Luka 12
12
1Neke baho lino valundanage avanu, avańa-mbilimambilima, neke vilivatage nukwilivata indzajo, neke baho umwene avatadzage avańigendwa vakwe pakuvalongela neke atigilage: mwilembage uluhâfu lwa va-Fwalisaja, ndilonga uvukedusi. Mat. 16, 6; Mal. 8, 15.
2-9: Mat. 10, 26-33.
2Tonda utuvilatile tulavilatulilwa, tonda nutwa kukińele tulamańika. 8, 17.
3Pakuva dzonda na dze mwilongela kukîsi, dze dzene avanu dze valadzi-pulika palumuli hela na dze mukuvapwepela avanu mumasikidza mukańu-mbagati, dziladalikwa pikiṅa.
4Uńeńe ńe vajangu ndikuvavūla nditigila: mutane ukuvogopa, avivulaga gu muvili gwene neke lino pambele luvalemage ukuvaletela ulungi ululutye.
5Mupulikage ndivalongelage unene uva kumogopa, mumogopage je ivona avulige neke kangi avedzage navo uvutavulilwe uvwa kuvasopela mumôto gwa kuvulungu. Ena ndakyene ndikuvavūla nditigila je mumogo-page jujo.
6Umunu asigula isodzi dzihanu nutubela tuvili? Napo kangi Nguluvi asikujisemwa jingi nda.
7Hamu, na dzi fwili dza kumutwe gweńu umwene avalile dzonda. Apo humbi mutane ukogopa. Kangi mudzilutye uńeńe uvutalamu na dzi sodzi indzolofu. 21, 18.
8Neke lino unene ndikuvavula nditigila: je ikwi-longa ukwangu, pe vipulika avanu, itigila andzelye unene, apo nave umuswamuve va munu alilonga ukwakwe, pe vipulika avańa-mwandza va Nguluvi, alatigila: najune ndimudzelye umwene.
9Neke lino je akwisudza ukwangu, pe vipulika avanu, apo najune ndilisudza ukwakwe, pe vipulika avańa-mwandza va Nguluvi. 9, 26.
10Neke je ikumulonga limwi ilidzwi ilivîfu umuswamuye va munu, ujo jilavodzwa, neke je ikumulonga fivi u-Mubepo umwîmike, ujo jisilavo-dzwa hamu. Mat. 12, 32; Mal. 3, 28. 29.
11Neke lino ulwene, valava vakuvakuluvulila uńeńe muńolanilo dzanavo na kuvavina vanavo na kuvańa-ngufu, apo mwali mutane ukwiganya ukuta: tulagita ndavuli pakudzileta idza kupilusa, tudzi-letaga dzilikwi? 21, 14. 15; Mat. 10, 19. 20.
12Ndivwene u-Mubepo umwîmike alavavulanihidza pasala jijo idza kulonga uńeńe.
13Neke lino baho jumwi uva pakipuga kikyo neke alongage nave neke atigilage: ve mwiganidz’ave, ungandongela umwana-kwetu, tugavane vunofu ilipwela lyesu.
14Neke umwene Jesu atigilage: ve munw’ave, je nani je anemidze unene pavuhidzi, je nani j’atigye ndivagavahidzage?
15Neke baho avalongelage atigilage: muvedzage mîho mwilembage uvununumu vonda, pakuva napo nde fivedzage fidevwike hela, umunu uvûmi vwakwe vusihuma mufyûma, fye asavile. 1. Tim. 6, 9. 10.
16Neke baho avalongelage nikimańagihidzo neke atigilage: umunu jumwi umumosi ali numugunda gwakwe, gwamotike ifilyo fyakwe.
17Neke baho ahodzage mwileme atigilage: ndigita ndavuli lino? Pakuva pagajile na pavukoṅa-hidzo ifilyo fyangu ifi.
18Neke kangi atigilage: lino ndiluvwene. Ndimamula ifisandzi fyangu, ndikufidzenga ifilutye uvukomi, mwe ṅoṅahidze fyonda ifivelike, nifyûma fyangu fyonda.
19Apo swêla ndilagulo-ngela umutima gwangu ndilagutigila: ve mutima gwangu, ulolage lino ulundise ifya kuponela imyâka imyolofu. Lino upolage hela, ulyage, uńwedzage, uhekage hela.
