Matta 23
23
Ȓefḍiḥaṯ n imseȓmaḏen n ccariƹa ḏ ȓḥizeb n ifarrisiyen
1Issiweȓ Ƹisa ak imeḥḍaren nnes ḏ yiwḏan 2inna-asen: "Imseȓmaḏen n ccariƹa ḏ ȓḥizeb n ifarrisiyen qqimen-as i Musa x ȓkursi nnes, iƹni seȓmaḏen ccariƹa nnes. 3X manaya, teggeṯ marra min ḏawem qqaren, xeḏmem zzayes. Walakin war teggem ca am niṯni, mayemmi? Liʼanna niṯni war teggen ca min qqaren. 4Tceddan ȓeḥmeȓ iḏeqȓen iqesḥen x yiwḏan ḥima aṯ arbun, walakin war tḥiḏin ca ȓeḥmeȓ nni uȓa s uḍaḍ nsen. 5Marra min teggen ḥima aɣarsen xzaren yiwḏan. Teggen ȓeḥruz#23.5 Ȓeḥruz-a ḏaysen can lʼayaṯ tceddan-ṯen israʼiliyen ḏeg ufus, iƹni jar n ṯɣemmarṯ ḏ uɣiȓ. Tceddan-ṯen ƹaweḏ ḏi ṯenyarṯ, iƹni ṯawarna. ḏ imeqqranen, arennin ṯicȓuȓin i izeǧaben nsen. 6Texsen imucan imezwura ḏi ȓefruḥ ḏ ṯemziḏawin. 7Texsen axasen seǧmen ḏi ȓeswaq aḏasen ȓaɣan yiwḏan: A siḏiṯneɣ. 8Walakin kenniw, war tejjam ḥadd aḏawem iȓaɣa: A siḏiṯneɣ. Ȓaḥeqqac kenniw marra ḏ awmaṯen ɣarwem ijjen n Siḏiṯwem. 9War tȓaɣam i ḥadd ḏi ṯmurṯ: A babaṯneɣ. Ȓaḥeqqac ɣarwem ɣir ijjen n Babaṯwem aqaṯ ḏeg ujenna. 10War tejjam ḥadd aḏawem iȓaɣa: Ay amseȓmaḏ. Ȓaḥeqqac ɣarwem ɣir ijjen n Umseȓmaḏ, netta ḏ Lmasiḥ. 11Ameqqran jarawem itxeṣṣa aḏ yiȓi ḏ axeddam nwem. 12Wenni isemɣaren ixef nnes, ataf aḏ yiȓi ḏ amezyan. Wenni isemzayen ixef nnes, ataf aḏ yiȓi ḏ ameqqran.
13Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.
14{Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Tettem i ṯajjaȓin marra min ɣarsent. Tesmeḍharem-d ixef nwem tẓaǧam aṭṭas ḥima aḏ tbeyynem i yiwḏan belli ṯṣebḥem aṭṭas zaƹma. X manayenni aḏ twaƹaqbem ktar.}
15Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Tekkem marra ȓebḥar ḏ ȓbarr ḥima aḏ tjarrem can yijjen ɣar ddin nwem. U xmi iy kiwem ɣa yiȓi, tarrim-ṯ isḏaheǧ ṯimessi marrṯayen ktar zi min ṯesḏaheǧem kenniw.
16Ya ȓefḍiḥeṯ nwem, ay iḍarɣaȓen itjarran iwḏan! Ṯeqqarem: War ṯseggwi walu ṯjaǧiṯ#23.16 Ṯjaǧiṯ nettaṯ ḏ lḥulef. s ṯemziḏa ṯameqqrant, walakin wenni ɣa ijjaǧen s ddheb n ṯemziḏa ṯameqqrant itxeṣṣa axas ikemmeȓ x ṯjaǧiṯ nnes. 17Ay ifɣaȓ ay iḍarɣaȓen, min iseggwan ktar? Ma ḏ ddheb ma ḏ ṯamziḏa ṯameqqrant ig yucin lqima i ddheb? 18Ṯeqqarem ƹaweḏ: War ṯseggwi walu ṯjaǧiṯ s ȓmeḏbaḥ, walakin wenni ɣa ijjaǧen s dbiḥaṯ iǧan x ȓmeḏbaḥ, itxeṣṣa axas ikemmeȓ x ṯjaǧiṯ nnes. 19Ay iḍarɣaȓen, min iseggwan ktar: Ḏ dbiḥaṯ niɣ d ȓmeḏbaḥ iticcen lqima i dbiḥaṯ? 20X manaya, wenni itjaǧan s ȓmeḏbaḥ, itjaǧa zzayes ḏ marra min xas. 21Wenni itjaǧan s ṯemziḏa ṯameqqrant, itjaǧa zzayes ḏ Arebbi iy t izeddɣen. 22Wenni itjaǧan s ujenna, itjaǧa s lƹarc n Arebbi ḏ wenni xas iqqimen.
