Popular Bible Verses from Luka 8

Deli

Gin ma i ŋom maber, gin aye jo ma ka guwinyo lok, ci gimako matek ki cwiny ma genne ki maber, ginyak nyiggi kun gidiyo cwinygi.

Gin ma okir i kin okuto, gin aye jo ma winyo, ento ka kare okato, ci tam mapol, ki lim, ki yomcwiny me kwo man diyogi, nyiggi pe cek maber.

Gin ma i kom pata aye jo ma winyo, ci gigamo lok ki yomcwiny; ento pe gitye ki cwitgi, giye pi Kare manok, ento i kare me omo cwiny gipoto woko.

Openyogi ni, “Niyewu tye kwene?” Lworo omakogi, guuro kun gupennye kekengi ni, “Man aŋa kono kaa, ma ciko yamo ki pii, ci giwinye-ni?”

Gin ma i ŋet yo gin aye jo ma winyo; lacen Catan bino, kwanyo lok ki i cwinygi woko, wek pe guye, pe gularre.

Pien pe tye gin mo ma gikano ma pe binen ka maleŋ, dok pe tye gin mo ma giumo ma pe gibiŋeyo, dok ma pe gibiyabo ka maleŋ.

Dako-nu oneno ni pe etwero kanne, ci obino kun kome myel, oryebbe i nyime, otito i nyim lwak ducu gin ma omiyo egude, ki kit ma ecaŋ kwede oyotoyot. Yecu owacce ni, “Nyara, niyeni ocaŋi; wot ki kuc.”

Guwoto, gucoye kun giwaco ni, “Ladit, wato woko do!” Yecu oco, ci ojuko yamo, ki pii ma onoŋo twagge; opye mot, ki nam oliŋ.