Kusintii Andunya 10
10
Dimii ama mɛɛtai Nowee ŋa
1Faajii nyaanzei amai Nowee ŋa wee, Sɛmu do Kamu do Zafɛti. Si anyii inyi nlau aŋa mɔ à na à bí amu ŋa.
2Irii amai Zafɛti ŋa wee. Gomɛɛ do Magɔgu do Madai do Yavãa do Tubali do Mesɛki do Tirasi. 3Irii amai Gomɛɛ ŋa mɔ wee. Asikenazi do Rifatu do Togaama. 4Irii amai Yavãa ŋa mɔ wee. Elisa do Taasi do Kitimu do Dodanimu. 5Amai Yavãa ŋai aa na a jɛ dimii inɛ ŋa iyi à wa gũngũm ŋa do ilɛ ŋa iyi à wa kɔkɔi tenku, inɛ fei do feeɛ ikã ikã, do si ilɛ nŋa ŋa ikã ikã, do si nyaanze nŋa ŋa ikã ikã, do si dimi nŋa ŋa ikã ikã.
6Irii amai Kamu ŋa mɔ wee. Etiopi do Ezibiti do Puti do Kanaã. 7Irii amai Kusi ŋa mɔ wee. Seba do Havila do Sabata do Rama do Sabitɛka. Irii amai Rama ŋa wee. Seba do Dedãa.
8Kusii í nyi í bí Nimirodu má. Nimirodu nŋui í tako í jɛ ilu wɔɔkɔ woo ja igũ sinte si andunya. 9Tobi nla nlai wa jɛ bi Aɔ̃ Lafɛ̃ɛ. Ŋɔi í jɔ̀ baa nnyi inɛ ŋa à ya ni, awɔ tobi nla nlai bi Aɔ̃ Lafɛ̃ɛ bɛi Nimirodu. 10Si ilui Babɛlii í sinti bommaɛ ku jɛ, do si ilui Erɛki do Akadi do Kaline, si ilɛi Sineaa. 11Hai ilɛu bɛi í fita í bɔ ilɛi Asiri. Nɔ í ma ilui Ninivu do Rehobɔti do Kalaki. 12Nɔ í ma ilui Rezɛ̃ɛ ilu nla iyi í wa si afei Ninivu do Kalaki. 13Nɔ Ezibiti nŋui í jɛ balai inɛi Ludi ŋa do inɛi Anami ŋa do inɛi Lehabi ŋa do inɛi Nafitu ŋa 14do inɛi Patuusi ŋa do inɛi Kasilu ŋa do inɛi Kafitɔɔ ŋa. Ilɛ tengi bii inɛi Kasilu ŋa à koo à bubau, dimii inɛi Filisi ŋai à tako à wa bɛ wo.
15Kanaã mɔi í bí Sidɔ̃ɔ. Nŋui í jɛ ama sinteɛ. Si anyiɛ nɔ í bí Hɛti. 16Nɔ Kanaãui í jɛ balai inɛi Zebusi ŋa do inɛi Amɔre ŋa do inɛi Girigasi ŋa 17do inɛi Hɛvi ŋa do inɛi Aaki ŋa do inɛi Sini ŋa 18do inɛi Aavadi ŋa do inɛi Semaa ŋa do inɛi Amati ŋa. Si anyii nŋu, dimii inɛi Kanaã ŋa à waa fangaa. 19Ilɛi ide nŋai í sinti hai Sidɔ̃ɔ ku bɔ ikpa Geraa hee ku bɔ Gaza do ikpa Sodomu do Gomɔɔ, do hai Adima do Seboimu hee ku bɔ Lesa. 20Yaasei tɔkui Kamu ŋa mbɛ, inɛ fei do nyaanzeɛ, do feeɛ ikã ikã, do si ilɛ nŋa ŋa ikã ikã, do si dimi nŋa ŋa ikã ikã.
21Nɔ Sɛmu igbãi Zafɛti mɔ í bí amu ŋa. Nŋui í jɛ balai inɛi Ebɛɛ ŋa fei. 22Irii amai Sɛmu ŋa mɔ wee. Elamu do Asiri do Aapakisadi do Ludi do Aramu. 23Irii amai Aramu ŋa mɔ wee. Usi do Huli do Getɛɛ do Masi. 24Aapakisadi mɔi í jɛ baai Selaki. Nɔ Selaki mɔ í jɛ baai Ebɛɛ. 25Nɔ Ebɛɛ mɔ í bí ama minji. Ama sinteui à ya kpe Pelɛgi. Yaasei iriui í jɛ ikpɛ̃, si na iyi í jɔ̀ si waatiɛi inɛi andunya ŋa à kpɛ̃ ilɛu. Nɔ à waa kpe ifɔu mɔ Yokitãa. 26Yokitãa mɔ í bí Alimodadi do Selɛfi do Hasamavɛti do Yera 27do Hadorami do Uzali do Dikila 28do Obali do Abimaɛli do Seba 29do Ɔfii do Havila do Yobabu. Inɛ nŋu ŋau bɛ fei amai Yokitãa ŋau mbɛ. 30À wa si afei Mesa do iri kuta nlai Sefaa ŋa ikpa nunui daakɔ. 31Yaasei amai Sɛmu ŋa mbɛ, si nyaanze nŋa ŋa do fee nŋa ŋa ikã ikã, do si ilɛ nŋa ŋa ikã ikã, do si dimi nŋa ŋa ikã ikã. 32Yaasei tɔkui Nowee ŋau mbɛ, si nyaanze nŋa ŋa do dimi nŋa ŋa ikã ikã. Si anyii inyi nlau, hai si dimi nŋai amanɛ ŋa à fangaa si andunya bii fei.
Currently Selected:
Kusintii Andunya 10: MKL
Označeno
Share
Copy
Want to have your highlights saved across all your devices? Sign up or sign in
2021, SIM International et UEEB