Senesi 13
13
Toe liliu o Apalamo ki le fenua
1Na pale loa Apalamo mei Esipito ki le potu saute, a ia mo lana avaga, mo nea fuli ala na maua e ia, ti na pale loa Lote mo ia. 2Na lasi ai a koloa o Apalamo : Na lasi ai lana kau manu, mo lana paaga, ti mo lana aulo. 3Na taki loa e ia lona fanoga mei le potu saute o kaku ki Petele, o kaku ki le ganea leia na tuu ai lona falela i le kamataaga, i le vasa o Petele mo Ai, 4le ganea leia na tuu ai le aletale leia na fakatuu e ia i mua. I ai, na faikole loa Apalamo i le suafa o le Eteleno.
Mavete o Apalamo mo Lote
5Ko Lote, leia na kau fanoga mo Apalamo, na toe maua ia foki ni kau ovi fafine, mo ni kau pipi, mo ni falela. 6Ti na leaise feauga le fenua ke la nofo fakatasi i ai, talie kua lasi ai ola koloa, ti na leaise koi feala ke la nonofo fakatasi. 7Na malaga loa se fefele i tagata tausi manu a Apalamo mo tagata tausi manu a Lote. I le temi lena, na nofo le kau Kanaane mo le kau Felesi i le fenua. 8Na pati loa Apalamo kia Lote : E kau kole atu kiate koe, ke aua na i ai se fefele iate au mo koe, pe i le vasaa o aku tagata tausi manu mo au tagata tausi manu ; talie e ta tautaina. 9Pe leaise tuu le fenua katoa i ou mua ? Koia mavae ai a koe iate au : kapau e ke ano ki le fetuu sema, ti e kau ano loa ki le fetuu atamai ; kapau e ke ano ki le fetuu atamai, ti e kau ano loa ki le fetuu sema. 10Na siki loa e Lote ona mata ki aluga, ti na tio loa a ia ki le fenua o le Solotane leia na laumalie katoa ti na fakavai katoa. O kaku ki Tesoa, i mua o le maumaui o Sotoma mo Komola e le Eteleno, na fai a ia pe se oloto a le Eteleno, na fai a ia pe le fenua o Esipito. 11Na filifili loa e Lote le fenua laumalie katoa o le Solotane kiate ia, ti na siki loa e ia lona nofoaga ki le potu esite. Ti na la mavete loa i ai. 12Na nofo loa Apalamo i le fenua o Kanaane ; ti na nofo loa a Lote i kolo o le fenua laumalie, ti na fakatuu loa e ia ona falela o kaku ki Sotoma. 13Na agaveli le kakai o Sotoma, mo agasala lasi ki le Eteleno.
Fakapapau kia Apalamo
14Na pati loa le Eteleno kia Apalamo, i le oki o le mavae o Lote iate ia : Siki ou mata, ti ke tio mei le ganea leia e ke nofo ai ki le potu noleto mo le potu saute, ki le potu esite mo le potu uesite ; 15talie ko le fenua katoa leia e ke tio ki ai, e kau soli atu loa a ia kiate koe mo lou sakoga, o tuumau. 16E kau fakaliliu loa lou sakoga ke lasi ofaipe le efu o le kele, ti kapau e mafai e se tagata le lau o le efu o le kele, ti e lau loa lou sakoga. 17Tuu ki aluga, o foli takai le fenua i lona loa mo lona lau lasi, talie e kau soli loa a ia kiate koe.
18Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.
Currently Selected:
Senesi 13: FB2000
Označeno
Share
Copy
Want to have your highlights saved across all your devices? Sign up or sign in
© Société Biblique de Genève, 2000-2020