Siin Giala 5
5
Min mɛnɛn nə kɛdɛnan baa, a saa Aadã ganaa a wo Nowee yaa
1 #
SGK 1.27-28. Aadã a kɛdɛnan sɛ́wɔ á ke: Lawa bɛ́ á minbuiin nɛ zɛnaa ǹ mɛn pinaa, a na á zɛnaa a din a kɔnboe lɛa. 2#MAT 19.4; MAR 10.6. Á ǹ zɛnaa giĩ laanka lɔ nɛ, á barka da ǹ ganaa, á ǹ bíi mà "Minbuiin Nɛ" ǹ zɛnaa pinaa dinin.
3Aadã bɛ́ á lɛ̀ paabiɛ ka pɔsɔɔ (130) zɛnaa kanaa ǹ mɛn waáraa, á nɛgiĩ yɛ a din a kɔnboe lɛa, ka a din bɛ́ lɔn. A ná a tɔ kɔ Sɛɛti. 4Sɛɛti a yɛ kio, á wusoo á lɛ̀ biɛkiwisi (800) zɛnaa kanaa, á nɛgiĩ kɔsɔn laanka nɛlɔn yɛ. 5A lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka pɔsɔɔ (930), bɛ kio, á tɔ́n gã.
6Sɛɛti lɛ̀ paabiɛ ka sooro (105), á Enɔɔsi yɛ. 7Enɔɔsi a yɛ kio, á wusoo á lɛ̀ biɛkiwisi ka sɔbaa (807) zɛnaa kanaa. Á nɛgiĩ kɔsɔn laanka nɛlɔn yɛ. 8A lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka fulupaa (912), bɛ kio, á tɔ́n gã.
9Enɔɔsi lɛ̀ pɔmanangɔrɔ, á Kenan yɛ. 10Kenan a yɛ kio, Enɔɔsi wusoo á lɛ̀ biɛkiwisi ka fulusooro (815) zɛnaa kanaa. Á nɛgiĩ kɔsɔn laanka nɛlɔn yɛ. 11Enɔɔsi lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka sooro (905), bɛ kio, á tɔ́n gã.
12Kenan lɛ̀ pɔsɔbaa, á Malaleeli yɛ. 13Malaleeli a yɛ kio, Kenan wusoo á lɛ̀ biɛkiwisi ka pusi (840) zɛnaa kanaa. Á nɛgiĩ kɔsɔn laanka nɛlɔn yɛ. 14Kenan lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka fù (910), bɛ kio á tɔ́n gã.
15Malaleeli lɛ̀ pɔsɔrɔwensooro, á Yerɛdi yɛ. 16Yerɛdi a yɛ kio, Malaleeli wusoo á lɛ̀ biɛkiwisi ka pɔsɔɔ (830) zɛnaa kanaa. Á nɛgiĩ kɔsɔn laanka nɛlɔn yɛ. 17Malaleeli lɛ̀ lɛ mɛn zɛnaa kanaa, a tumaa a kaa kun nə lɛ̀ biɛkiwisi ka pɔmanangɔrɔwensooro (895), bɛ kio, á tɔ́n gã.
18Yerɛdi lɛ̀ paabiɛ ka pɔsɔrɔwenpaa (162), á Enɔɔki yɛ. 19Enɔɔki a yɛ kio, Yerɛdi wusoo á lɛ̀ biɛkiwisi (800) zɛnaa kanaa. Á nɛgiĩ kɔsɔn laanka nɛlɔn yɛ. 20Yerɛdi lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka pɔsɔrɔwenpaa (962), bɛ kio, á tɔ́n gã.
21Enɔɔki lɛ̀ pɔsɔrɔwensooro, á Matuuselaa yɛ. 22Matuuselaa a yɛ kio, Enɔɔki kɔ Lawa a zii lɛ, lɛ̀ biɛsɔɔ (300) gɔ́ɔ̃ nɛ. Á nɛgiĩ kɔsɔn laanka nɛlɔn yɛ. 23Enɔɔki lɛ̀ lɛ mɛn zɛnaa kanaa, a tumaa a kaa kun nə lɛ̀ biɛsɔɔ ka pɔsɔrɔwensooro (365). 24#EBR 11.5; ZUD 14. A bɛ́ á kɔ Lawa a zii lɛ, Lawa saa á woo-n a din li lon, min yii yɛ doo wa.
25Matuuselaa lɛ̀ paabiɛ ka pɔkiwisiwensɔbaa (187), á Lemɛki yɛ. 26Lemɛki a yɛ kio, Matuuselaa wusoo á lɛ̀ biɛsɔbaa ka pɔkiwisiwenpaa (782) zɛnaa kanaa. Á nɛgiĩ kɔsɔn laanka nɛlɔn yɛ. 27Matuuselaa lɛ̀ lɛ mɛn zɛnaa kanaa, a tumaa a kaa kun nə lɛ̀ biɛmanangɔrɔ ka pɔsɔrɔwenmanangɔrɔ (969), bɛ kio, á tɔ́n gã.
28Lemɛki lɛ̀ paabiɛ ka pɔkiwisiwenpaa (182), á nɛgiĩ yɛ. 29A ná a tɔ kɔ mà Nowee (bɛ giala mà "Foobasiɛ̃"). A giala, a na á goã pii mà Dɛnaa lɛn pipiã bíi tán mɛn li, mà bɛa dí bɛ́ nɔmaa babaraa mɛn diɛ ǹsɛn mìi ni, mà kɛ n die foo basiɛ̃ koe ǹsɛn la bɛ gɔ́ɔ̃ nɛ. 30Nowee a yɛ kio, Lemɛki wusoo á lɛ̀ biɛsooro ka pɔmanangɔrɔwensooro (595) zɛnaa kanaa. Á nɛgiĩ kɔsɔn laanka nɛlɔn yɛ. 31Lemɛki lɛ̀ lɛ mɛn zɛnaa kanaa, a tumaa a kaa kun nə lɛ̀ biɛsɔbaa ka pɔsɔbaawensɔbaa (777), bɛ kio, á tɔ́n gã.
32Nowee lɛ̀ biɛsooro (500), á nɛgiĩ sɔɔ yɛ: Sɛmu ni, ka Kaamu ni, ka Zafɛti ni.
Aktuálne označené:
Siin Giala 5: SCE2013
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
San Catholic Edition Bible © Bible Society of Burkina Faso, 2013.