:
Mashora 26: MASNT00
Označeno
Deli
Kopiraj
Want to have your highlights saved across all your devices? Sign up or sign in
New Testament in Kimashami © Bible Society of Tanzania, 2000.