TIBIRIK 5
5
Bara Sesang Adam
(1Kr 1.1-4)
1Ati inŭh susud sesang Adam. (Di andu Tapa napa manusia, Ayŭh napa ngara nunda gayŭn adŭp-I. 2#Tib 1.27-28 #Mat 19.4; Mrk 10.6 Ayŭh napa ngara dari ngga dayung, nyiberkat ngara, ka kadŭn ngara “Manusia.”) 3Kan umbur Adam mbŭh 130 sawa, ayŭh biyŭn ndi anak dari mun adŭp-i, adi-i kadŭn Seth. 4Ripas anŭ, umbur Adam bitambah 800 sawa dinge. Ayŭh biyŭn dinge anak anak adi bŭkŭn 5ka kabŭs kan umbur-i mbŭh 930.
6Kan umbur Seth mbŭh 105 sawa, ayŭh biyŭn ndi anak dari dŭn Enosh, 7ka udip sitian 807 sawa dinge. Ayŭh biyŭn anak anak adi bŭkŭn dinge 8ka kabŭs kan umbur-i mbŭh 912 sawa.
9Kan umbur Enosh mbŭh 90 sawa, ayŭh biyŭn ndi anak dari adi-i kadŭn Kenan, 10ka udip sitian 815 sawa dinge. Ayŭh biyŭn dinge anak anak adi bŭkŭn, 11ka kabŭs kan umbur-i mbŭh 905 sawa.
12Kan umbur Kenan mbŭh 70 sawa, ayŭh biyŭn ndi anak dari dŭn Mahalalel, 13ka udip sitian 840 sawa dinge. Ayŭh biyŭn anak anak adi bŭkŭn dinge, 14ka kabŭs kan umbur-i mbŭh 910 sawa.
15Kan umbur Mahalalel mbŭh 65 sawa, ayŭh biyŭn ndi anak dari dŭn Jared, 16ka udip sitian 830 sawa dinge. Ayŭh biyŭn anak anak adi bŭkŭn dinge, 17ka kabŭs kan umbur-i mbŭh 895 sawa.
18Kan umbur-i mbŭh 162 sawa, Jared biyŭn ndi anak dari dŭn Enoch, 19ka udip sitian 800 sawa dinge. Ayŭh biyŭn anak anak adi bŭkŭn dinge 20ka kabŭs kan umbur-i mbŭh 962 sawa.
21Kan umbur Enoch mbŭh 65 sawa, ayŭh biyŭn ndi anak dari dŭn Methuselah. 22Ripas anŭ, Enoch udip nanyam ka pinyiraan Tapa 300 sawa, ka biyŭn anak anak adi bŭkŭn dinge. 23Ayŭh udip ndŭg umbur-i 365 sawa. 24#Heb 11.5; Jud 14 Sitŭkŭd umbur-i ayŭh udip nanyam ka pinyiraan Tapa, ka komŭnŭ ayŭh miyap dog tambit Tapa.
25Kan umbur Methuselah mbŭh 187 sawa, ayŭh biyŭn ndi anak dari dŭn Lamech, 26ka udip sitian 782 sawa dinge. Ayŭh biyŭn anak anak adi bŭkŭn 27ka kabŭs kan umbur-i mbŭh 969 sawa.
28Kan umbur Lamech mbŭh 182 sawa, ayŭh biyŭn ndi anak dari 29ka nang, “So adŭp tana adi Tapa mbŭh mangu, anak ati re taban saduh yŭn ta so sopŭrŭg kraja jera ta.” Ngapŭi meh ayŭh kadŭn anak anŭ Noah.#5.29 Noah: Dŭn ati brisak ngga pinganang Hebrew “Saduh”. 30Lamech pijuu udip 595 dinge. Ayŭh biyŭn anak anak adi bŭkŭn 31ka kabŭs kan umbur-i mbŭh 777 sawa.
32Ripas umbur Noah mbŭh 500 sawa, ayŭh biyŭn taruh madis anak dari, Shem, Ham, ka Japheth.
Currently Selected:
TIBIRIK 5: TBVONT
Označeno
Share
Copy
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.