GENESIS 16
16
Hagar tuntang Ismael
1Sarai sawan Abram, hindai kea dinon anak. Tapi ie tempon rewar ije biti oloh Misir. Rewar te bawi arae Hagar. 2Sarai hamauh dengan Abram, “Tuhan dia manenga jalan akangku manak. Awi te keleh ikau hinje dengan rewarku toh. Ayau ie tau manak akangku.” Abram manumon auh Sarai. 3Te Sarai manenga Hagar akan Abram indu gundike. Metoh te Abram jari sapuluh nyelo melai hong Kanaan. 4Abram hinje Hagar, maka oloh bawi te batihi. Tapi sana ie katawan arepe batihi, ie manampara bajoho paham tuntang manawah Sarai.
5Palus Sarai hamauh dengan Abram, “Aku jari manenga Hagar rewarku akam. Tapi sana ia katawan arepe batihi, ie manawah aku. Jete kasalan ayum.#16:5: Jete kasalan ayum atawa Keleh jaka ikau buah kapehe, awi malalus kasalan toh mawi aku. Keleh Tuhan mamutus perkara toh akan kue.”
6Tombah Abram, “Mana koam ih, ie rewarm je penda kuasam.” Balalu Sarai mawi Hagar dengan kakaras, sampai rewar te mandari arepe.
7Malekat Tuhan manyondau Hagar tokep lowang danum hong padang pasir, iete hong jalan je manintu padang Sur. 8Koan Malekat te, “Hagar, rewar Sarai, ikau bara kueh tuntang handak akan kueh?”
Tombah Hagar, “Aku hadari bara Sarai tempongku.”
9Malekat te hamauh, “Buli haluli talih ie tuntang numon kare parentahe.” 10Palus koan malekat te tinai, “Aku handak manenga akam are toto anak eso, sampai dia olih oloh misee. 11Dia tahi tinai ikau manak anak hatue. Sewut arae Ismael, #16:11: Ismael: Huang basa Ibrani riman aran toh iete “Hatalla mahining”. awi Tuhan jari mahining tangism. 12Tapi anakm te akan belom kilau kalidai bariar. Ie akan malawan gagenep oloh. Tapi gagenep oloh kea akan malawan ie. Ie akan belom hambilang bara kare tundah kolae.”
13Hagar misek hong ateie, “En toto aku jari mite Hatalla je manantuani aku?” Te ie menyewut Tuhan, je jari hamauh dengae, “Hatalla je manantuani”. 14Awi te oloh manyewut kalin danum je helat Kades dengan Bered te, “Kalin danum Ayue je belom, je manantuani aku.”
15 #
Gal. 4:22
Balalu Hagar manak anak hatue. Abram bapae, manggare anak te Ismael. 16Metoh te umur Abram hanya puluh jahawen nyelo.
Currently Selected:
GENESIS 16: NIJ
Označeno
Share
Copy
Want to have your highlights saved across all your devices? Sign up or sign in