Genesis 20
20
Ja Abrahami, ja Sara sok ja Abimeleki
1Ja Abrahami, el ja b'a ajyi ti waj b'a takin lu'um k'inal jumasa b'a ko'el k'inal, ti'xa kan b'a chonab' Guerar it tey b'a skol ja chonab' Cades sok b'a Suri. 2Ja tiwi, yala ja Abraham yuj ja Sara smoj alijel sb'aj sok mi yalata yuj sche'umuk. Ja'yuj ja Abimelek mandaranum b'a Guerari, sjeka spayjel ja Sara b'a oj sche'umuk.
3Jun a'kwal, a'ji swaychuk ja Abimelek yuj ja Dyosi, ti alji yab'a:
—Ja we'n oj chaman yuj ja lom a wi'aj b'a oj ja che'umuk ja ixuk sche'um ja pilan winiki.
4Jaxa Abimeleki mitoni t'un wax och mojan sok ja ixuka, ja'yuj, ti yala'a:
—Dyos kuj, ¿Jas b'ej ja oj ja ch'ay sna'jel ja ma' toj ay b'a? 5Ja Abrahami, yala kab'i, smoj alijel sb'aj sok ja Sara, jaxa Sara jach'ni cho yala ja ye'na. Sok ja iti, lek ayon wax kab'i, mi b'a jas mi lek jk'u'lunej yi'a.
6Ja b'a swayich jawi, ti alji yab' yuj ja Dyosi:
—Wax na'a, mi jas mi lek a k'u'lunej, ke'n mi jk'ana oj ja yame, b'a jach' mi oj ja ta' a mul jmok. 7Jaxa ya'n a kumxuk yi ja sche'um ja winik jawi. Ja ye'n aluman Dyos, oj b'ob' sk'anyi ja Dyos b'a lek oj ek'uk a wuj. Kechan ta yuj k'a mi oj wa kumxuk yi'i, ja smeranil ja we'n sok spetsanil ja swinkil wa naji ojni chamanika.
8Sajto lek ja pilan k'ak'u ja Abimeleki ch'ak sjek spayjel spetsanil ja ya'tijum jumasa. Yajni och yal ja jastal swaychin ja Abimeleki, jaxa ye'nle'i, jel och ja sxiwele'i. 9Ja'yuj ja Abimeleki, spaya ja Abrahami, ti yal yab'a:
—¿Jas lom jach' a k'u'lan ki'tikon b'a? ¿Jasun jk'ulan a wi ja ke'n ja wax waj kuchtikon ja niwan mulal it sok ja jmoj jumasa b'a wa'non a'tel b'a? Ja jas a k'u'lan ki'i, mi ma' wax k'u'laxiyi jachuk. 10¿Jas lom jach' a k'u'lani? ¿jasunk'a wa'n ek'el a k'ujoli?
11Ti yala ja Abrahami:
—Ja ke'n yuj kala, ja ili, mi ma wa stoyo ja ma' Dyos kuji, yuj ja jachuki, oj b'ob' a mil'onex b'a oj ja jap'ex ki ja jche'umi. 12Ja smeranili, yujni jmoj alijel jb'aj soka, a'ji nupanukon sok ja ye'n, yuj ja' yunin ja jtati, mi ja'uk snan ja nan ke'n. 13Ja k'ak'u yal kab' ja Dyos oj elkon b'a ajyiyoni, kala yab'i chikan b'a oj wajkotikona oj kal yuj jmoj alijel jb'aj sok.
14Ja'yuj ja Abimeleki, yi'aj jan jitsan schej, wakax a'tijum jumasa, ch'ak ya'yi ja Abrahami. Cho ya'ni kumxuk yi ja sche'umi, 15Ti yala yab'a:
—Tey itul ja jlu'um jumasa, tsa'a b'a'xa k'ana oj ajyana.
16Ti cho yal yab' ja Sara:
—Wa moj alijeli, wa'non ya'jelyi mil sakal tak'in. Sok ja tak'in iti, ti wax na'xi yuj ja we'n mi yuj ay jas mi lek ak'u'lunej. Mi ma' oj k'umanuk b'a mi sb'ejuk yuj ja we'n.
17Jaxa Abrahami, sk'ana yi ja Dyos a ya tojb'uk ja Abimeleki, jaxa Dyosi, ya'ni tojb'uka. Mi kechanuka, ja Dyosi, yala ja sche'um sok ja ya'tijum ixuk jumasa ja Abimeleki oj yil sat yuntikil, 18Yuj ja ch'ak k'otuke tek'an untikaneli, ja'yuj ja jas ek' sb'aj ja Sara, ye'nani ch'ak ya' tek'an ja Dyosa.
Currently Selected:
Genesis 20: YABD
Označeno
Deli
Kopiraj
Want to have your highlights saved across all your devices? Sign up or sign in
© Sociedad Bíblica de México 2021