Priljubljene svetopisemske vrstice iz John 1

Deli

But as mony as took him to them, to them gied he richt to be Godʼs bairns, eʼen to them wha lippen to him.

At the first oʼ aʼ things was The Word, and The Word was wiʼ God, and The Word was God his sel.

And the licht glintit throwe the mirk! but the mirk failed to tak haud oʼt.

And the Word becam flesh, and forgatherʼt wiʼ us, (and we eʼen saw his glorie, as oʼ the only begotten oʼ the Faither!) fuʼ oʼ tenderness and truth.

Aʼ things war oʼ his makin; and but for him was naething made that was made ava. Life was in him: and the life was manʼs licht.

On the morn, John saw Jesus comin till him, and he coudna help sayin, “See Godʼs Lamb, wha taks awa the warldʼs sin!

And he was here in this warld, and the warld was oʼ his makin, and the warld kent‐him‐na. He cam till his ain haddin, and his ain folk war fremd to him.

Eʼen the true Licht, beamin for ilka man that comes intil the warld.

“For Moses gied the Law; but tenderness and truth war brocht to us by Jesus Christ.