Luka Epa eka wa gwara o rose azaa ewele eka luka ka wele
Epa eka wa gwara o rose azaa ewele eka luka ka wele
Luka, ka ne yeng legwa ka Bulus kaya ka wele a ngmǝ ana.
Luka kangza kaya ka wele Ogole Atoma. Ka eze ewela leere ena a ale a oromo oka a beya wai na Tiyapilas, oromo oka ondo gongnga wai, ba eza ondo gongnga wai a nyimi ana togomo te Roma. Tiyapilas ba eza a wa samba o kona eyapa a nyimi orooka o lebo azaa Yeso Kiristi. Luka ka yeme bena wa dongdong rose na epa eka wa kone azaa Yeso magangganga mai. Azaa nyimi Luka ka wele keeya azaa o ngmenga, o cikǝ, ogole, o gbwǝ, ka o kurǝ ebeene e Yeso Kiristi, a kap nangka epa eme e ale. Ka wele a kap, aka dongdong tare e keeya, aka baala awere aka epa eme e ye.
O bena Luka ondo eza ewela ka Yahuda taza ne aka wele a ale ondooka o Yahuda taza ne, a were yende ka bele makili ma Yahuda ka epaaka ne ezeze.
Epaaka Luka ka wele aza ame
Luka ka wele a ngmǝ me ka ka wore o bena Yeso kaya ondo boza a pate aromo. A ngmǝ lebo azaa Yeso Kiristi a ka kang pate aromo makeke.
Luka kanza ka wela azaa:
O bare o Yeso, o bena kaya Ateokora, kaya Kiristi kanza, ondo boza ka Ashili a tono o tonga ne
O bere o rere
O beya a ngmǝ ka Ashili
O nata lenyong ana o dera ka o zurki a ana o cǝ
Nangka Ashili ya yeme o pisǝ oro, ka nangka teyo pisi ana ondo
Nangka andaye ne tare Yeso nane kangkama kai
Nangka a arseze ewela e Luka
Otomo o zaa shili yende wa bele o ngmenga o Yohana o batisma ka o Yeso 1:1-80
O ngmenga Yeso ka e yana e kai 2:1-52
Nangka Ashili a babare orona azaa o gole o Yeso 3:1—4:13
Yohana wa eze aromo o batisma, awa kang aza Yeso 3:1-22
Seze ana buudu a Yeso 3:23-37
Nangka ogomo o bere o buru wa kedeya Yeso o wake 4:1-13
Yeso ka beele orooka o lebo a ka eze epa o tera o kpwe a makeke Galili 4:14—9:50
Yeso ka baya makeke Galili aka ale a peng Urushalima, a nyimi teweno, ka zoole aka ezeze epa o tera o kpwe a to ara cak 9:51—19:28
Epaaka e ale a peng Urushalima: A core a ngmǝ a saka kai azaa uti o gendare 19:29—23:56
Yeso ka ere malo o gbwǝ aka ale azaa shili 24:1-53
Aktuálne označené:
Luka Epa eka wa gwara o rose azaa ewele eka luka ka wele: XSN
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
©️2022 Luke Initiative for Scripture Translation