Popular Bible Verses from मरकुस 6

Deli

बठै भोत लोग आंता-जांता रेवा ईंखातर बां चेला नै रोटी खाण नै ईं सांस कोनी मिलतो ईंखातर यीसू बानै केयो थे मेरै सागै न्यारी जिग्यां में जा'गे थोड़ो आराम कर ल्यो।

यीसू बानै केयो, “परमेसर गी बात बताण आळै पर बिंगो गाम, रिस्तेदार अर बिंगै घर आळा कदी बिस्वास कोनी करै।”

जिंया यीसू किनारै पर पूग गे किस्ती ऊं उतरया तो बां लोगां गी एक मोटी भीड़ देखी। यीसू नै बिं भीड़ पर बड़ी दया आई क्यूंकै बे बिना गुआळियै गी भेड़ा बरगा लागै हा। ईंखातर बानै बे परमेसर गी बाता बताण लागग्या।

बठै बां कोई सामरथ गा काम कोनी करया क्यूंकै लोगां बां पर बिस्वास कोनी करयो। थोड़ै सै बीमार लोगां नै ठीक करया। यीसू हेरान हो'ग्या कै बांगै गाम आळा बां पर बिस्वास कोनी करयो। फेर यीसू परमेसर गो बचन सिखाणता होया गाम गाम में फिरता रेया।

यीसू पांच रोटी अर दो मछलियां लेगे अर आकास कानी कर'गे परमेसर गो धन्यावाद करयो अर रोटियां नै तोड़ गे लोगां नै परोसण खातर चेला नै देण लागग्या। अर बां लोगां नै बांट दी। जद सारा धापग्या तो चेला बचेड़ी रोटियां गी बारा टोकरियां भरली।