Genèse 41
41
Nshunè Pharaon
1Te deɓ mvi cèw nshunè a nkeɗe Pharaon: a nzlatsa a ma woyam Nil, 2a nrka zlèhi ngraʼa ndaslndaslaslaʼa 7 ta shkè auda te iyam, a ta ndi mandai. 3Te deɓ tengaʼa, zlèhi 7 ngiɗè ta shkè auda te iyam, ta gwora hanza-keɗkeɗaʼa, a ta dè a tsagi zlèhi ngraʼa a ma woyam. 4A zlèhi ngworaʼaʼta ndeda zlèhi ngraʼa ndaslndaslaslaʼa 7 a ma. A Pharaon a mpiɗèkwud na. 5Te deɓaʼa a nzhun zaʼa, a nshunè a nkeɗa zaʼa: a nrka gèɗ dau 7 ta shkè auda te gada dau staɗ, ta sia ngolalaʼa. 6Te deɓ tengaʼa gèɗ dau ngiɗè 7, shèkètèr, tser te di staɗ staɗ, ta shkè auda, man kozlar a ntseda na gèɗ a mbazla na diaʼa. 7A shèkètèr dau matsa ta ndeda gèɗ dau nsla ngolalaʼa a ma. Pharaon a mpiɗèkwud na, a suna, nshunè a nkeɗaʼa.
8A prèk a gshè gèɗ. A nzlündo a sam ndohi maya a ndohi kilèa te kokwar Egypte tèlèba, a nʼngra ta nshunè nengaʼa; ndo azbai man a slaha a nʼngra na verzi nshunè nengaʼa. 9A ndo ngsa na zom mbiaʼa a ngaɗa na Pharaon: Mali ga te va nasa a hakay a gèɗ a patsna. 10A pats man Pharaon a ngu ndav a géɗ ɓèlèlihi nengaʼa, a mpe ta a dangai a gi bi sojè, nga a ndo nti ɗaf mbiaʼa. 11A vaɗ ngiɗè, nshunè a nkeɗ nga a vna, nshunè nga tsaɗ tsaɗ. 12A gol Hébreu a zhè a sam nga, ɓèl bi sojè, a nga ngra na nshunè nga a nengaʼa; a nengaʼa a ngra nga verzi nshunè nga, ngiɗè a géɗ na, ngiɗè a géɗ na. 13Ara man a ngra nga, a ngu te deɓaʼa arsa. Iyè, ta viyè a deɓa a sam mizlinè ga, a nengaʼa ta manda a wof.
14A Pharaon a nzlündo ndo, da baha na Joseph. A ta prekoɗauda tsam-tsam te gi dangai. Nengaʼa a nsha gèɗ, a mfeda maslaka ngiɗè a va, a ndo a sam Pharaon. 15A Pharaon a ngaɗa na Joseph: Nshunè a nkeɗyè, ndo ngiɗè a slaha a ngreday verziaʼa ɓai, ko staɗ. A i tsena, aman ndo a ngra ka nshunè nengaʼa, ka slaha ka ngredè verzi nengaʼa. 16A Joseph a mʼmbeɗa na a ma Pharaon: I ka ɓai, aman Bi Zhiklè a da ngra na Pharaon ma man amba. 17A Pharaon a ngaɗa na Joseph: Nshunè a nkeɗyè: i zlatsa a ma woyam Nil, 18a zlèhi ngraʼa ndaslndaslaslaʼa 7 ta shkè auda te iyam, a ta ndi mandai. 19Te deɓ tengaʼa zlèhi ngiɗè 7 ta shkè, ta gwora hanzakeɗkeɗaʼa. Te kokwar Egypte tèlèba i rka zlèhi hanzakeɗkeɗaʼa ambaɓihiaʼa arsa ɓai. 20A zlèhi ngworaʼa hanzakeɗkeɗaʼa 7 sa, ta ndeda zlèhi ngraʼa nshèlèkurhiaʼà a ma. 21Aman ta nde ta ma, ta gwora genè, ara man ta nda skwa ɓai. A i piɗèkwe ga. 22Te deɓaʼa nshunè a nkeɗyè zaʼa: gèɗ dau 7 ta shkè auda te gada staɗ, nsla ngolalaʼa. 23Te deɓ tengaʼa gèɗ dau 7 ngiɗè, shèkètèr a tser te di staɗ staɗ, man kozlar a ntseda na gèɗ, a mbazla na diaʼa, 24a shèkètèr dau ta ndeda gèɗ dau 7 mbelaʼa a ma. I ngra ta ndohi maya arsa, aman ta slaha ta ngray verziaʼa ɓai, ko staɗ.
