GENESIS 48
48
Yakob mamberkat Epraim tuntang Manase
1Pire-pire katahie limbah te ingabar akan Yosep je bapae haban paham. Palus ie haguet dengan anake due-due iete Manase tuntang Epraim maja Yakob. 2Metoh Yakob mahining je Yosep dumah, ie mamumpong hapus kaabase, palus mondok huang ekae batiroh. 3#Gen. 28:13-14 Koan Yakob dengan Yosep, “Hatalla Je Jaton Tikas Kuasae jari mamparahan Arepe intu Lus hong tanah Kanaan, tuntang jari mamberkat aku.” 4Ie hamauh dengangku “Aku handak manenga akam are anak eso, mangat turonam manjadi are bangsa; aku handak manenga lewu toh akan turonam manjadi ayun ewen sampai katatahie.”
5Yakob manuntong auhe, “Yosep, due-due anakm Epraim tuntang Manase je inakan intu Misir toh helo bara aku dumah intu hetoh, itongku anakku, sama kilau Ruben tuntang Simeon. 6Amon ikau mandino kare anak tinai, ewen dia itongku kilau anakku tapi tetep anakm; waris akan ewen kareh inarima ewen bara Epraim tuntang Manase. 7#Gen. 35:16-19 Aku malalus taloh toh akan Rahel indum. Intu pangguetku buli bara Mesopotamia indum matei intu tanah Kanaan, dia kejau bara Eprata, tuntang aku paham pehe atei. Aku mangubur ie intu kanih, hong saran jalan eka akan Eprata.” (Metoh toh Eprata ingasene kilau Betlehem.)
8Metoh Yakob mite kare anak Yosep te, ie misek, “Eweh kare anak toh?”
9Tombah Yosep, “Jetoh kare anakku je inenga Hatalla akangku intu hetoh, intu Misir.” Yakob hamauh, “Imbit ewen tokep dengangku mangat aku mamberkat ewen.” 10Yakob dia olih nampayah tarang awi jari bakas tuntang matae jari kawus. Yosep mimbit kare anak te tokep Yakob, palus Yakob mamalok tuntang manyium ewen. 11Yakob hamauh dengan Yosep “Aku dia mangira samasinde je tau hasondau dengam tinai. Tapi labih haream, toh Hatalla manyoho aku mite kare anakm kea.” 12Limbah te Yosep manduan ewen bara pangkuan Yakob, palus ie kabuat manyembah intu baun bapae.
13-14Limbah te Yosep mingkes due-due anake tokep Yakob. Epraim je busu te intu hila sambil tuntang Manase je bakas intu hila gantaue. Tapi Yakob manansulang lengee tuntang mandanan lengee gantau intu hunjun takolok Epraim, tinai lengee sambil indanae hunjun takolok Manase. 15Limbah ie mamberkat Yosep#48:15: Yosep: Katika Yakob mamberkat Epraim dengan Manase, sabujure ie te mamberkat Yosep. koae,
“Hatalla, iete Tuhan, je inyembah Abraham tuntang Isaak,
Ie te je ngagalan aku sampai toh;
16Ie te malekat je jari malapas aku bara kare bahaya.
Keleh Hatalla mamberkat kare anak toh.
Keleh arangku harajur belom tuntang aran Abraham tuntang Isaak
tagal kare anak toh!
Keleh ewen manak meso
tuntang bara turonan are hong kalunen.”
17Yosep dia sanang metoh mite bapae mingkes lengee gantau hunjun takolok Epraim, palus iimbinge lengen bapae uka mindahe bara hunjun takolok Epraim akan hunjun takolok Manase. 18Koae dengan bapae, “Ela tumon te bapa. Toh anak je bakas; danan lengem gantau akan hunjun takoloke.”
19Tapi bapae dia manumoe koae, “Aku katawan, anakku, aku katawan. Manase kareh hai kuasae tuntang turonae mahin kareh jadi bangsa je hai. Tapi andie kareh labih hai kuasae bara ie. Tinai turonan andie te kareh jadi kare bangsa je hai.”
20 #
Ibr. 11:21
Palus imberkate tinai kare anak te, koae, “Oloh Israel kareh manyewut aram amon ewen mamberkat oloh. Ewen kareh hamauh, ‘Keleh Hatalla mawi ikau kilau Epraim tuntang Manase.’ ” Tumon te Yakob mampahelo Epraim bara Manase.
21Yakob hamauh dengan Yosep, “Kilau ikau mite, pampateiku jari tokep, tapi Hatalla kareh mandohop keton tuntang mimbit keton haluli akan lewun tato hiang keton. 22Akam, dia ie akan kare paharim, inengaku Sikem, petak basiwoh te je jari irampasku bara oloh Amori hapan padang tuntang panahku.”
Aktuálne označené:
GENESIS 48: NIJ
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás