Mataio 12
12
1Ou pani ai Kabati inu lare ai Iesu are rokoanave kawni aura anu kapea ai; uku Una aivara‐oro pei navai‐navaili’inave oro kawni uru awkenave, na’anave ane.
2Parisea a’a ou opara inamu‐oiaka’ane, oro erau voa kurunave, Akoi’i, Kabati lare enu vupu Ni aivara inakali’ina.
3U erau voa kuruenave, Davida anu opara eiai una pei navainavai pani ai noro oraiapeana, uku omo opara ane oro u kiripai pokoinave;
4U Eloi inu marea ikirinave, iaa pu na’anave ane, u una kaupu a’a ane, kurua pu iaa‐kei’inave uku omoro a’a‐oro e eiai?
5Ei voa ane noro oraiapeana vupu unu buka laru ai uku omoro a’a Kabati lare ai omoro marea laru ai oro Kabatilare enu vupu inakali’ina oro mua eria mi’ina?
6A Nai kurunaina, Ei marea laru ai monou pokoina U ei marea anu amua rokoakeina.
7Ei voa anu miki noro ipaliaka livilia, Umu Nai umuli’ina, epie pei peo, mua eria a’a‐oro noro mua‐eka?-?vape.
8Uku A’a anu Mere Kabati lare enu Amua rokoakeina.
9Ou mako mere U enavaka’ane omoro marea laru ai U ikirinave.
10Omoro marea laru ai eve ana a’a ipokoinave. Uku u aviane‐iai oro erau voa veve’enave, Opara anana ana a’a aukarikavai Kabati lare ai?
11U erau voa veve’einave, Nomo a’a koana u mamoe monou miane, kurua mamoe aroa arau ai ara’ane Kabati lare ai, u mamoe a’akiapeana, aroa mere lakiapeana?
12Mamoe a’a ipi’ipia ana? Opara ima liai Kabati lare ai opara anana keina.
13Eve ana a’a U erau voa awkinave, Ni eve oiokane. U eve oiokanave; una eve ana ima eve orau evere’eakei’inave.
14Parisea a’a‐oro elenave, oro voa ipinave oro a’ane‐iai.
15Iesu omo lai ipali’inave ane ou mako mere U elenave; a’a aila e’e’okanave, oro uriria U aukariekanave.
16U ekinave Una uru pa upurukiai.
17Uku Isaia laikorava a’a anu voa evere’eakeia’ane‐iai,
18Na aivara eire Nai ie’eane euna, Na naumuki ane Na imunu unu kopai. Na Avaea Nai awkuakana, Voa vevea U are‐opakava?-?kana lai unuku a’a‐oro eiai.
19Voa e kevakeva, voa araro, U kuruapea, Una voa viriakeiapea kanikara ai.
20Oiniakeia ui U vepea?-?pea kapoi, Lamepa wika iana limakina U nawmokiapea, Anea’anea opara anana awkoni‐awkava’ane.
21Una nawi lai unuku a’a‐oro araea‐araealiakana.
22Ou pani ai avaea‐lipi mia a’a U ai mi‐aneakei’inave, u inamu‐apua, voa momoa a’a kei’inave; Iesu aukarikanave, u voa kuruai, inamu‐oiai li’inave.
23A’a aruru uriria varua?-?anave, erau voa kurunave ane, Ei a’a Davida anu Mere ana?
24Parisea a’a ei voa viriaka’ane oro erau voa kurunave, I Belesubo avaea‐lipi inu amua ei vaki avaea‐lipi laeina.
25Omo lai Iesu ipali’inave, U erau voa kurunave ane, Eiei monou a’a‐oro apaki inu mani‐koravakeia’ane, ou eiei oavakeina; orau awku uku pai’iri a’a‐oro, marea a’a‐oro awku, oro apaki inu mani‐koravakeia’ane oro rokoakeiapea:
26Satani ane u Satani laoiane una eiei eka’amaoi?-?mau?
27Nai ane Nai i Belesubo avaea‐lipi laeiane, nomo ukua‐oro koama‐paieka’i avaea‐lipi laeiai? Oro nomo voa vevea a’a keiakana.
28I Eloi inu Avaea Nai avaea‐lipi laeiane, Eloi inu eiei noro ai ei‐anena.
