GENESIS 23
23
Sarah matei tuntang Abraham mamili petak akan eka kubur
1Limbah Sarah 127 nyelo umure, 2ie matei intu Hebron, tanah Kanaan. Abraham pehe ateie tuntang manatum pampatei sawae te.
3Limbah te Abraham malihi hantun sawae tuntang haguet manalih kare oloh Het, je melai lewu te. Ie hamauh, 4#Gaw. Ras. 7:16; Ibr. 11:9, 13 “Aku toh oloh luar je melai hong bentok kare pahari; aku balaku uka aku tau mamili ije kawatas petak mangat aku tau mangubur hantun sawangku.”
5Ewen tombah, 6“Ikei mahormat ikau kilau pamimpin je abas marak ikei. Tagal te keleh mangubur sawam hong kubur je pangkahalape ain ikei. Ikei uras sanang atei manyadia kubur akan sawam.”
7Palus Abraham sontop intu taharep ewen, 8tuntang hamauh, “Amon keton pahari pahias uka aku mangubur sawangku hetoh, dohop laku dengan Epron, anak hatue ain Sohar, 9mangat ie manjual akangku goha Makhpela je intu saran tanae. Keleh ie manjual petak te hetoh, hayak inyaksi keton. Regae handak imbayarku lepah, mangat petak te jadi petak ayungku.”
10Metoh te Epron mondok dengan kare oloh Het te hong eka hapumpong intu bauntonggang lewu. Inyaksi awi ewen je aton hete, ie tombah, 11“Bangsa ayungku kabuat jadi saksi je tana te dengan gohae inengaku, mangat ikau tau mangubur sawam hete.”
12Palus Abraham sontop hong taharep kare oloh Het te. 13Tuntang hong pahining oloh are, ie hamauh dengan Epron, “Keleh hining auhku. Aku handak mamili salepah tana te. Duan duite, mangat aku mangubur sawangku hete.”
14Epron tombah, 15“Ije karambar petak je regae baya epat ratus duit perak – narai kea rimae akan kue? Ngubur ih sawam intu hete.” 16Abraham satuju ih dengan rega te. Ie mareken duit perak je karee manumon je jari inyewut Epron, iete epat ratus duit perak manumon ehat je ihapan kare sadagar. Balalu ie mambayare akan Epron, inyaksi awi kare oloh Het te.
17Kalote tanan Epron je intu Makhpela hong hila timor Mamre, jadi ayun Abraham. Hong petak te aton tana tuntang goha tinai are batang kayu, tatame batang kayu je aton intu helate. 18Petak te ingaku manjadi petak ayun Abraham awi kakare oloh Het je aton dumah hong pumpong intu bauntonggang lewu te.
19Limbah te Abraham mangubur sawae Sarah hong goha Makhpela intu tanah Kanaan. 20Kalote tana tuntang goha je bihin ayun oloh Het, jari manjadi ayun Abraham akan petak kuburan.
Aktuálne označené:
GENESIS 23: NIJ
Zvýraznenie
Zdieľať
Kopírovať
Chceš mať svoje zvýraznenia uložené vo všetkých zariadeniach? Zaregistruj sa alebo sa prihlás