Lukas 16
16
Heb nongen dohongein le hom lao.
1Boen Jesu i vong le ndro su lao aden: Hom labenen, memrad aden dsoln, gin daui homo ir bogulue memrad aden, ngarnongen gin meher ndro i, lao aden i behena memrad aden. 2I loh i, i vong le ndro i, i boi: Sehe longu io da gin hirong i? Ha nemeni memrad ordo, gme ndro io, io mbuere uo gobgulue memrad ordo. 3Ndramed ogo i hanguruen le bergoln: Io gob sa malabo, ndorlaben beg bieni io. Io de dono bo mburer le beleng bui, bombulo i mesi le soling gle gan. 4Hian malabo io dono io ghinen sa. Boen su ndramed su hedi io le um asu, be ndorlaben ordo gin bieni io. 5I loh su, memrad ad ndorlaben aden i da ndro su. I ndemani homo: Memrad masehe ad ndorlaben ordo i da le nemem? 6I bode: Ndrelgei gur masanged. Malabo i vong le ndro i, i bai: Ghedi peper ogo adem, lugdo, ghondre ndrelgei gur malimungul. 7Boen i ndemani homo: Memrad ad ndorlaben masehe, uo gin hurdi mahanu? I bode: Gorn ndob masanged. I vong le ndro i, i bai: Hedi peper ogo adem ge, ghondre ndob manondrungul. 8Ndorlaben i mugueni lao aden le hanguruen aden dagara. Su mbunana ber gor ogo su dansu hanguruen dagara, su mbunana ber lang bui. 9Io vong le ndro mu: Rui su gous ademu gle ndro mu gle memrad molhe ber boan, bersi muren memrad ademu boen, su grui mu le gor lundielang. 10Homo i da bogulue longu aden molhege hian, su ghengen le ndro i memrad manden, homo i de danen bogulue heb longu aden mandehege heb hian bui, su de hengen de la ndro i longu manden bui. 11Be mu de gin bogulue memrad molhe ber boan heb monen bui, sie i ghengen le ndro mu memrad ber lang? 12Ar de danmu bogulue memrad asu, su da gin daui gle nemu heb hian bui, sie i daui memrad ademu gle nemu? 13Hom lao de danen bo mburer le ndro sor ndorlaben marmou bersi bui, i da golnisden homo ge, ndrnen i da irgu le ad homo, i ndrbon homo ge, ma i gbieni homo. De danmu gob mburer le ndro Jehova, ma gle memrad ber boan molhe bersi bui.
Heb nongen le ndro su Pharisi.
14Su Pharisi su hirong nongen ogo lie. Meruasu dsoln, bormarsu gosusngo le nongen aden. 15I vong le ndro su, i bai: Uomu hanguruen hian monen ge gle ademu, mu ha lengi su ndramed bamugueni mu. Jehova i ge i danen bergolmu. Longu masi su ndramed ber boan bamugueni, Jehova i mburen, i momen ge le bormarn. 16Nongen ad Mose, ma nongen asu Provet, aga i vonei le rang ad Johanes, boen nongen houen gin me, nongen le gor lundielang hian ge, su bosoui leri malabo. Homo ir boro i ndoun ndoun i da lundielang. 17Lang e boan na glos, heb nongen mandehege ber Buk Helian de glos bui. 18Homo ma homo i da robuldi nambulen, boen i ibdi hom bihin gle nambulen lie, i bo longu sungsou, ar homo i ibdi bihin homo gle nambulen goru hom gamel gin robuldi i, i bo longu sungsou.
Heb nongen le hom labenen, ma le hom ndramed molhege.
19Hom labenen i da le gor si, salo aden hian ge, i da bo gous sidesi. 20Hom ndramed molhege ngarn Lasarus, i da lobonhonum, mandrn masi legen ge, 21i beg ien nogden ber geao ad labenen, su mui gin me, su ndremeni legen aden. 22Bersi muren Lasarus ginmad, su Angelo su rui i le berbalen ad Abraham. Labenen ogo lie i ginmad, su gin doni i le ngad. 23Be i da le gor ndrogum, ngendian dsoln, be i lele, i ilndri Abraham i da manan ge, ma Lasarus i da le berlalen. 24Malabo i loh, i bai: Abraham Bo Domo, golmgisden io, rendegien Lasarus, i daui gobnemen gle ndran, boen i daui i gle germo. Aga hian ge me ndro io, ngendian ordo manden ge le gor moan. 25Abraham i bode: Nduro, hanguruen longu hendre ogo: Memrad adem dsoln, i da ndro uo le gor boan. Lasarus i ge gina momen ge. Malabo io rederhi i, ma ngendiam mabosanged. 26Ngai mandromai i da le dogro gor adem e ordo, su beg dogi le gor ordo de dansu i bui, su ber gor ordo beg dogi le gor adem, de dansu i bui. 27I bode: Io soling ndro uo Bo Domo, rendegien Lasarus le um ad bo domo. 28Su ndere malimou su do da ri, i ghenunuen su, debosan su me le gor ogo lie, gor momen ge. 29Abraham i bodeie: Nongen ad Mose i da ndro su, nongen asu Provet lie, delengasu le nongen asu. 30Labenen i bode: Bo Domo, Abraham, dagara bui, be homo asu su da ginmad goru, su gedne, i gla ndro su, boen su garbelueni bern asu. 31Abraham i bodeie: Ar delengasu le nongen ad Mose, ma nongen asu Provet bui, su de belueni bern asu gle houen hebsa bugane, ar homo i da ginmad goru i dne, ir dogi le ndro su.
Aktuálne označené:
Lukas 16: LLENT
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Published by the British and Foreign Bible Society 1956
