Popular Bible Verses from Johan 16

Share

Nie bu a geinu nouneu ngulieketuo la a nieko ki die hako pushü ho. Nieko kijü hau nu kemezhie zotuo. Derei thepfulie; a kijü hau ki kuoliete!”

Sirei ketho Ruopfüu vorkelie ki puo thuo nieko cha thapie ketho ükecü khe nu shülietuo; puoe puo thuo puo kele nu mha pu monyü puoe rünyükelieko pie putuocü la, mu puoe thiesie mhachü vorketuoko pupie nie kie zotuo.

Nieko tsie ketso a za nunu mhapuorei cha mo zoluo; nieko kenei bu tseilieketuo la chacie, siro nie ngulietuo.

Sirei a nieko ki dietho-u pu zotuo; a tuotakecü we nieko la kevi zo, kekreilamonyü a tuota moliro Thukepeluou nieko ki vorlie lho; derei a tuota liro, a puo ketsepie nieko ki shütuo. Mu puo vor ro puoe kijüu kephouma mu kemiatho siro kepejo dze tha toupie kieshütuo

Süsü tuoi nie rei tsie thenou suo ba; derei a nieko ze kengu latuo, süki nie nei phituo, mu miapuorei nieko geinu nie kenei süu chüsetalie lho. Sünhie, niekoe mhapuorei a ketso sa motatuo. A nieko ki pu toushütuo, nieko Puou ki a za nunu mhakehoupuorei cha ro, Puoe süu khapie nie tsütuo.

A nieko ki pu toushütuo, niekoe kra mu thekrü chütuo, derei kijüue puo neituo, niekoe nie nousuotuo, derei nieko nousuo rüdi la vo kenei chütatuo.