लुका लुकान बारामां
लुकान बारामां
लुकान साहरे लिखायली खुस-खबर नवला नेमेन चार किताप मां सी एक छे। ज्य ईसु मसीन जीवणेन बारामां बताड़े। हींद्रे मां सी एक-एक काजे खुस-खबर कहें जेरो मतलब छे वारलु खबर चे मत्ती, मरकुस, लुकु, ने युहन्नान साहरे ईसुन मरनेन पछे लिखाय गुयली, लुकु ईसुन जीवणेन काहनी अतरुत नी लिख्यु, बाकुन चे ईसुन चेलान साहरे हेरे मरनेन ने मरला मां सी पछु जीवतु हवणेन पछे हवला, कामे काजे लिखे, ज्य की नेवताळान कामेन कितापेन अनसारे उळखाण छे। कुय बी सय टेम नी जाणे की लुकान साहरे लिखायली खुस-खबर कत्यार ने काहा लिखायली, बाकुन बेसका भंन्ला हीनी वात सी राजी छे, की ज्य अनुमान ईसु मसीन पयदा हवणेन सत्तर साल बात लिखाय गुयलो छे।
लिखणे वाळु लुकु छे, ज्य एक डाक्टर हतलु। बुली काजे लिखणे ने काम मां लावणेन सी हेरा तरीका सी पतु चाले की, चु एक भंन्लु माणुस हतलु लुकु ईसुन जीवणेन सय ने साप लिखणे चाहतेलु तीनी घटना काजे हेरे तरीका सी बताड़े, काहाकी दीसरा काजे ईनाक भन्ने सी फायदु हवे। 1:1-3 चु यहुदी नी हतलु कुलुसी 4:10-14 ने हयु ईना तरीका सी लिख्यु की नी-यहुदी माणसे समजी जाय। ईनी रीती सी साप रुप सी मालम पड़लो छे जत्यार चो यहुदी रीती-भातीन साप रीती सी बताड़े। 1:8
लुकान साहरे लिखाय गुयली खुस-खबरेन मत्ती ने मरकुसेन कितापेन तसों छे, काहाकी चे एकुत तारान बारामां ने एक जसा तरीका सी बताड़े। तीन किताप मां सी लुकु बपतीस्मा आपणे वाळान पयदा हवणेन बारामां आखा सी जादास साप रीती सी कहें। लुकु बी माफीन वात करे, 3:3; 11:4; 17:3-4; 23:34; 24:47 ने दुवा 3:21; 5:16; 6:12; 11:1-12; 22:32 बारामां जुर देय।
बाहरती वात
1. लुकान खुस-खबर ने उळखाण ने लिखणेन वजे बताड़े। 1:1-4
2. युहन्ना बपतीस्मा आपणे वाळा ने ईसुन पयदा हवणेन बारामां बताड़्यु। 1:5—2:52
3. युहन्ना बपतीस्मा आपणे वाळान सेवा चाकरी। 3:1-20
4. ईसुन बपतीस्मा ने पारख। 3:21—4:13
5. गलील मां ईसु सेवा चाकरी कर्यु। 4:14—9:50
6. गलील जीलाम सी यरुसलेम मां ईसु सेवा चाकरी। 9:51—19:27
7. यरुसलेम मां ईसुन आकरी हाप्तु। 19:28—23:56
8. ईसुन मरनु, ने हड़वाया ने मरलाम सी पछो जीवतु हवणु। 24:1-53
Aktuálne označené:
लुका लुकान बारामां: NTBSP23
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
The New Testament in Bhilali Language ©The Word for the World International and Bhilali Bhasha Samiti, Warvani, (M.P.) 2023.