Matí Injíl 4
4
IV. CHAHÁRMÍ BÁB.
1Guḍá Ruhá Yesu baṛ neáṉwáṉ ártha ki Shaitán áṉhiar ázmaini. 2Waktá ki chil roshá chil shafá roshag̱ẖ khuṯẖag̱ẖaṯẖ guḍá shuḏẖí bíṯẖa. 3Guḍá raḏẖ khanoḵẖá áḵẖto gwashta ki Thau Huḏẖá Bachhe hukm de ki hawi koh nag̱ẖan bant. 4Jawáv dáṯẖo gwashtai ki, likhṯẖa ki Mardom sirf azẖ nag̱ẖaná zindag̱ẖ naví; azẖ har gálwará ki Huḏẖá gushí, zindag̱ẖ bí. 5Guḍá Shaitán áṉhiar gipto shuḏẖa mukaddas shahr neáṉwáṉ, Huḏẖá‐log̱ẖ sag̱ẖará kharo khuṯẖa. 6Gwashtai ki Thau Huḏẖá Bachhe, waṯẖí jindá dig̱ẖárá phireṉ; ki hacho likhṯẖa ki
Huḏẖá thai sará waṯẖí firishtag̱ẖánrá hukm dá;
Án de dastá thará zírant,
Ki thai pháḏẖag̱ẖar koh na mánkhai.
7Yesuá áṉhiar gwashta ki Thih jáhá likhṯẖa ki Huḏẖáwand waṯẖí Huḏẖá ma ázmain. 8Thihbare Shaitáná gipto buṛtha sakhia burze kohá jihán thewag̱ẖe tuman de shán o shaukat de shomdáṯẖa. 9Guḍá gwashtai, Thau mai pháḏẖá gir, sijda khan, harchi ki thau gindí, thará deáṉ. 10Yesu gwashta Dír baro, yá Shaitán; ki írge likhṯẖa ki Huḏẖáwand waṯẖí Huḏẖá demvá sijda khan, thih khas bandagí ma khan. 11Guḍá Shaitáná ishto dáṯẖa; firishtag̱ẖá áḵẖto áṉhí khizmat khuṯẖa.
12Yesuá ashkhuṯẖa ki Yuhanná kaizí bíṯẖa, guḍá Jalilá shuḏẖa. 13Azẖ Násaratá rawán bíṯẖo Kafarnáhumá áḵẖto nishta, ki dirrá kandeá asti, Zebúlún wa Naftálí deh neáṉwáṉ, 14ki hawáṉ gálwar philav bí ki Yasaiyáh nabiá gwashta ki
15Zebúlún dehá de Naftálí dehá de,
Dirrá ráhá, Yardan shánbará,
Thíh siyál Jalílá,
16Álam tahárá nishta;
Ní mazáeṉ roshe díṯẖa,
Áṉháṉrá, ki mauṯẖ dehá wa sáhá nishtag̱ẖant,
Rosh paidá bíṯẖa.
17Guḍá Yesu wáz khanag̱ẖá wa gushag̱ẖá khapta ki Tauva khane ki Huḏẖá ráj nazíke.
18Yesu Jalíl dirrá kandeá rawag̱ẖaṯẖ, do bráṯẖ díṯẖag̱ẖant yake Shamáún ki áṉhí nám Patrúse, thih áṉhí bráṯẖ Andariás. Dirrá neáṉwáṉ jál phirenṯẖa ki máhig̱ẖ giroḵẖaṯẖant. 19Gwashtai ki mai phaḏẖá biyáe, ki ma shuár mard‐giroḵẖ khanán. 20Yabará waṯẖí jál ishto dáṯẖo áṉhí phaḏẖá shuḏẖag̱ẖant. 21Shawoḏẖa rawán bíṯẖo thih do bráṯẖ diṯẖag̱ẖanti, Zabadí bachh Yákúb, wa áṉhí bráṯẖ Yuhanná, go waṯẖí phiṯẖá Zabadí phajiá bozẖiá nindag̱ẖaṯẖant, waṯẖí jál jorenag̱ẖaṯẖant. 22Gwánkh jaṯẖai, guḍá bozẖíar de waṯẖí phiṯẖar de ishto dáṯẖo áṉhí phaḏẖá áḵẖtag̱ẖant.
23Yesu thewag̱ẖe Jalíl dehá pheḏẖá phoḏẖá shuḏẖa, nawásh log̱ẖ neáṉwáṉ saláh khanána, bihisht whash‐hál deáná, wa thewag̱ẖe náduráhar duráh khanána. 24Áṉhí nám Suriya dehá mazan bíṯẖa; áṉháṉrá ki range range náduráh bíṯẖag̱ẖant, ki azẖ dardá dukhi bíṯẖag̱ẖant, ki azẖ bad‐ruhá pur bíṯẖag̱ẖant, wa ki áṉháṉrá mirgíh bíṯẖa, thewag̱ẖe Yesu nemg̱ẖá árthag̱ẖant. 25Guḍá duráh khuṯẖaish, álam de much bíṯẖo áṉhí phaḏẖá shuḏẖag̱ẖant azẖ Jalílá, azẖ Dikápulisá, azẖ Yarusalamá, azẖ Yahudiá, azẖ hawán dehá ki Yardan shándemá astant.
Aktuálne označené:
Matí Injíl 4: BGPRMAT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published in 1884 for the Punjab Bible Society.