20Neke lino umwene Nguluvi neke atigilage: ve muńa-madzimw’ave, mańi uvûmi vwako viku-kwinulaga ki kilo iki. Apo lino fivedza fya nani fyonda, fye ukafilimile? Heb. 9, 27.
21Lwivedza-vo kwa je akwilundahidza ju mwene neke kwa Nguluvi abihilage ukuva musafi. Mat. 6, 20.
22-31: Mat. 6, 25-33.
22Neke baho avalongelage avańigendwa vakwe neke atigilage: kye ndi-lesile uńeńe ndivalongelage nigilage: mutane ukwiganya ifya pamutima gweńu ifilyo ifya kuponela, nambi ifya muvili gwe-ńu ifya kufwala.
23Ndivwene numutima nifya kuponela gulutye gu mutima, numuvili nifya kufwala gulutye gu muvili.
24Mulolage amahove, pakuva agene gasilima nukubena gasibena, nifitînga gasili nafyo nifisandzi gasili nafyo, neke Nguluvi akugasangila ifilyo. Neke lino uńeńe musilutye mbandu uvutalamu na kumadege?
25Uńeńe nani, je adzelye ukwihongeledza umukono gumwinga pavutali vwakwe, nde avedzage akwiganya?
26Neke lino ngana mwilemwa akadebe mbandu, apo ifingi mukwiganya fya kiki?
27Mulolage pavuluva, vusibota, vusihona. Neke lino unene ndikuvavūla nditigila: na ju Selomo nave mundolo dzakwe dzonda asafwalaga ponu, ndevye kifwala akaluva kamwinga ako nda.
28Neke lino Nguluvi ngana akulifwika evo ilisoli ilya mudâsi hela, lye kolili neṅuli, kilavo liso-pwa mwitende lya môto, apo uńeńe asi, lutidza pakuvafwika? Ńe vańa-lufuvo ulukefw’ańe!
29Neke najuńe mutane ukusakula ukuta: tukufivonela kwi nifya kulya nifya kuńwa? Inumbula dzeńu dzitane ukuńeńemala.
30Ndivwene fyonda ifi fye visakula avapivala hela kwen’ivala kuno. Neke uńeńe udadińo afi-kagulye ṅani, fye mufu-mbilwe.
31Ulwene musakulage uvutwa vwa Nguluvi, apo mulavona nifingi ifi akuvongelehedza.
32Utane ukogopa, ve kapinga kangu, ve kadeb’ave, pakuva udadińo akēlelye ṅani ukuvapela uvutwa uńeńe. 22, 29.
33-34: Mat. 6, 20. 21.
33Mufigule fye muli nafyo, muvapelage fya lupyanidzo. Muhonage nibogolo, idzisisakala. Musavage nikyûma kya kukyâńa, ikisijaga ponu, kye na ju mukufi asikukihege-lelela, ikisilivwa na kufi-muketa. 18, 22.
34Ndivwene kwe kokili ikyûma kyeńo, kwe kwene kwe jidamamye na ji numbula jeńo.
35-46: Mat. 24, 42-51.
35Ifivuno fyeńu fivedzage fivope, niṅáli dzivedzage ṅoledze. 1. Pet. 1, 13; Mat. 25, 1-13.
36Muliṅanage na vanu, avilolēlela umutwa vanavo, pe ikwadza ukuhuma kunavula, avasihava ukumudindulila ulwidzi, pe adzile mukukoṅona palwidzi.
37Ve vene avali kitendileme avavanda vavo, ve ivona umutwa vanavo vali mîho, pe ikwadza. Ndakyene ndikuvalongela unene nditigila: apo umwene alafwala guńwilile umwênda neke alavasakulila pavwikalo neke alavalimila vavo ju mwene.
38Vali kitendileme avavanda vavo, ve ivona umutwa vali mîho ndesi, nde avedzage ikwadza pamuminga gwa vuvili nambi gwa vudatu.
39Pe mulukagulilage na juńeńe pamuńa-ńumba, aka adzelage ukuta neṅuli pakilo pasala itunga ikwadza umuhīdzi, apo ngali asimuleka akumbe ińumba jakwe. 1. Tes. 5, 2.
40Neke lino na juńeńe mwikalage, ve mwigelanihidze ṅani, pakuva umwâna va munu aladzila pasala jijo, je musitigila ikwadzilajo.
