यूहन्ना 2
2
गलील रै काना मन्ज पैहला चमत्कार
1फिरी त्रियै दिनै#2:1 पैहलै अध्याय थऊँ ही ऐह कहाणी शुरू भुन्दी हा अतै दूये अध्याय री पैहली आयत मन्ज त्रियै दिना री गल्ल हा गलील जिलै रै काना नां रै ग्राँ मन्ज कसकि रा बैह थू। यीशु री माँ भी तैठी ही थी। 2यीशु अतै तसेरै चेलै भी तैस बैह मन्ज हैदुरै थियै। 3तैड़ी जैहणै दाखरस मुक्की गो ता यीशु री माँ बलणा लगी, “ईयां बलै अबै होर दाखरस नियां।”
4यीशुऐ तैहा जो बल्लू, “ओ जनानी तू मिन्जो कजो बल्लू करदी हा? हल्ली तिकर मेरा ऐह दसणै रा टैमं ना आ कि अऊँ कुण हा।”
5फिरी तसेरी माँ नौकरा सोगी बलणा लगी, “जैडा ऐ बलदा तियां ही कम्मा।”
6तैड़ी यहूदी रै शुद्धी करन करनै री रवाजा अनुसार पत्थर रै छिया घड़ै रखुरै थियै, जियां मन्ज दोई-दोई त्राई-त्राई मण#2:6 मण एक मण 16 किलो के बराबर होता हा। इन्दा थू।
7यीशुऐ तियां जो बल्लू, “घड़ै मन्ज पाणी भरी देआ।” अतै तियैं घड़ै जो पुरा भरी दिता।
8तैहणै यीशुऐ नौकरा जो बल्लू, “अबै ऐतिओ कड़ी करी बोटी वलै लेई गच्छा।”
अतै सो लेई गै। 9जैहणै बोटिऐ सो पाणी चक्खू ता सो दाखरस बणी गच्छुरा थू, तैसिओ पता ही ना चलु कि सो दाखरस कठी थऊँ आ (पर तियां नौकरा जो पता थू, जियें पाणी कड्डूरा थू) फिरी बोटिऐ घरावाळै जो हैदी करी तैस सोगी बल्लू, 10“सब मणु पैहलै खरा दाखरस दिन्दै अतै जैहणै परौणै पी करी मतवाळै भूच्ची गान्दै ता मध्यम दाखरस, पर तुहै ता खरा जिन्ना दाखरस हलि तिकर बचाई रखूरा।”
11यीशुऐ गलीला जिलै रै काना ग्राँ मन्ज अपणा ऐह पैहला चमत्कार दसी करी अपणी जय-जयकार करवाई अतै तसेरै चेलै तैस पुर विस्वास करू।
12ऐत थऊँ बाद यीशु, तसेरी माँ, तसेरै भाई अतै तसेरै चेलै कफरनहूम शहर जो गै अतै तैड़ी सो थोड़ै दिन रैह।
मन्दरा थऊँ व्यपारी जो कढणा
(मत्ती 21:12,13; मरकुस 11:15-17; लूका 19:45,46)
13यहूदी मणु रा फसह रा त्यौहार नेड़ै थू अतै यीशु यरुशलेम शहर जो गो 14तिनी तैड़ी मन्दरा मन्ज बाल्द, भैड़ा अतै कबूतरा बेचणै बाळै पैसै बदलणै बाळै वैपारियो बैहुरै हेरी। 15ता तिनी जोडै रा कोडा बणाई करी, सबी भैड़ा अतै बाल्दा जो मन्दरा थऊँ कडी दिता, अतै व्यपारी रै सब पैसै रगांडी दितै अतै तंयारै बैहणै बाळै पटड़ै जो फैंकी दिता, 16अतै कबूतरा बेचणै बाळै सितै बल्लू, “ईयांईं जो ऐठीआ थऊँ लेई गच्छा। मेरै पिता रै घरा जो बजार मत बणा।”
17तैहणै तसेरै चेलै जो हेत आई कि पवित्रग्रन्था मन्ज लिखुरी हा, “तेरै घरा री लगन मिन्जो खाई गाणा।”#भज. 69:9.
18ऐह हेरी करी यहूदी धर्मगुरू तैसिओ बळणा लगै, “तू जैडा ऐ करदा ता ऐत थऊँ असिओ कुण जिन्ना चमत्कार दसदा?”
19यीशुऐ जवाव दिता, “ऐस मन्दरा जो ढ़ाई देआ, अऊँ ऐसिओ त्राई दिना मन्ज बणाई दिला।”
20यहूदी अधिकारी बल्लू, “ऐस मन्दरा जो बणाणै तांयें छताळी साल लगै, अतै कै तू ऐसिओ त्राई दिन मन्ज बणाई सकदा?” 21पर यीशु अपणै शरीरा रै मन्दरा रै बारै मन्ज बल्लू थू। 22अतै जैहणै सो मरी करी जी भूआ तैहणै तसेरै चेलै जो ऐह गल्ल याद आई, अतै तियैं तैस पवित्रग्रन्थ रै बचना अतै यीशु मसीह री कणैऊरी गल्ला रा विस्वास करू।
यीशु मणु रै मना जो जाणदा
23जैहणै यीशु यरूशलेम शहर मन्ज फसह रा त्यौहार मन्ज थू, ता मतै मणुऐ तियां चमत्कार जो हेरी करी जैडा सो दसदा थू ता तैस पुर विस्वास करू। 24पर यीशुऐ अपणै आपा जो संसारा रै भरोसै ना छडु, क्ओकि सो सबी जो जाणदा थू; 25अतै तैसिओ जरूरत ना थी कि मणु रै बारै मन्ज कोई गवाही देआ, क्ओकि सो अप्पू ही जाणदा थू कि मणु रै मना मन्ज कै हा?
Currently Selected:
यूहन्ना 2: GBKNT
Označeno
Share
Copy
Want to have your highlights saved across all your devices? Sign up or sign in
This work is licensed under Creative Commons Attribution-ShareAlike 4.0 License.