Š. Matéu 3
3
Krie III.
1Nd’ató dit prana erθ Janje Tista te preδikárneje te éremi i Juδês,
2E tue θẽn: Metanóseni: pse u‐kjas rregjería e kjíelvet.
3Pse kî ešt aí, tše kje θẽn ka Isaía profeti tše θôje: Vudža e atîje tše θerrét te éremi: Dertoni uδen e Tinzoti: bẽni te drékjeta karrarat e tîje.
4Janji stessu prana kiš te véšuren e tîje kjime kameli, e nje bres ljekúrie te messi tîje: te ngrenit e tîje iš karkaljetse, e miáljte t’ eger.
5Aχíera víneje tek aí Džerusalemi, e gjiθ Juδéa, e gjiθ katundet prei Džurdanit;
6E išen te pakzúar te Džurdani ka aí, tue skomolissur ftesmet e tire.
7Pâr prana šûm nder Fariserat, e Saδukjerat, tše vijen te pakzimi tîje, i θa: Rratsima anapremteš, kuš ju buθtói t’ ikni ka kjerratía tše kat vĩ̂nje?
8Andái bẽni te bẽna peniténdzie.
9E mos te ju škônje ka kríet te θoni mbe vetχên: kemi tat Abramin. Pse ju θom se Inzót mund bẽnje ka kta gûr te daljen bilj Abrami.
10Po eδé topra ešt e vẽn te rrẽnjet e árvurvet. Andái nka arvur tše se bẽn frut te mîr, pritet, e štiχet nde ziárr.
11Ú ju pakzonje nd’ ûje per peniténdzie: aí tše vién pas meje, munden mé se ú, kui nẽng meritónje te kjélenje tsariχet: aí ju pakzón nde Špîrte šéit, e nde ziárre.
12Ljopata tîje ešt te dora tîje: e χjeθ ljemin e tîje, e mbiéθ krapúan e tîje te katokji, kašten prana e diék te ziárri pa‐šúam.
13Aχíera vién Džesúi ka Galiléa Džurdán te Janji, se t’ iš i pakzúar ka aí.
14Janji prana e largóneje, tue θẽn: Ú kam bezônje te jêm ka ti i pakzúar, e ti vién tek ú?
15Pergjegjur prana Džesúi, i θa: Ljem pre naní: pse keštú na nget te bẽ́njemi gjiθ te dréiten. Aχíera e lja.
16E pakzúar tše kje Džesúi, dúal mbiátu ka ujet. E njô ju‐χaptin kjíelt: e pâ Špirtin e Tinzoti tše kalarej si pelúmb, e tše víneje mbi até.
17E njô nje vûdže ka kjíelt tše θoi: Kî ešt biri im i dášuri mîr, tek ú vura zémeren time.
Aktuálne označené:
Š. Matéu 3: AAE1869
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Përktheu nga greqishtja 1869.