41Neke baho Petele atigilage: mutw’ave, ikimańagidzo iki ukutuvūla jufwe twivene, ene vuli ukuvavūla avanu vonda hela?
42Neke umwene umutwa atigilage: vona avedzage pwali umuńa-kwimilila ińumba umusifu umuńa-luhala, je akumu-temya na ju mutwa vakwe ukuta avedzage je muńa-kuvagelela avavanda vakwe ifya kulya, pe jifike isala ja kulila?
43Ali kitendileme umuvanda jujo, je umutwa ikwadza avone ilima lulo, lwe alagililwe.
44Ndakyene unene ndikuvalongela nditigila: alamutemya ukuta avedzage muńa-kufimilila fyonda, fye ali nafyo. Mat. 25, 21.
45Neke lino ngana umuvanda jujo munumbula itigila: umutwa vangu ave tândi aladzōvela pakwadza, neke lino baho akole mukuvatova avavanda navagosi navadala neke akole mukulya nukuńwa nukugala,
46apo alavona umutwa va muvanda jujo ifika pakigono, kye asitigila kye kyene, ifika na pasala, je asadzelaga. Neke lino baho umwene alingila akumupumusa neke baho numugavo gwakwe ala-muhandziṅasa mugavo gumwinga na vandzila-lufuvo.
47Umuvanda jula, je aludzelye, lwe akelye umutwa vakwe, neke kangi atane nukwivujapila ṅani, neke atane nukululima, lwe akelye ju mwene, ujo je alatovwa isondzo indzolofu.
48Neke je akulugendela uluńa-kutovwa kitadzela, ujo je alatovwa ulukefu. Neke je anukye ifyolofu, aladzigilwa ifyolofu, neke na je ihadiswa ifyolofu, je valalutila pakuvudza ifyolofu ukwakwe.
49Unene kwen’eńi kuno ndadzile mukusopa umôto, neke lino lwe ndikēla, ndikēla ukuta guka guvedzage guheńwike.
50Neke unene ndi nalo uludzabiko ulwa kudza-bikwa june, neke ndikogopa mbandu lusunge lwapuke. Mat. 20, 22; 26, 36; Joh. 12, 27.
61-63: Mat. 10, 34-36.
51Uńeńe mwitigila: unene vona ndadzile mukujiletela ulutengamaso ińi? Hamu, unene ndiletile ikingalungalu, ndevye ndilongile vuli.
52Ndivwene valahuma ku nda-lino nde ukwiga-lukila vahanu avamuńumba jimwi. Avavili viku-vagalukilaga avajanavo avadatu, kangi avadatu ava vikuvagalukilaga avajanavo avavili vala.
53Nudadye akumugalu-kilaga umuswamuve, na ju muswamuve nave akumugalukilaga udadye. Nuṅina akumugalukilaga umwalive, kangi na ju mwalive akumugalukilaga uṅina. Neke na ju ṅinafyala akumugalukilaga umukamwanave, kangi na ju mukamwanave akumu-galakilaga uṅinafyala.
54Neke baho avalongelage avanu ifipuga neke atigilage: pe mwivyamu-vwene ilifūnde liviliṅana kuvusotelo vwa lidzuva, apo musihāva ukutigila: neṅuli indońa jikŏla mukutońa, humbi ndakyene. Mat. 16, 2. 3.
55Kangi pe mwivya muvwene ulukāla lwihumila kumavemba, apo mwitigila: neṅuli uludzuva lwivala, humbi ndakyene lwivala.
56Ńe vakedus’ańe, ińi nija pasi apa nidza kukyâńa, idzo mudzitegise pamigelanihidze. Neke lino kivatanidze kiki paku-gugelanidza umwâka ugwa lino ugu?
57Kivatanidze kiki ukudzihiga mwijena na dzi dza vugolofu?
58Mulolage ngana mwihelela na juve numuńa-nôngwa vako kwa mutwa, apo ungagela mbandu ukuta twidiṅane inôngwa pikasi, henda ulavona jujo akukukulunila kwa mukedzi, umukedzi ene vuli ulavona akukusutulila kwa mwivaha, neke uvone akukudindila muńumba indinde. Mat. 5, 25. 26.
59Uleke ndikuvūle unene: usiladzihuma mumo, pe usina uhomba na ka kahela aka kwapulihidza fyonda.
Currently Selected:
Luka 12: II
Označeno
Deli
Kopiraj
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.