25A Joseph a ngaɗa na Pharaon: Nshunè Pharaon, cèw haha, nara skwi staɗ. Zhiklè a ngra na Pharaon skwi man a woya a nda giaʼa. 26Zlèhi ngraʼa 7, a gèɗ dau mbelaʼa, nara mvi 7. Nshunè, na staɗgenè. 27Zlèhi ngworaʼa hanzakeɗkeɗaʼa 7, man ts shkè auda te iyam, te deɓ tengaʼa, nara mvi 7. Shèkètèr dau, man tser te pa staɗ staɗ, man kozlar a tseda na gèɗ a mbazla na diaʼa, nara mvi 7, man mi a gai. 28Nasa skwi man i gaɗa na Pharaon. Zhiklè a ngra na Pharaon skwi man a woya a nda giaʼa. 29Na haha, mvi 7 ta da shkè, skwi nʼndi a zhè te kokwar Egypte, a ndev ɓai. 30Te deɓ tengaʼa, mi a gi mvi 7. A skwi nʼndi matsa man a ndev ɓi te kokwar Egypte, mpca ta a gèɗ. Mi a gi a herkeda a vata, a ta tiɗ ta, 31a ta hér skwi nʼndi man ta ngots kumba sa asaɓai, a géɗ mi mbiaʼa man a shkè te deɓa. Aman mi mbiaʼa holholaʼa. 32Aman nshunè a nkeɗa Pharaon sak cèw, a skwi man Zhiklè a nhur te ndav, a gi a vava, a gia ndul ndul. 33Anai Pharaon da woy ndo mwoslaʼa, man maya na zhè, aman a gi a ndo mbiaʼa te kokwar Egypte. 34Pharaon da gu maya, a fi ndohi ntakaha a kokwar tèlèba, a ta cèkèlè dau a gi gi tèlè, agoda staɗ te va zlam, tʼhwaɗ mvi 7, man skwi nʼndi a zhè a vata. 35Ta da ɓicè dau, a mvi man amba man a shkè, a ta ngheda a wov man a Pharaon. A ta hulko dau a kokwar mbiaʼa, a ta ɓiceda pa. 36A dau a gi a skwi man ta da ngheda a hai, tʼhwaɗ mvi 7, man mi a keɗa kokwar Egypte tèlèba, a ndohi kokwar ta da tiɗ ta a mi azɓai.
37Ma haha ambaha Pharaon a ndohi mizlinè nengaʼa tèlèba.
Joseph ndo mɓer kokwar Egypte
38A Pharaon a ngaɗa ta ndohi mizlinè nengaʼa: Nga da ngècè ndo man Mèzhèɓ Zhiklè te ndav na, ara ndo haha tema? 39A Pharaon a ngaɗa na Joseph: Aman Zhiklè a ngra ka ar haha, ndo man mwosla kumba ara ngaya, man maya na zhè ara ngaya, nʼazɓai. 40Sèi ka ɓer gi ga, a ndohi ga tèlèba, sèi ta fi gèɗ a ma ngaya. Sèi sam nʼnzi bai man i fen ka a vna. 41A Pharaon a ngaɗa na Joseph: Na haha, i va ka kokwar Egypte tèlèba a rai. 42A Pharaon a ncko tèslri auda te ri na, a mva na a ri a Joseph, a mva na maslaka bata a va, a skwi daʼai guro. 43A ta shèwèldèʼa a kiki bi macecèwaʼa, a ta boho a ma nengaʼa: Va-nzalaʼa! A ta gaʼa a ndo mɓer kokwar Egypte aranta.
44A Pharaon a ngaɗa na Joseph: I Pharaon; aman ndo te kokwar a gidè va azɓai, ko keshkata, man ka woya ɓai. 45A Pharaon a mbaha na Joseph, Tsaphnath-Paenéach. A mva na Asnath, dem Poti-Phéra, ndo ncèsl skwai te On, a ngwoz. A Joseph a ngu a ndo mɓer kokwar Egypte tèlèba. 46Mvi Joseph 30, aman a nzlatsa a sam Pharaon, bi Egypte. Aman a nslambaɗa te gi Pharaon, a shèwèlè te Egypte tèlèba.
47Mvi 7, herkeda a nftsko dau a ndev ɓai, a vata ba. 48A nengaʼa a mɓica dau tʼhwaɗ mvi 7, man dau a ndev ɓai te kokwar Egypte, a nɗaʼa a kokwar mbiaʼa. A kokwar mbiaʼa staɗ staɗ tèlèba, dau a shkè te tsagi kokwar. 49A Joseph a nʼngheda dau a vata ba, ara wyak te woyam, a livè azɓai.
Wudahi Joseph
50Joseph a nyu wudahi cèw, ga mi a mshkè, man Asnath, dem Poti-Phéra, ndo ncèsl skwai te On, a nya na. 51Joseph a mbaha na tsuvomaʼa Manassé, a ngaɗa: Zhiklè a ngu aman matakwan te gi bab ga tèlèba mpcèy a gèɗ. 52Mbegéɗèʼa a mbaha na Ephraim, a ngaɗa: Zhiklè a mvay wuda te kokwar man i lèyè te pa. 53Aman mvi 7 man skwi nʼndi a ndev azbai, te kokwar Egypte, klèng ma, 54a hinè mvi 7 man mi a gai, ara man Joseph a ngreda na Pharaon. A mi mbiaʼa a ngau a herkeda tèlèba. Aman te kokwar Egypte, skwi nʼndi a zhè. 55Aman ndohi Egypte ta tiɗè a mai, ndohi ta kuɗai a sam Pharaon, a ta woy skwi nʼndai. Pharaon a ngaɗa ta ndohi Egypte tèlèba: Vo-do a sam Joseph! Skwi man a da gada kinè, va-gau! 56A mi a gi tʼherkeda tèlèba. A Joseph a mwinè wov, a mpra ta dau a ndohi Egypte. A mi a gi holholaʼa te kokwar Egypte. 57A ndohi ta shkè te man a verzi gai tèlèba, a kokwar Egypte, a sam Joseph, aman ta shum dau; aman mi a gi a herkeda a vata.
Aktuálne označené:
Genèse 41: MOF89
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Alliance Biblique du Cameroun 1989