Priljubljene svetopisemske vrstice iz Luke 8

Deli

“But that iʼ the gude grun are they wha, in an honest and leal heart, hear the word and grip it fast; and, tholin aʼ, bring their frute to perfeteness.

“And thir that fell amang the thorns, are they that hear; and as they gang on their way, are smoorʼd wiʼ cark and care, and the gear and the joys oʼ this life, and bring nae frute to the ripenin.

“And thir on the rock are they wha, whan they hear, wiʼ joy welcome the word; but they hae nae rute — wha believe for a wee, and in time oʼ trial faʼ away.

And he said to them, “Whaur is yere faith?” But, struck wiʼ dreid, they ferlied, sayin ane to anither, “Whatna man is this, that he orders the winʼs and watirs, and they obey him?”

“And they by the fit‐road are they wha hear; than comes Sautan, and cleeks awa the word frae their heart, least, believin, they soud be saved.

“For thar is nae secret but sal be unfauldit; nor onything hidlins that sanna be kent.

And the wumman, seein she hadna escapit kennin, cam trimlin; and loutin doon afore him, tellʼt afore aʼ the folk for why she had touched him, and hoo she was healed at ance. And he said to her, “Dochter, yere faith has made ye hale; gang yere ways in peace!”

And they cam till him, and waukenʼd him, sayin, “Maister! Maister! we perish!” And he raise, and challenged the winʼ and the raginʼ oʼ the watir; and they war lown, and it becam a calm.