Ioan 5
5
O satearimos le šukăhko dă 38 bărši.
1Pala kodea sas khă prazniko le Iudeiengo; thai o Isus ankăsto ando Ierusalimo.#Cap. 2.13. Lev. 23.2. Deut. 16.1.
2Ando Ierusalimo, paša o Udar le Bakreango, sas khă naiarimahkopai, kai bušolas evreisko Betesda, kai sî les panji riga.
3Ande le riga kadala pašleonas khă butimos nasfalengo, koŕă, lang, šukă, kai ajukărănas o mištimos le paiehko.
4Anda kă ăkh înjero le Raiehko ulelas, kana thai kana ando naiarimahkopai, thai biujarălas o pai. Thai kukoa anglal, kai ulelas ande leste, pala o tulburimos le paiehko, kărdeolas sastevesto, orsavo nasfalimos te avino les.
5Oče sas khă manuši nasfalo dă treanda thai oxto bărši.
6O Isus, kana dikhlea les pašlindoi, thai, anda kă jeanelas kă sî nasfalo dă but čiro, phendea lehkă: „Kames te kărdeos sastevesto?”
7„Raia”, dea Les anglal o nasfalo, „nai ma khonikh te šol ma ando naiarimaskopai kana biujol o pai; thai, ji kana te jeau me, ulel aver angla mande.
8„Ušti”, phendea lehkă o Isus, „vazde teo pato thai phir.”#Mat. 9.6. Marko 2.11. Luka 5.24.
9Andakhdata o manuši kodoa kărdi'lo sastevesto, lea pehko pato, thai phirălas. O des kodoa sas khă des Savatohko.#Cap. 9.14.
10Le Iudeia phenenas kukolehkă so sas sasteardo: „Sî o des le Savatohko; nai tukă meklino te vazdes teo pato.”#Exod. 20.10. Neem. 13.19. Ier. 17.21, etc. Mat. 12.2. Marko 2.24; 3.4. Luka 6.2; 13.14.
11O dea le anglal: „Kukoa kai kărdea ma sastevesto, phendea mangă: „Vazde teo pato, thai phir.”
12On pušle les: „Kon sî o manuši kodoa, kai phendea tukă: „Vazde teo pato, thai phir?”
13Ta kukoa sasterado či jeanelas kon sî: kă o Isus kărdi'lo sas bidikhlo andoa norodo kai sas ando than kodoa.
14Pala kodea, o Isus arakhlea les ando Templo, thai phendea lehkă: „Dikta kă kărdilean sastevesto; dă akanara te na mai bezexarăs, kaste na kărdeol pe tukă vareso mai nasul.”#Cap. 8.11. Mat. 12.45.
15O manuši kodoa gălo, thai phendea le Iudeiengă kă o Isus sî Kodoa kai kărdea les sastevesto.
16Anda kadea doši, le Iudeia line te phirăn pala o Isus, thai rodenas te mudarăn Les, anda kă kărălas kadala butea ando des le Savatohko.
E buti le Šeavesti.
17Ta o Isus dea le anglal: „Muŕo Dadd kărăl buti ji akana; thai Me sakadea butearau.”#Cap. 9.4; 14.10.
18Orta anda kodea rodenas i mai but le Iudeia te mudarăn Les, na numai anda kă pîtărălas o des le Savatohko, ta i anda kă phenelas kă o Dell sî Lehko Dadd, thai kărdeolas kadeadar orta sar o Dell.#Cap. 7.19; 10.30, 33. Filip. 2.6.
19O Isus lea pale o divano, thai phendea lengă: „Čeačes, čeačes phenau tumengă, kă, o Šeau našti kărăl khanči Pestar; O či kărăl numai so dikhăl ka Pehko Dadd kărindoi; thai sa so kărăl o Dadd, kărăl i o Šeau sakadea.#Vers. 30. Cap. 8.28; 9.4; 12.49; 14.10.
20Kă o Dadd kamel le Šaves, thai sîkavel Lehkă sa so kărăl; thai sîkavela Lehkă butea mai bară sar kadala, ta tume te mirintume.#Cap. 3.35. Mat. 3.17. 2Pet. 1.17.
21Čeačimasa, pala sar o Dadd ušteavel ăl mullen, thai del le čivava, sa kadea i o Šeau del čivava kas kamel.#Cap. 11.25, 43. Luka 7.14; 8.54.
22O Dadd čina či krisînil khanikas ta sa e kris dea la le Šeavehkă,#Vers. 27. Cap. 3.35; 17.31. Mat. 11.27; 28.18. 1Pet. 4.5.
23anda ka sa te denpativ le Šeaves sar denpativ le Daddes. Kon či delpativ le Šeaves či delpativ le Daddes, kai tradea Les,#1Ioan 2.23.
24Čeačes, čeačes phenau tumengă, kă kon ašunel le divanuri Mîŕă, thai pateal ande Kukoa kai tradea Ma, sî les čivava vešniko, thai či avel kai kris, ta nakhlo andoa mullimos kai čivava.#Cap. 3.16, 18; 6.40, 47; 8.51; 20.31. 1Ioan 3.14.
