Marako 16
16
1Kandi Sabiti obuyabuga erilabaho, Malyamu Magadalene na Malyamu nyinya Yakobo, na Salome, mubawula ebiribeha, base, bamuhakabaye. 2Kandi omu nkyakya hakero ekyeritanga omu bero erinda, mubasa ha sinda, eryuba eryalwireho. 3Babya ebanemubwerana ibabene ambu Nendi akanditukumbagalya eribwe, eririlusya ha buno bwe sinda? 4kandi obubabana mubabana eribwe eryakumbagerwe ha musike: baitu lyabya liri linene kutsebu. 5Mubingera omu sinda, mubabana omutabana enyanekere ha musike owokuli, enyambete oruwoye orukahenaya; mubasweka, 6Mwababwera atya Simusweke: mukasondaya Yesu, Omunyanazalesi, ayabambawa ha musalaba: Asubire: syali hano; Lankera, omwanya ahabamuyira. 7Baitu mugende mutulirewo abasomesebwawa biwe na Petero ambu Akabebembera erigenda Galiraya: neho mukandisyamubanera, nkokuyababwera. 8Mubahuluka, mubatebeta esinda; baitu eritukumera nerisweka kwabawata: kandi mubatabwera omuntu owosye; baitu mubasaga.
9Kandi obuyasuba omu nkyakya ha kero ekyeritanga omu bero erinda, mwatanga eribanwa Malyamu Magadalene oyoyahigaho daimona erinda. 10Eyo mwagenda mwatulirawo abaikalaga hawuma nayo, babya ebakaganya, ebakalera. 11Kandi abo obubowa ambu akalire, kandi arolirwe oyu, mubatakirirya.
12Kandi hanyuma yebi mwakangibwa hali abatahi babo babiri omu kirimu ekindi, ababya ebanemugenda, bakaya omu miyi. 13Kandi abo mubagenda mubatulirawo abandi: nabo mubatakirirya.
14Kandi hanyuma mwakangibwa hali ikumi nomuwuma, ebanikere ha byalya; mwabahana obutakirirya bwabo, nerigumangana eryemitema yabo, eritindikirirya abo abamubana obuyabuga erisuba. 15Mwababwera atya Mugende omu bitaka ebyosye, mutulirewo enjiri abahangawa abosye. 16Oyokakiriraya amabatizibwa neyo akandisyatsunwa; baitu oyotakiriraya omusango akandisyamusinga. 17Kandi obwerilangerirako buno bukandisyagenda nabo abakandisyikirirya: omu lina lyage nemo bakandisyahiga daimona; bakandisyabuga omu mibuge emihya; 18bakandisyawata entsoka, kandi bakandisyabya bakanywa ekikita ekyosye, sikindisyabalwalya neriwuma; bakandisyayirako amaboko abo ha balwere, nabo bakandisyalama.
19Kandi Mukama Yesu obwabuga eribuga nabo, mwatwalwa erigenda omu lubula mwikala ha kuboko okwokuli okwa Nyamuhanga. 20Nabo mubahuluka mubatulirawo hosye hosye, Mukama akakola hawuma nabo, mwawumya ekinywa omu birilangererako ebyakwameraga. Amina.
Aktuálne označené:
Marako 16: KOO1914
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1914.
