Popular Bible Verses from Luka 9

Deli

Dok owaco bot dano ducu ni, “Ka dano mo mito lubo kora, myero okwoŋ kwerre kekene, otiŋ yatariyane nino ducu, ci olub ki kora.

Pien dano ma mito laro kwone, birwenyone arwenya, ento dano ma rwenyo kwone pira, bilaro kwone.

Yecu owacce ni, “Pe tye dano mo ma mako kweri dyaŋ, ka dok neno ŋeye, ma biromo bedo i ker pa Lubaŋa.”

Pien konyo dano ma olimo lobo ducu ki gin aŋo kun kwone rwennye woko, nyo balle?

Dano ma lewic make pira ki pi lokka, Wod pa dano bene lewic bimake i kome, i kare ma en bidwogo i deyone ki deyo pa Lubaŋa Won kacel ki pa lumalaika maleŋ.

Yecu odokke iye ni, “Too tye ki boro, winyo me polo tye ki odigi, ento Wod pa dano pe tye ki ka ma myero epyel iye wiye.”

owaco botgi ni, “Dano ducu ma jolo latin man i nyiŋa, noŋo ojolo an, dano ducu ma jolo an, noŋo ojolo ŋat ma oora; pien ŋat matidi twatwal i kinwu ducu en aye ŋat madit.”