Piancilna 6
6
Tuiciin
1Lei tungah mite khangin tampi a phak uh ciangin amaute in tanute nei uh a, 2 Pasian’ tapate in mihingte tanute melhoihsa in, amaute a deih peuhpeuh uh telin tenpih uh hi. 3 Tua khit ciangin TOPA in, "Ka kha le mihing a kibuan b#6.3 Ahikeh ka kha a sungah a om kei ding hi. niloh thei kei ding hi; ahang in, amah a sithei hi a, c#6.3 Ahikeh buaisak ama nite kum za le sawmnih hi ding hi," ci hi.
4 Tua hun lai-in lei tungah Nephilim-te om uh a - tua khitin zong om uh hi - Pasian’ tapate mihingte’ tanute kiangah pai uh-a amaute tawh ta nei uh hi. Amaute khanglui lai-a mi thahat minthangte ahi uh hi.
5 TOPA in lei tungah mihingte gitlohna a liat zia le, a tawntungin a lungsim uah gitlohna ngaihsutna a neihlam uh mu hi. 6 Leitungah mi a bawl TOPA dah a, a lungsim na mahmah hi. 7 Tua ahi manin TOPA in "Ka piansaksa mihing - mite le ganhingte, a bokvak ganhingte le huihlak vasate, lei maitang panin ka phiat siang ding hi, ahang in amaute ka bawl ka dah hi," a ci hi. 8 Ahi hangin Noah in TOPA muhna ah angvanna a ngah hi.
9 Hih in Noah khanggui sutna ahi hi.
Noah, ama khan hun lai-in mite lakah thumaana kawkbaang loin Pasian tawh a tonkhawm mi khat ahi hi. 10 Noah in tapa thum:Shem, Ham le Japheth a nei hi.#Pc 5:22; Heb 11:7
11 Tu-in Pasian muhna-ah leitung siagawpa ngongtatna tawh kidim hi. 12 Pasian in leitung mite khempeuh a siat gamtat manin leitang a siat luat lam a mu hi. 13 Tua ahi manin Pasian in Noah tungah, "Ngongtatna tawh leitang kidim ahi manin, amaute hangin mi khempeuh ka beisak ding hi. Leitung le a mite a nih in ka susia khawm taktak ding hi. 14 Tua ahi ciangin cypress d#6.14 Hih kammal Hebrew ah a cihnopna taktak kician lo. tawh gunkuang-pi khat bawl in; a sungah dei omsak inla, a sung le a pua ah kultar in zut in. 15 Na bawlzia ding hih bang ahi hi: Gunkuangpi pi 450 sausak in, pi 75 zaisak inla pi 45 sang e#6.15 Hebrew ah tong 300 sau, tong 50 zai, tong 30 sang.(meter 400 bang sau, meter 23 zai, meter 13.5 sang) sak in. 16 A tung zong lam inla, a tunglam khutpi 18 f#6.16 Hebrew ah tong khat (meter 0.5 bang) awngsakin tua ciangin mansak g#6.16 Ahikeh na mansiang nading ah khuavak lut nading a vang khat bawl in in. Gunkuangpi pangah kongkhak khat bawl inla sual, a tungnung, a laita le a nuainung bawl in. 17 Keimah in vante nuai-a om khempeuh, a sunga husang ganhing khempeuh a susia dingin tuiciin ka tungsak ding hi. Leitung a na khempeuh ka sia mangsak ding hi. 18 Ahi hangin nang tawh thukhun ka bawl ding hi. Nang, na tate, na zi, na tate zite tawh - gunkuangpi sungah na lut ding uh hi. 19 Na gunkuangpi sungah nuntakna a nei ganhing khempeuh nih ciat - a nu le a pa, na khum dinga na khawi ding hi. 20 Vasa nam, ganhing nam, leitunga a bokvak ganhing nam ciat panin nih ta na kiangah hong pai ding uh a, a nungta dingin na kem ding hi. 21 Nang le tuate an dingin nek theih namkim khol in," a ci hi.#Pc 9:9-16
22 Noah in Pasian thupiak bang tektekin na khempeuh a hih hi.#Pc 7:5,9,16
Currently Selected:
Piancilna 6: ZIV
Označeno
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission