Mataio 10
10
1Una aivara 12 U ai aneai U laea‐elau’unave, iva U ekunave i’ima avaea‐oro eiai uku oro laeiai; auma maia, eapa maia ane, kavakava aukarikavai.
2Iva a’a 12 anu nawi eire; pinai Simona, nawi Petero awku u oroiakei’inave, Anederea ane una aroa a’a; Iakobo ane Sebede enu mere, Ioane ane una aroa a’a;
3Pilipo, Baritamaio ane; Toma, Mataio ane moni akoa a’a; Iakobo Alapeo onu mere, Tadaeo ane;
4Simona Kanana a’a Iuda Isakariota ane, u ane u Iesu anai avinave.
5Ei a’a 12 Iesu ekaivirinave, erau voa U ekinave, Lai unuku a’a anu eiei ai pa eleai, Samaria a’a anu pai’iri pa ikiriai:
6A’a‐oro ai enara oro Isaraela a’a mere ikou?-?enava’ane euna.
7Noro aki‐enamakeia’?-?ane erau voa omoro kurura, Pani Muku unu eiei arekamu ai anena.
8Maia a’a aukariekane, imua a’a rokoa‐eine, apa auma a’a urupu‐eine, avaea‐lipi laeine; noro veruku miane euna, noro veruku awkune.
9Moni pa iou‐miai nomo paiku laru ai.
10Vo’oa awku pa iou‐miai nomo aki eiai, a’a kape rere ane, rawre are ane, iri iei ane, pa iou‐miai: iaki‐lia a’a imakeina iaki kavani pei eiai.
11Pai’iri kavakava noro ikiriakana pai’iri inu veruku a’a eiai voa veve’era, una marea ai i‐pokoira anea’anea noro kurua pai’iri mere eleane.
12Noro kurua marea ikiriane, marea kepoira airu eiai.
13Marea a’a imakeia’?-?ane, nomo airu marea ai keinamoki; marea imakeiape liane, nomo airu noro ai vairunamoki.
14A’a‐oro umu‐ainaiapea, nomo voa awku kamaia?-?liapea, noro kurua marea naea, pai’iri naea, ave’eane, a’au nomo are mere noro kikine.
15Nai kurunaina kapoi, Voa vevea anu lare ai Sodoma, Gomara ane, pai’iri orere kavani mau’u miakana orere enu opara lipi eiai, kurua pai’iri kavani ovara miakana omo voviri eiai.
16Akoi’i Nai nakaivirina mamoe orau lupu unu awkono avao ai: paiko orau noro lai evera mi’ine, naureia orau noro kekepa keine.
17Oivirine a’a‐oro eiai: uku oro naravakana Sunederi a’a anu paku ai, omo omoro marea laru ai oro vakina?-?miakana;
18Uku Nai eiai noro voa vevenaiakeiakana kavana anu paku ai, amua a’a anu paku ai ane, uku omo paku ai, lai unuku a’a anu paku ai ane, ioneliai.
19Noro piriakeia’ane voa vevea eiai lai kukupuna pa miai kavani voa eiai noro kuruakana: uku ou pani ai kavani voa nakuakeiakana.
20Uku noro voa kuruapea, a nomo Mai inu Avaea noro laru ai voa kuruna.
21Aroa a’a una aroa a’a anai‐aviakana imua eiai, mekai awku una mere: ukua‐oro omo a’e‐mai ane anai?-?avieakana oro e‐avai evere’eakana.
22I a’a uriria noro vai’i‐nakavakeiakana uku Na nawi eiai: a kurua a’a u ivirikeiakana anea’anea voa vevea pani ai u iawkavakeiakana.
23Oro mani‐nakava’ane ei pai’iri ai, area‐enara pai’iri mo ai: uku Nai kurunaina kapoi, Noro Isaraela anu pai’iri uriria aki‐enapea anea’anea A’a anu Mere anea’ane.
24Pairama ukua una mai?-?vaki upa mere keiapea, aivara awku una amua upa mere keiapea.
25Pairama ukua una mai?-?vaki ipi’ipiakeia’ane, oaio! aivara awku una amua ane ipi’ipiakeia’ane, oaio! Marea anu mai‐vaki oro Belesubo oroiane euane una marea a’a oro aira‐kakoi nawi oroia?-?peana?
26Oro eiai noro kore pa liai: uku paueakeia awku ipawkiakeiakana; vauavaua?-?keia awku ipaliakeiakana.
27Voa Nai nakina muru ai pamea ai noro kurune: iva voa noro keporo virina marea upa mere noro are?-?opakane.
28Oro eiai oro kape a’ana noro kore pa liai, imunu avai oro liapea: a u imunu, kape ane, e‐avai li’ina Gehena ai, ueiai noro koreli’ine.
29Naku rere mau’u apeni kavani inaea‐liakeiapeana? nomo Mai evere’eape liane ei naku mau’u monou kae ai aravapea.
30A nomo uku unu kimari uriria akoakeina.
31Ou uku eiai noro kore pa liai, naku upa mere noro are’eakeina.
32A’a kavakava iki‐e’i’?-?ina a’a anu paku ai Nai iki‐e’eakana Na Mai inu paku ai pani muku ai.
33A’a kavakava lari‐ikana a’a anu paku ai Nai lari‐awkavakana Na Mai inu paku ai pani muku ai.
34Pa laikoravai Nai anena airu okaiviriai pani va’au ai: Nai a‐anenavea airu okaiviriai, a uku rawve okaiviriai.
35Nai anenave a’a mani‐awkavai una mekai eiai, paka mani awkavai una mei eiai, ono a’e mani‐awkavai una kimi a’e eiai.
36A’a anu avai a’a‐oro una mani a’a keiakana.
37A’a umu ovara mi’ina una mekai eiai naea, mei eiai naea, umu mau’u mi’ina Nai eiai, kurua a’a ima peo Nai eiai; a’a umu ovara mi’ina una mere naea, una paka naea, umu mau’u mi’ina Nai eiai, kurua a’a ima peo Nai eiai.
38A’a una iri‐keoa uaki?-?apea, u e’e’ikapea, u ima peo Nai eiai.
39A’a ane una rokoa auina una rokoa u paukiakana: a’a ane una rokoa paukina Nai eiai una rokoa u auiakana.
40A’a umu‐ainaina u umu‐ai’ina, u umu‐ai’ina U ane U ikaivirinave u umu‐aina.
41A’a laikorava a’a umu‐aina uku u lailorava a’a keina laikorava a’a anu kavani u miakana; u ane u opara anana a’a umu‐aina uku u opara anana a’a keina opara anana a’a anu kavani u miakana.
42A’a kavakava ei ukua mau’u monou koiri ere awkuna uku u aivara a’a keina, Nai kurunaina kapoi una kavani u paukiapea.
Aktuálne označené:
Mataio 10: IAR1920
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society in 1920.
