Popular Bible Verses from LUKAS 21

Share

Seruh keh jian-jian ngan ngelayau sebayang, dokoo' keh omok gahang ngan omok ngeretep, dokoo' keh omok nekedéng tong jumen Anak Kelunan hun Néh tuai kepéh, ha' Yésus ngan réh.

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

Jian keh ngereken kenin keh, boh keh omok alaa' urip pelinguh, ha' Néh.

Uban tovoo' réh ngamit keh da', adang Ké' pu'un mena' pengejam Ké' ngan keh ke' néh nolong keh pané, pah avéé' irah éh maneu' keh nah, bé' omok ngelawan ngan bé' omok bet ha' keh kepéh da', ha' Néh.

Langit ngan tana' juk salai béé, bang kekat ha' tebaraa' ké', adang néh pu'un petem kenat mu'un, ha' Yésus nah.

Ka' ha' Yésus kepéh, Tai pengega' tana' pu'un kuraa'-kuraa' telana' éh tong maten dau ngan tong laséh, kenat péh tong kenyuhai, kenat péh éh tong tana', pah avéé' kuraa'-kuraa' arong kelunan besau kenin ngan medai mu'un-mu'un menéng barei' ha' savéé' baa' éh pejek atong. Pu'un kelunan pelapah tayen medai uban réh seruh tong kekat éh juk avéé' tong tana', uban maten dau ngan laséh ngan kenyuhai ngan kekat inah béé, pu'un piso jin retek néh bu'un. La'o inah Anak Kelunan pu'un avéé' lah lem jah avun ngan kekat penyukat ngan pengejian Néh kepéh.

Adang kekat kelunan pu'un leko mu'un-mu'un tong keh. Irah pu'un maneu' keh kenat uban pengelan keh tong Akeu'

La'ah tovoo' inah pu'un tegen tana' éh ja'au mu'un, ngan pu'un la'au' éh ja'au mu'un kepéh, ngan pinaa' arong kesakit éh ja'au, ngan pinaa' arong éh pu'un ngedai kenin kelunan, kenat péh tong langit péh pinaa' arong-arong éh tejeu' ta'an réh éh omok telana' ngan réh, ha' Néh.

La'ah hun keh menéng rengah kelunan pekayau, ngan rengah kelunan pesakat ngan maneu' irah éh pohoo' nah ke', jian keh nesen, adang kekat éh inah avéé' tenah, bang bé' jak éh inah éh ga' néh, ha' Néh. Ha' Néh kepéh, Adang jah arong kelunan juk betéé' tai ngayau jah arong kelunan kepéh, ngan irah éh pu'un lem nihau jah peritah, juk tai pekayau ngan irah éh lem nihau peritah éh jah kepéh.

Ka' ha' Yésus kepéh, Tai pengega' tana' pu'un kuraa'-kuraa' telana' éh tong maten dau ngan tong laséh, kenat péh tong kenyuhai, kenat péh éh tong tana', pah avéé' kuraa'-kuraa' arong kelunan besau kenin ngan medai mu'un-mu'un menéng barei' ha' savéé' baa' éh pejek atong. Pu'un kelunan pelapah tayen medai uban réh seruh tong kekat éh juk avéé' tong tana', uban maten dau ngan laséh ngan kenyuhai ngan kekat inah béé, pu'un piso jin retek néh bu'un.

Ha' Néh kepéh, Adang jah arong kelunan juk betéé' tai ngayau jah arong kelunan kepéh, ngan irah éh pu'un lem nihau jah peritah, juk tai pekayau ngan irah éh lem nihau peritah éh jah kepéh.

Ka' ha' Yésus kepéh, Jian keh seruh jian-jian dai kelunan petawang keh, uban pinaa' kelunan éh pu'un tuai dalem ngaran Ké' éh bara' ka', Akeu' néh Tuhan, ngan ka' ha' réh kepéh, Jaka' néh lepah avéé', ha' réh. Bang hun réh pu'un pané kenat, mai keh kivu réh.