25Čeačes, čeačes phenau tumengă, kă avel o čeaso, thai akana i avilo, kana le mulle ašunena o mui le Šeavehko le Devllehko, thai kukola kai ašunena Les, uštena.#Vers. 28. Efes. 2.1, 5; 5.14. Kol. 2.13.
26Kă, palasar o Dadd sî les e čivava ande Peste, sa kadea dea le Šaves te avel les e čivava ande Peste.
27Thai dea Les zor te krisînil, anda kă sî o Šeau le manušehko.#Vers. 22. Dan. 7.13, 14. Kărd. 10.42; 17.31.
28Na mirin tume la buteatar kadalatar; anda kă avel o čeaso kana sa kukola andal mormînturi ašunena Lehko mui,
29thai anklena avri anda lende. Kola kai kărdine o mištimo, uštena andai čivava; ta kukola kai kărdine nasul, uštena anda e kris.#Is. 26.19. Dan. 12.2. Mat. 25.32, 33, 46. 1Kor. 15.52. 1Tes. 4.16.
30Me našti kărau Mandar khanči: krisîni pala sar ašunau; thai e Kris Mîŕî sî čeači, anda kă či rodau te kărau o kamimos Muŕo, ta o kamimos le Daddehko, kai tradea Ma.#Vers. 19. Cap. 4.34; 6.38. Mat. 26.39.
O phendimos le Daddehko thai le Ioanohko.
31Kana Me phenau pa Mande korkoŕo, o phendimos Muŕo nai čeačio.#Cap. 8.14. Sîk. 3.14.
32Sî iekh Aver, kai phenel pa Mande; thai jeanau kă o phendimos, kai kărăl Les o pa Mande, sî čeačio.#Cap. 8.18. Mat. 3.17; 17.5. 1Ioan 5.6, 7, 9.
33Tume tradean koa Ioan, thai o phendea andoa čeačimos.#Cap. 1.15, 19, 27, 32.
34Na kă o phendimos, kai primi les Me, avel kata khă manuši; ta phenau le butea kadala kaste aven skăpime.
35O Ioan sas e lumina, kai sî astardi thai străfeal, thai tume kamblaean te vesălin tume vareso čiro kai lumina lesti.#Mat. 13.20; 21.26. Marko 6.20. 2Pet. 1.19.
36Ta Man sî ma khă phendimos mai baro sar le Ioanohko; kă le butea, kai dea Mangă le Muŕo Dadd te kărau le, orta le butea kadala, kai Me kărau le, phenen pa Mande kă o Dadd tradea Ma.#Cap. 3.2; 10.25; 15.24. 1Ioan 5.9.
37Thai o Dadd kai tradea Ma, phendea o korkoŕo pa Mande. Tume či ašundean čiăkhdata Lehko mui, či dikhlean Lehko tipo;#Cap. 1.18; 6.27; 8.18. Mat. 3.17; 17.5. Deut. 4.12. 1Tim. 1.17. 1Ioan 4.12.
38thai o Divano Lehko či ašel ande tumende, anda kă či patean ande Kukoa, kai tradea Les O.
39Roden o LillleDevllehko, anda kă dinen kă ande leste sî tume e čivava e vešniko, ta orta on phenen pa Mande.#Vers. 46. Cap. 1.45. Deut. 18.15, 18. Is. 8.20; 34.16. Luka 16.29; 24.27. Kărd. 17.11.
40Thai kamen te aven Mande, kaste avel tume čivava!#Cap. 1.11; 3.19.
41Me či phirau pala e slava kai avel katal manuši.#Vers. 34. 1Tes. 2.6.
42Ta Me jeanau kă nai ande tumende Kamblimos le Devllehko.
43Me avilem ando anau Mîŕă Daddehko, thai či primisardean Ma; te avela iekh aver, ande pehko anau, kodoles primina les.
44Sar dašti patean tume, kai phirăn pala e slava, kai den tumengăla iekh avrăngă, thai či roden e slava kai avel katoa korkoŕo Dell?#Cap. 12.43. Rom. 2.29.
45Te na patean kă došaraua tume angloa Dadd; sî kon te došarăl tume: o Moise ande savo thodean tumaro pateaimos.#Rom. 2.12.
46Kă, kana pateana ando Moise, pateana i ande Mande, anda kă o ramosardea pa Mande.#Cap. 1.45. Gen. 3.15; 12.3; 18.18; 22.18; 49.10. Deut. 18.15, 18. Kărd. 26.22.
47Ta kana či patean kodola ramome lestar, sar pateana ande Mîŕă divanuri?”
Aktuálne označené:
Ioan 5: KALD2020
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás
Bible translated into Kalderash Romani by Luminita Cioaba 2020, from the Cornilescu version of the Romanian Bible. Rights are held by the British and Foreign Bible Society and the Interconfessional Bible Society of Romania.
