Ruti 1
1
Tha Elimeleke ma rokalu wane nia ki kera nofi fasia Ni Naomi
1Ilana fa thato ba ki una`a, simanga to'a ni soredoa, kera lio sulia imoleki, thaofa e baita e to'o ilana fanua, ma te'e wane i Betalehemu i Diuda, nia ma kuke`e nia ma rowela wane niaki, lae keka too kasi manga faekwe i la fanua nai Moaba.
2Nga wane eri thatana tha Elimeleke, Kwaina thatana ni Naome, ma rowela wane niaki thatanda, tha Maloni bia tha Kilioni. To'a i Efarathaetisi i Betalehemu i Diuda. Kera lae uria Moaba, ma keka too asi kula eri.
3Si manga eri, tha Elimeleke arai ni Naome, ka nofi, nia ka too bia rowela wane niaki. 4Keroa keka folia roo kini i Moaba, thata`da roa ni O'ba ma ni Ruti. Sui keka too sikula eri fulingana tafuli fangali. 5Tha Maloni ma tha Kilioni, keroa suibo'o keka nofi, ma ni Naome ka too tali fili nia e a'i na`a ta roo wela wane ma ta arai.
Ni Naome ma ni Ruti kera oli uria i Betalehemu
6Sui asi manga ni Naome e rongoa i Moaba, tha Iawe e fula ka kwai adomi ana fanga, ma fanga ka oro'o ifana imole niaki, nia bia roo kini fungoa nia, keka kwai thathai fana olila uria fanua nia.
7Naome bia roo kini fungoa nia, ni nia ka akwasia si kula na e totoo i ei ma ka oli sulia tala e lae uria fanua i Diuda.
8Sui ni Naome ka sorea isana roo kini fungao nia, "moro oli uria fera thainamaroaki. Tha Iawe kai fatania liothaua nia i famaroa, uria nga liothaua nani kamaroa moro fatania i fana arai kamaroa ki bia ni nau. 9Tha Iawe kai falea maamaaloa i famaroa ila toaa ta arai falu."
Sui niaka o'ori keroa ma keka angi, 10Mani keroa keka sorea isana ni Naome, <<Kamarea, meki oli bona'a bi oe isana imole oeki.>>
11Ma ni Naome ka sorea unaeri, <<"thari nauki, moki oli namaroa uria toaa kamoroa. E ai'i asia na'a tasi doo muki lae bi nau uria. Ni nau sakwa too ana ta wela wane lau, uria fasia keka foli kamaroa. 12Roo thari nauki, moki oli namoro`a ifanua; nau ku kuke'e liua na'a, kwasi tala'ana to'o wane la lau. Madasa ta manata ngadola, e le'a kwa to'o wane afarodo nai, makwa fa'afutaa ta roo wela wane. 13E tala'ana bana moki too ma'asia laalae keka dara? Kamaro'a moki too o'oru bamaro'a ma'asi keroa? E a'i neri, roo thari nau ki e 'afae i feku katalu kamaro'a, uria abana tha Iawe e su'u si nau!" >>
14Ana si manga eri, kera keka angi ofu lau. Sui ni Oba ka o'oria waifunga kini nia maka a'lulu ani nia sui ka oli bona'a, ma ni Ruti ka too bona'a bia ni Naome.
15Ni Naome ka sorea unaeri isana, <<"rikia fasi, thaulamu e oli na'a isana imole nia bia god nia. e tala'ana oki oli bamua bi nia.''>>
16Ni Ruti ka lu'u nia unaeri, "Osi arasi nau uria olila ma akwasi lamu la. I fei bana oki lae uria, nau kwai lae laubo'o bi oe, fei na oki too iei, nau kwai too laubo'o bi oe. Imole oeki, nga imole nau laubo'o, God oe, God nau laubo'o. 17Fei na oki nofi iei, kwai nofi keka alu nau lau boo iei. Alabatania tha Iawe kai soredo ana suli nau masa tasi do ni bana mae'a bana ka ukali koro". 18Si manga ni Naome e thaito'omana ni Ruti e thathamia kai lae bona'a bi nia, nia ka a'i si arasinia lau.
19Sui roo kini eki keka lae bona'a, laalae keka fula i Betalehemu. Si manga kera fula i Betalehemu, nga figua ilana fanua eri keka ubulu tai kero`a, ma kiniki sui keka sorea unaeri, <<"mani Naome ne`e madaa?">>
20Ni Naome ka lu'u kera ka sorea isada, "musi alanginau lau ana ni Naome, <<Muki alaginau na'a ana ni Mara, sulia nia na e sukwai ka tatha e thaungania marukia nau ka'afae asia na'a. 21Nau ku lae ilana laulau`ua, sui tha Iawe ka olitai nau mai ana thala la. Uria ta muka alaginau lau ana ni Naome? Tha Iawe e falea mai kwakwa'ea ifeku, Ni nia na e sukwai kaatatha e falea mai afeta`ia i feku.">>
22Sui ni Naome ka oli mai fasia i Moaba bia ni Ruti, kini i Moaba, kini fungaoa nia, keroa keka fula i Betalehemu si manga ana rafolana ma kasi lana bali e thafali.
Aktuálne označené:
Ruti 1: MLU-SB
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
© 2024, Islands Bible Ministries. All rights reserved.