29Ei voa ane, venea a’a anu marea a’a eka’ama‐ikiri’i, una aru avapuli’ina ane, u pinai venea a’a awkoni‐awkavape liane, neko mere ai una aru avapuli’ina.
30A’a pai’ikavape liane u Na mani a’a keina; a’a Nai kiripai roikiape liane u kaipuikaipui vaki keina.
31Ou uku eiai Nai kurunaina, Namea kavakava, mai‐voa ane, paue’awmia?-?keiakana a’a‐oro eiai; a mai‐voa Avaea Iaa eiai paue’awmiakeiapea.
32A’a kavakava mai‐voa kuruakana A’a anu Mere eiai, u paue’awmiakeia’ane: a a’a kavakava mai‐voa kuruna Avaea Iaa eiai, ei pani va’au ai, aneliviai anelia pani va’au ai ane, kurua mai‐voa paue’awmiakeiapea.
33Noro evere’eane iri ima keina, evere’ene iri inu uru awku imakeina; noro evere’eane iri ivavekeina, evere’ene iri inu uru awku ivavekeina: uku iri inu uru iri ipaliakeina.
34Kaika ukua e, noro lai lipi a’a e, noro voa ima eka’amakuru’i uku umu unu evereverea mere ane voa kuruna.
35Ima a’a una umu unu awku ima mere ima awku mi‐anena: lipi a’a una lipi awku mere lipi awku mi‐anena.
36Nai kurunaina, Voa vevea lare ai a’a‐oro voa veve’eiakeiakana omo avuavu voa kavakava eiai.
37Uku ni voa ni everenia?-?keiakana, uku ni voa ni mua?-?nikavakeiakana.
38Kikiria a’a varomo, Parisea a’a ane, erau voa kurunave, Amua e, vupu Ni mere inamu‐oiai enei umuli’ina.
39U erau voa kuruenave, Namea eve’eve kiri a’a vupu eiai nawki‐awkana, vupu eria ekuakeiakana, Iona laikorava a’a anu vupu e awkuakeina.
40Uku orau Iona lare rere kaiane, kipere rere kaiane ane, ai’i inu nemo laru ai pokoinave; A’a anu Mere awku kae enu umu laru ai orau keiakana lare rere kaiane, kipere rere kaiane keiakana.
41Voa vevea lare ai Ninive a’a ei kiri a’a kiripai oiakana, oro ei kiri a’a mua‐ekavakana ane, uku oro lai urukinave Iona anu omoro voa eiai: akoi’i, a’a monou eu ai pokoina U Iona anu amua keina.
42Nara eiei inu amua a’e ei a’a kiri kiripai la’avakana voa vevea lare ai, ei a’a kiri u mua‐ekavakana ane; uku u pani va’au unu orai mere anenave Solomona anu lai evera voa viriai: akoi’i, a’a monou eu ai pokoina U Solomona anu amua keina.
43Upu avaea a’a mere elemaneane eorari mako ai u pawru‐enana, keia mako vorona, keia mako eria u auina.
44U erau voa kuruna, Marea ai nai ave’enave nai vairuakana; u vairuna, marea a’a kape u auina, urupu pure‐awkavakeina, imakeina ane.
45Avaea‐lipi mai 7 auiai u elenave, oro u kiripai pokoiai u marea ai are’ekana, kurua a’a anu ika pani una pinai pani ipi’ipiapea, u lipi a’a miki keina. Orau keiakana ei namea kiri a’a eiai.
46U a’a aruru omoro kurumakei’inave ane, Una mei, aroa a’a‐oro ane, aruru a’a iki ai oimakei’inave, voa kuruai oro umulimakei’inave.
47A’a aruru unu a’a monou erau voa kurunave, Akoi’i, Ni mei, Ni aroa a’a‐oro ane, iki ai oimakina, voa kuruniai oro umulimakina.
48U erau voa veve’einave, Na mei koana? Na aroa a’a‐oro koana?
49Una eve U oiokanave Una aivara oro ai, erau voa kurunave ane, Akoi’i, Na mei, Na aroa a’a‐oro ane, oro ioure!
50Uku Na Mai pani muku ai a’a kavakava Una lai kamaialiakana, kurua a’a Na aroa a’a, Na aro a’e ane, Na mei ane.
Aktuálne označené:
Mataio 12: IAR1920
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1920.
