Genèse 46
46
Jacob a dè a kokwar Egypte
1A Israel a nslambaɗa, a skwi nengaʼa tèlèba. Aman a mshkè Beer-Shéba, a nzla na skwi a Zhiklè Isaac, bab na. 2A Zhiklè a mshkè na gèd a Israel te nshunè a vaɗ, a ngaɗa na: Jacob! Jacob! A nengaʼa a mʼmbeɗa na a ma: Iyè anai! — 3I Zhiklè, Zhiklè bab ngaya! Ka gu zlau ɓai, aman ka dè a kokwar Egypte. I woy a i ga ka a ndohi mbiaʼa a te pa. 4I ba i dè a ma ngaya a kokwar Egypte, a i da mendeka ka a deɓa. A ka da metsi a ndav Joseph te pa.
5A Jacob a nslambaɗa te Beer-Shéba; a wudahi Israel ta feda Jacob, bab ta, a kikai man Pharaon a nzlinda ta, a wudahi a ngwozi a ta de ta. 6A ta hul skwi kuɗom ta, a skwi ta tèlèba man ta ngots te kokwar Canaan, a ta shkè a kokwar Egypte aranta, Jacob a ndohi verzi nengaʼa tèlèba. 7Wudahi na a wud wuda na, dalahi a wud dala na, a ndohi verzi nengaʼa tèlèba, a nhelka ta a verzai, a kokwar Egypte.
8Na haha nzlembaɗ wudahi Israel, man to do a kokwar Egypte: Jacob a wudahi na. Tsuvom Jacob: Ruben. 9Wudahi Ruben: Hénoc, Pallu, Hetsron a Carmi. 10Wudahi Siméon: Jemuel, Jamin, Ohad, Jakin a Tsochar. A Saul, kra ngwoz Canaan. 11Wudahi Lévi: Guershon, Kehath a Merari. 12Wudahi Juda: Er, Onan, Shéla, Perets a Zérach; aman Er a Onan ta mets ta te kokwar Canaan. Wudahi Perets: Hetsron a Hamul. 13Wudahi Issacar: Thola, Puva, Job a Shimron. 14Wudahi Zabulon: Séred, Elon a Yahleel. 15Na haha wudahi man Léa a nya na Jacob te Paddan-Aram, a Dina, dem na. Wudahi na a dalahi na ta gi tèlèba 33.
16Wudahi Gad: Tsiphjon, Haggi, Shuni, Etsbon, Eri, Arodi a Aréeli. 17Wudahi Asser: Jimna, Jishva, Jishvi a Beria, a Sérach, demam ta. A wudahi Beria: Héber a Malkiel. 18Na haha wudahi Silpa, man Laban a va na Léa, dem na, a nengaʼa a nya na Jacob: Tèlèba, a gi ndohi 16.
19Wudahi Rachel, ngwoz Jacob: Joseph a Benjamin. 20Joseph a nyu Ma-nassé a Ephraim, man Asnath, dem Poti-Phéra, ndo ncèsl skwi te On, a nya na te kokwar Egypte. 21Wudahi Benjamin: Béla, Béker, Ashbel, Guéra, Naaman, Eghi, Rosh, Muppim, Huppim a Ard. 22Na haha wudahi Rachel, man a ya na Jacob. A gi tèlèba ndohi 14.
23Kra Dan: Hushim. 24Wudahi Nephthali: Jathtseel, Guni, Jetser a Shillem. 25Wudahi Bilha, man Laban a va na Rachel, dem na, a nengaʼa a nya na Jacob. A gi tèlèba ndohi 7.
26Ndohi tèlèba man ta shkè a kokwar Egypte a verzi Jacob, man ndohi verzi nengaʼa, a gi tèlè 66, ngwozi wudahi Jacob ta te va bai. 27A wudahi Joseph cèw, man a yau te kokwar Egypte. A ndohi ngwi Jacob tèlèba, man ta shkè a kokwar Egypte, ta gi 70.
Joseph a cè bab na
28A Jacob a nzlündo Juda a ma nengaʼa, a sam Joseph, da gaɗa na, aman a shkè a kokwar Gosen. 29A Joseph a mʼmanda kiki a verzi plèsh, a ndo Gosen, aman ta zli gèɗ a bab na. Aman a nrkaʼa, a nkelawa na ri a daʼai, a kuɗi a pa nʼnzi a zhè. 30A Israel a ngaɗa na Joseph: Ko i metsi ga antanta, ambahay genè, aman i rka di ngaya, a i ngats ka a nshèffè. 31A Joseph a ngaɗa ta kramamhi nengaʼa, a ndohi gi bab nengaʼa: I woy a i dè a i da ngra na Pharaon, a i da gaɗa na: Kramamhi ga a ndohi gi bab ga, man ta nza te kokwar Canaan, ta shkè a sam ga. 32Tengaʼa ndohi nwèr skwihi te dak, aman ta wèr skwi te dak, a ta hulkoɗi tambakihai a zlèhai a skwi ta tèlèba a rai. 33Aman Pharaon a da baha kinè, a dzaɗ kinè: Mizlinè kinè mè? Kin da gaɗa na: Ɓèlèlihi ngaya ta wèr skwi te dak, daga kra, ha patsna, nga lèmèlèmè ara babhi nga, a kin ngècè civèɗ a kin nzi a kokwar Gosen. Aman ndohi nwèr skwi te dak, tèlèba, ta ndara ta ndohi Egypte.
Aktuálne označené:
Genèse 46: MOF89
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Alliance Biblique du Cameroun 1989