23Ya ȓefḍiḥeṯ nwem, ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Ticcem ȓaƹcur uȓa x naƹnaƹ ḏ uwram#23.23 Awram netta ḏ ijjen n ȓƹucbeṯ ḏayes ddwa. ḏ ȓcemmun,#23.23 Ȓcemmun netta ḏ ȓkaymun. walakin war tehtimim ca min iǧan muhim qaƹ ḏi ccariƹa iƹni ȓḥaqq ḏ arraḥmeṯ ḏ lʼiman. Lla, itxeṣṣa-awem aḏ tehtamem s manaya bȓa ma tettum ȓaƹcur. 24Ay iḍarɣaȓen itjarran iwḏan! Tṣeffim izi zi min ṯsessem, ṯesɣeǧayem aȓɣem!
25Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw ṯsiriḏem mliḥ ȓkas ḏ ṭebṣi ɣar barra, walakin ɣar ḏaxeȓ aqa ccuren s ṯukkarḏa ḏ ṭṭmaƹ! 26Ay afarrisi aḍarɣaȓ, ḏ amezwaru sireḏ ȓkas ɣar ḏaxeȓ ḥima aḏ yiȓi isireḏ ɣar barra.
27Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw amecnaw imeḍȓan ibeyyḍen s jjir. Tmeḍharen ṣebḥan ɣar barra, walakin niṯni ccuren ɣar ḏaxeȓ s yixsan ḏ marra min yareccan. 28Amenni kenniw iy tmeḍharem i yiwḏan nican iy ṯeǧam ɣar barra, walakin ɣar ḏaxeȓ ṯeccurem s nnifaq ḏ ȓmuƹṣiyaṯ.
29Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Kenniw ṯbennam imeḍȓan n lʼanbiya, ṯƹeddȓem imrabeḏen n ȓmuminin. 30Ṯeqqarem: Maƹlik neǧa ḏi ȓweqṯ n ȓejḏuḏ nneɣ ataf war kiḏsen nsizzeȓ ca iḏammen#23.30 Iḏammen netta ḏ ddem. n l'anbiya. 31X manayenni ṯcehhḏem x yixef nwem belli kenniw ḏ ṯarwa n yinni inɣin lʼanbiya. 32Iwa, kemmȓeṯ kenniw x min bḏan ȓejḏuḏ nwem!
33Ay ifiɣeran! A ṯarwa n ṯfiɣerawin! Mamc ṯfekkarem aḏ tarewȓem zi lƹiqab n jahennama? 34X manaya xzarem! Tsekkiɣ-awem-d lʼanbiya ḏ imiɣisen ḏ imseȓmaḏen. Ijjen zzaysen aṯ ṯenɣem ijjen aṯ ṯṣellbem. Ijjen zzaysen aṯ ṯuwṯem s usɣun ḏi ṯemziḏawin, ijjen axas ṯazzȓem zi ṯendint ɣar ṯendint. 35X manayenni aḏ twaƹaqbem x marra iḏammen iy yuzzȓen n ȓmuminin ḏi ddunect-a. Zeg iḏammen n Habil ȓmumen aȓ iḏammen n Zakariya mmis n Barxiya iy ṯenɣim jar ȓmeḏbaḥ ḏ ṯemziḏa ṯameqqrant. 36Aqa tesȓam ȓḥaqq: Marra lƹiqab-a aḏ d ihwa x yiwḏan n ȓweqṯ-a!
Siḏiṯneɣ Ƹisa itxeyyaq x ṯendint n Lquds
37Ya Lquds ya Lquds! Ḏ cem ig ineqqen lʼanbiya, ḏ cem ig irejjmen yinni ɣarem d issekk Arebbi! Nec mecḥaȓ n ṯwaȓaṯin xseɣ aḏ smuneɣ ṯarwa nnem am can ṯyaziṭ iteḥbubuḍen x ifiǧusen nnes walakin kenniw ṯugim. 38Aqa ṯaddarṯ nwem aḏawem ṯeqqim ḏ ȓxirbeṯ. 39Aḏawem iniɣ belli war ḏayi ṯẓerrem ca ƹaweḏ ḥetta aȓ Nhar nni iy ɣa ṯinim: Ssaƹḏ ya wenni iy d yusin ƹlaḥsab isem n Siḏi Arebbi!"
Currently Selected:
Matta 23: RIF
Označeno
Deli
Kopiraj
Want to have your highlights saved across all your devices? Sign up or sign in