PIANPATNAK 16
16
Hagar le Ishmael
1Abram i zi Sarai in ca pa khat hei nei ma hi. Mahnaven Izipt mi Hagar tihmi salnu nei hi. 2Sarai in Abram lakah, “Zo hemin, Topa in, kei hi ca cawitik nuam ma hi. Ita ka salnu tuah na um kawm uh ngawl? Amahin ka ca in, ca cawi sak thei tuk ven,” ti hi. 3Mah hangin Sarai in, a salnu Hagar cu Abram zaupih tukin pia hi. Kanaan ngamah Abram kum sawm a um nungten hi thu hi piang hi. 4Abram le Hagar cu zaukawm haw a, Hagar cu naupai hi. Hagar in Abram ca pai zo ing, tih a theih ten pualthau in, Sarai cu nauneh hi.
5Sarai in, Abram lakah, “Hagar in hi bangin kei a nauneh hi nangma mawh hi. Ka salnu cu keima piak hi. Mahnaven na ca pai zo ing, tih a theihbek ten keimah nauneh hi. Topa Pathian in, nang le kei humah akua man saw hung ngim tih thunei zal hen,” ti hi.
6Abram in, “Pha hei, na salnu hi nangma thu nuaiah um hi; na deih bang bawlin,” tin Sarai lakah ti hi. Sarai in Hagar cu a bawlsiat leita hangin Hagar cu tai hi.
7 Topa i vancungmi in, Shur lam hawhnak lampi, ciktui umnak ngamkhingah Hagar cu tawkin, 8a lakah, “Sarai i salnu Hagar, ilai pen hungin, ilai lamah hawh tuk nge cim?” tin dong hi.
Hagar in, “Ka bawinu Sarai lak pen tai ing,” ti hi.
9Vancungmi in, “A lakah kikleh inna, a salah na umta pohin,” ti hi. 10“Kuamah i sial ceng ngawl, Casuan tampi pia tung; 11Capa nei tuk ci a, a min Ishmael sa tuk ci; Itahim titale Topa in, na cimnak theihpih hi; 12Mahnaven na capa cu, Laak ngilo bang hi tuk hi. Mi hempoh ngal tuk a, mi hempoh ten ngal bok haw tuk hi. A unaupihte tuah hei in, um langkhat haw tukma,” ti hi.
13Hagar in, “Pathian cu hilai pen tawk ngangai ing, nunglaih ing maw?” tin, amah le amah tidun cop hi. A lakah a awntu Topa cu a min, “El-roi,”#16:13 El-roi tih cu Nangmah cu keimah a mutu Pathian hi ci tihnak hi. tin sam hi. 14Mah hangin Kadesh le Bered lak lawh a, tuikhuk cu mi hempoh ten, “Beer-lahai-roi,”#16:14 “Beer-lahai-roi,” tihmi cu A Nungmi Kei Amutu i tuikhuk tihnak hi. tin sam mek haw hi.
15Hagar in, Abram i capa cu hingin, amah Abram in, Ishmael tin a minsa hi.#Gal 4:22; 16Abram cu Hagar in capa a hin ten kum sawm liat le kum luk hi.
Currently Selected:
PIANPATNAK 16: NBF1
Označeno
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.